Hébreux 11:4 - New Testament in Mitsogo

⁴ Abel ameetsa Nzambé môtémee wetso gétsumé mitôma miedi paga na amadeekeda Nzambé ôgondoku ômootéa ényepa n’one aCaïn. Gôsibé Abel na paga, Nzambé amabono angô ti eembe asibé na ébéva. Na amasinga ôgondoku aAbel. Gô éné émayanza Abel na môtémedi wetso gôndé Nzambé atôongô ndongi deo noo buéyé mbe amamana éwa.

Hébreux 11:4 ပူးပေါင်းရင်းမြစ်များ

Matthieu 23:35

T’ebandô éngaba mbe gésisédéô gévôni géngaba gôndé anye. Muetso ane amayôhu gébé n’ebégô, bandôa n’Abel, ône ameenanô na Nzambé ti eembe asibé n’oési, ngu na Zacharie, muana aBarachie, ône amayôhu bobo. Zacharie amayôhu andé va kaba agétumbéô sadigondoku na tsongo eadisambô édigaa Nzambé. Gésisédéô sayôhiye waô géngaba te gôndé anye.

LUC TSANGO EAMOSOBA EMATENDA 11:51

Bandôa n’Abel ône amapanga éyôhuni ngu na Zacharie ône amayôhu gô gatse eba aNzambé va kaba agévumbéô sadigondoku na tsongo éadisambô édigaa Nzambé. Na gô pie, me Jésus nanôbeenda mbe: Oésie adiôwaye yedi yetso, ôndé te gôndé anye asi pitsi yedi.

Tite 1:16

Eenda mbe: We tôsabômu Nzambé, tambô. Esimee na mayanza maô matubéda mônongoe waô ôsavambangô na Nzambé. Andé ga sôma gébooni sambônga ébévani. Akina Nzambé. Na asoongôa éyanza ta n’ebégô évo éamôsôba.

Hébreux 11:2

Va mbeego omee amaséngu na Nzambé ôséngu, te ane amamôétsa mitéma miaô mietso gémôtsumé paga.

Hébreux 12:1

Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni.

Hébreux 12:24

Nômawesea dôta na gôndé Jésus, angô môsungéyine evamba éamôbaé. Nômawesea gô nzina yedi dimaagani. Yangô dindé na nyene tsangô, kaka éne ébévani émabaka na nzinaye yAbel.

Hébreux 5:1

Pene adeekedi adigondoku muetso te ane amasevou va gatse oma gôéyanzéa Nzambé gôésungéa oma. Adeekeda dibiia na digondoku gôéoboo oma gô ébévee éaô.

Hébreux 9:22

Gô mitôma miaNzambé, éetso égôgédu te na nzina. Ebévee éamôma ésasingéô kokoo, buétsé te gô ngudi yanzina dimaagani.

II Pierre 2:8

Lot, môma etsimama amadigaaka va gatse aô. Môtémedi ômabôngamani ôsisuméké te gô metso mameenakangô na mamookôkô angô gô mayanza maô makéé.

Jude 1:11

Odoku aNzambé ôndéké gôndé ahngô. Amani ésevoa nzéane émakea Caïn. Gameenda Balaam dôta g’ônzôô okitii, ameedeekeda anguene mane mapengana na matasa maNzambé. Agono dôta na Coré. Na angawa gô gékékôéô saô gamawa Coré.