Hébreux 10:39 - New Testament in Mitsogo

³⁹ Wa n’anyô tôsaba gô géômbé sane anika ngima gôékea gôédimbana. Wa n’anyô tôndéké gôéténdéda. Nzambé gébé na paga na tôndéké gô nzéa éagéobogeo.

Hébreux 10:39 ပူးပေါင်းရင်းမြစ်များ

Marc 16:16

One eetsa môtémedi na eetsô bateme, te angô angoobouni. Ivô ône aseetsa môtémedi angeesédu na g’ôwa.

LUC TSANGO EAMOSOBA EMATENDA 11:26

Vane gédidige géne gékea gôéwanyéda évo édidi tsambué éôtéa ébéva na amuene géné samapanga. Eviga muetso géômbé na éengéa gôédigaa wangô. Vane ébévee éamôma nône éôtéa n’ebévee éedi éamapanga.

Jean 17:12

Vamabaka me nagébaka n’ahngô, namakenea ahngô gô ényangee éainee éôô, te éne émeetsewe me. Nameebakanéda ahngô gôsibé ta na môvo amadimbanani. Buétsé te ône ameendô gô Matendeo moo mbe angakea te nane.

Jean 20:31

Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.

Jean 5:24

Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.

Jean 6:40

Ene ényôngéô Téta te mbe muetso ane eena Jésus Muana ANzambé na ahmôétsa mitémamie, angaba na monyo amôbô na môbô. Na me Jésus nangaatimôa gô nyee amôyusumédu.

1 Thessaloniciens 5:9

Endé te nane. Nzambé asivangé gôndé wa n’anyô mbe tôngeena ôpisedi. Amavangéa wa n’anyô géobogeo gô ngudi yaKumu Jésus‐Christ mbe sangô gétôyuua g’ôpisa.

II Thessaloniciens 2:3

Nômbiasinga môma anôbôméda nane. Menyani mbe ndéône éagénikéô saKumu ésangabuéa buétsé te gékékôéô gévôni samabégô mamisôba gépanga éenanô. Na buétsé te ône môbévani, kumu agébunganéô apanga étsutsuga.

I Timothée 6:9

Ivô ane andé na tsôvé édiia ôkitie akuba gô pagô étambéô angô. Akubédu na manyima mabévani mookô ahngô masaba na tsoongo. Na mangô mayavôga ébuéda môma gôébunganéda monyoe wedi ava tsina na buéyé n’one agô mbene.

Hébreux 10:26

Okô wa n’anyô tômani éôkô mabégô mapie, tôômba éénda mane masanyôngéô Nzambé n’osôbee asô n’anyô, gôsabadô wene ôgondoku ôngoongôa étônôtôa ébévee éne.

Hébreux 10:38

Buéyé vane, ône andé n’etsimama va miso mami adônga te gôétsangô Nzambé môtémee gémôtsumé paga. Ivô ône anika ngima, me tsangeena gényônga n’edi.

Hébreux 11:1

Gôéétsa môtéma wetso gébé na paga ékegea mbe ôkina buétsé gô éne éténdéda éwe. Gôéétsa môtéma wetso gébé na paga ékegea mbe ôdigaa ti eembe ômani éena éne éténdédewe, buéyé mbe éwe madeo ôsiena éangô.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

II Pierre 3:7

Ivô tsina n’oba éndé n’asô n’anyô deo noo, ékeneo te n’ogi aNzambé ône ngu na ndéône éngayôédu yangô na soto. Ekeneo ngu na gô nyaa amôtsundu ôngabunzu oma abévani.

I Jean 5:16

Okô môma eena muana aTétee n’edi eenda ébégô ébévani ésamôkeda na g’ôwa, buedi mbe avové na Nzambé mbe angamôétsa monyo. Edue éndé kuanakue gô mane mabévani masakeda môma na g’ôwa. Ivô gôndéké ébégô ébévani ékeda môma na g’ôwa me tsanôbeenda gôévovo na Nzambé gô éne.

I Jean 5:5

?One oongôa édiia gô ébadi égenyu na môtômine atsengene indaa? Kaka muene. Te ône asatsuma paga mbe Jésus te Muana ANzambé.

Gétsutsuéô 17:11

Gényamanyama géne gémabaka gédôngani ivô gémabungana, sangô te kumune éagénana éndé gô géômbé sadine tsambué na ékea gôébungana.

Gétsutsuéô 17:8

Gényamanyama gegé gémadônga ivô n’atsatsee gésadôngadô. Gémakusa gô éduku éamongodi gémakea gôébungana. Asi tsinane nyetso ane ahsaba na mina maô mamatendu v’ebandô atsina n’oba gô môganda amonyo, ahngatsapéô veenahngô Gényamanyama. Gôébégô sangô gémadônga va mbeego na gémabungana na géngatsutsuga.