Hébreux 11:16 - New Testament in Mitsogo

¹⁶ Ahsinyimé tsengene ématôtahngô. Ahmanyima te tsengene éôtéa ényepani, te éne éag’ôba. T’ebandô Nzambé amanyôngéô étetu mbe Nzambé aô, na amakônzéa omeaa môsenge ôvôni.

Hébreux 11:16 ပူးပေါင်းရင်းမြစ်များ

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Marc 12:26

Gôébégô éagékundugéô sowa ?anye madeo nôsitanga éne ématenda Moise‐a? Gô ndéône émavovo Nzambé n’edi te ôgi aNzambé ômakusa gô géétété gémayôakani. Nzambé amavovo na Moïse mbe: Me te Nzambé éneegeda Abraham na Isaac na Jacob.

Marc 8:38

Okô môma eena tsoyi gôndé me na mabégô mami va mbene oma andé n’edi ane anôtôga gôndé Nzambé gôémôviia ngima, na andé abévani; menyani mbe me, Muana Amôma nangeena tsoyi gôndé angô vangaviga me g’ôkumaka ondômbee a Téta Nzambé n’asi g’ôba ayanzie wedi.

LUC TSANGO EAMOSOBA EMATENDA 12:32

Nômbieena gomo anye mandombo mami, béyé gandé anye vipesu viami viôbua. Menyani mbe Nzambé eena ti gényônga gôénôétsa ôkumue wedi.

LUC TSANGO EAMOSOBA EMATENDA 20:37

Moïse amanigôa na vede mbe ane amawani angakunduga. Gô ndéône émavovo Nzambé n’edi, ôgi aNzambé ômakusa gô géétété gémayôani, Moïse amabeendu mbe: Kumu Nzambé te Nzambé éneegeda Abraham na Isaac, na Jacob.

Jean 14:2

Gô eba aTéta gôndéké édigaa éyekani. Me nakea gôénôkônzéa tungu. Mbe gôsaba nane, mbe tsinôbeenda nane.

Mayanzame 7:32

Me te Nzambéne éneegedu na peeye yoo. Me te Nzambé éneegeda Abraham, na Isaac, na Jacob. Moïse amatatéa na gomo na asiyeegedô ébono géététége.

Philippiens 3:20

Géé wa n’anyô tôsaba asi tsenge nedué. Tsengene éasô n’anyô te g’ôba gôtôbono na nzôô gôéena Mooboyi asô n’anyô Kumu Jésus‐Christ aviga.

II Timothée 4:18

Kumu Nzambé angayuua me gô maguga metso gôéengéda me gétabé n’ekenge g’ôkumu edi ag’ôba. Ondômbee na ôkumakee wetso ôbaké môbô na môbô gôndé angô. Amen.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.

Hébreux 11:10

Abraham amaténdéda gôéengéa gô môsenge ôvôni ômasaaô g’ôbôga amôsôba. Amuene Nzambé amatasa gamanyôngéô angô môsenge ône. Na môsééne te amuene Nzambé.

Hébreux 11:14

Vamavovo ahngô nane, miso maô mamabono nyene tsenge, te éne éapie.

Hébreux 11:40

Emabaka te nane gôébégô Nzambé amabaka na yene étasa éôtéa ényepani. Te mbe omeaa, ane amapanga émôétsa mitémamie, eenéa wa n’anyô mbe tôngadiia muetso kukepo.

Hébreux 12:22

Géé anye nôndé nômawesea na gô môkôdie ôtetu mbe Zion. Na nômawesea na gô môsenge aNzambé Kumu amonyo, te Jérusalem ag’ôba. Gône gôndéké mitônisa na mitônisa miasi g’ôba avigédu na Nzambé gôétsôkéa anye.

Hébreux 13:14

Tsenge nedué, kaka gévôgiméô sasô n’anyô. Tôndé gôéenéa môsenge ag’ôba amôbô na môbô gôngavôgima wa n’anyô.

Hébreux 2:11

Jésus agôgéda oma ébévee éaô. Na amuene môgôgédine, na ane agôgéduni andé ana aTétee épo. T’ebandô Jésus aseena tsoyi gôémema mbe: Adua te ana aTétee n’ami.

Gétsutsuéô 21:2

Nameena môsenge aNzambé, te Jérusalemene éamanza, éne émasutuméa g’ôba émabaka va kôbangô aNzambé. Emasutuméa ényepani ganyepa muéba akea gôéwanyédu na mômi edi.