Hébreux 10:4 - New Testament in Mitsogo

⁴ Menyani mbe nzina yataba na yapagasa disibé na ngudi ta na pesu, gôénôtôa môma ébévee éedi.

Hébreux 10:4 ပူးပေါင်းရင်းမြစ်များ

Marc 12:33

Me tsabômu mbe ényepa gôéétsa Nzambé ôbiia, te digondoku ditumbuni na digondoku digôngani. Ivô na gô pie, éne éôtéa ényepani te mbe môma anyôngéô Nzambé na môtémedi wetso, na gédidi sedi setso na ngudi yedi yetso. Buedi mbe môma anyôngéô dôta môkedi ganyôngéô angô amuene.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Romains 11:27

Oôkoni éngavamba me n’angô Vanôtôa me ébévee éaô.

Hébreux 10:1

Ndongi na mitôma na mige mimabaka n’Ajuif misaba gégoni sapie samane mandé na Nzambé. Mine miaô te ga gédinadina géenanô n’omanda géndé na bôbé na misatubéda na vede mane mavigani. Mitômamie na migemie mine misaba na ngudi gôétsimaméda môma anyôngéô éwesea na vandé Nzambé. ?Mingaba na ngudi nayee? Gô miangô môma amadeekeda digondoku môpuma na môpuma gédundé.

Hébreux 10:11

Adeekedi adigondoku muetso andé mitie pitsi yetso gôéyanza éne ématômu ahngô. Kuka yetso adeekeda digondokuye te mônongovo. Ivô yangô disaba na ngudi gôénôtôa môma ébévee éedi.

Hébreux 10:8

Jésus amapanga évovo mbe: Ewe ôsabuta éétsô ôgondoku na ôbiia. Osabuta na nyama dibéku gô gévumbéô sogondoku, na ôgondoku ôétsô gôénôtôa môma énévee éedi. Ewe ôsatsôkéa yangô. Tambô digondokuye dine dimeetsô gôégôbeda mitôma miamuene Nzambé.

Hébreux 9:9

Dine te ndongi ditôongu deo noo. Ndongiye te mbe, dibiia diitsa môma na gôndé Nzambé na dôta nzina yanyama dideekedu na gôndé Nzambé disaba na ngudi yeôvôa môtémee wetso amôma, ône abuta éneegeda Nzambé gô gésôgage géne.

I Jean 3:5

Nôsabômu mbe Jésus‐Christ amaviga gôénôtôa gôndé môma na môma ébévee éedi. Gôndé angô Jésus, gôsaba ébégô ébévani ta n’evo.