Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hébreux 10:5 - New Testament in Mitsogo

5 T’ebandô gô ndéône émabaka Jésus mbe aviga na gô tsina, amavovo na Nzambé mbe: Ewe ôsabuta éétsô ôgondoku, na ôsabuta éétsô ôbiia. Ivô ômakônzéa me ôtô.

အခန်းကိုကြည့်ပါ။ ကော်ပီ




Hébreux 10:5
26 ပူးပေါင်းရင်းမြစ်များ  

gôémôévôa mbe: ?One ookiô we mbe angaviga te éwe‐a ¿Vo tôngeenea te muene?


Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.


na amakudéga ahngô na gôndé Kumu Jésus gôémôévôa mbe: ?One ookiô we mbe angaviga te éwe-a? ?Vo tôenéaka te muene-a?


Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.


Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.


Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.


Ivô gô ndéône émakudéga Nzambé Muanedi akuua na gô tsina amatôma asi g’ôba mbe: Anye ayanzi ami asi g’ôba muetso neegedani Muanami.


Gôébégô Jésus‐Christ amadugéda éne émanyôngéô Nzambé. Wa n’anyô tôgôgédu mabégô metso mabévani g’ôgondokue ômadeekedangô, te ôtô edi amuene kukepo gôndé muetso.


T’ebandô, me Christ navovo mbe: Ah Nzambé, me nangôô. Navigi gôéyanza éne ényôngéô éwe. Mônongovo gamatendu gôndé me gô Matendeo Moo.


Jésus amapanga évovo mbe: Ewe ôsabuta éétsô ôgondoku na ôbiia. Osabuta na nyama dibéku gô gévumbéô sogondoku, na ôgondoku ôétsô gôénôtôa môma énévee éedi. Ewe ôsatsôkéa yangô. Tambô digondokuye dine dimeetsô gôégôbeda mitôma miamuene Nzambé.


Ane atetu n’edi mbe: Anami, te oma ava tsina ahndé na yôtô na nzina. T’ebandô amuene Jésus amakoga gôéba na ôtô amôma. Jésus ameenda nane gômbe angawa na ôtô edi amôma gôébunza yabédé, ône andé na ngudi yowa.


Jésus, gô pitsi dimadigaangô va tsina, amavovo na Nzambé na miduké na mindônga na keba. Amaduka Nzambé ône amabaka na ngudi gôémôkuséda g’ôwa. Nzambé amookô môduké aJésus gômasugéda angô amuene gôégobeda Nzambé.


Adeekedie muetso adigondoku eengédu gô éyanzee éne gôédeekeda Nzambé dibiia na digondoku yoma. Buedi mbe ône wasô n’anyô dôto aba na sôma sedeekeda.


Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.


Gôndéké eekédi ayekani adiboe aka gô tsengeye yetso. Ahngô asangoongôa ésinga mbe: Jésus‐Christ te na gô pie amakoga môma. One asoongôa ésinga nane te môsi oboe na te Môvingi aChrist.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ