Hébreux 10:36 - New Testament in Mitsogo

³⁶ Buedi mbe nôyanza na mavôma mane manyôngéô Nzambé. Vane nôngadiia éne émavanga angô gôndé anye.

Hébreux 10:36 ပူးပေါင်းရင်းမြစ်များ

Matthieu 10:22

Oma muetso ahngavinga anye gôébégô nôndéké omami. One angasipa gô gékuanô ngu na v’ekôdéô, angoobou.

Matthieu 12:50

Menyani mbe aneya vo iya te ane eenda éne ényôngéô Téta, ône andé g’ôba.

Matthieu 21:31

Jésus ameevôa adeekedi adigondoku n’anigôi amige mbe: ?Va gatse ana abaé, ône ameenda éne émanyôngéô tétedi indaa? Ahmaabéa Jésus mbe: Te ône amapanga. Na Jésus amanigôa mbe: Nanôbeenda na gô pie mbe anye n’egébuéaka g’ôkumu aNzambé, abongi adepu na akeyi agésasô angapanga ébuéa.

Matthieu 24:13

Ivô ône angasipa gô Mabégô MaNzambé ngu na v’ekôdéô, angagoobou.

Matthieu 7:21

Kaka muetso ateta me mbe: Kumu, Kumu, angeengéa gô tsenge éami éag’ôba. Ivô ane eenda éne ényôngéô Téta ône andé g’ôba, te ahngô angeengéani.

Marc 3:35

Me nanôbeenda mbe aneya na iya te ahngô eenda éne ényôngéô Nzambé.

LUC TSANGO EAMOSOBA EMATENDA 21:19

Sipani gô mabégô mami. Nôngadiia monyoe wanyô te gô mangô.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

Jean 7:17

One andé na môtéma ôgobeda Nzambé asatsapéô gô meekédume mami. Asabômu mbe ône asavovo gô ényangee éedi, avovo te gô ényangee éaNzambé.

Mayanzame 13:22

Va mbenene vane, Nzambé amakina Saül na ameetsa omee ane David mbe ahngatômu n’edi. Gôébégô éaDavid, Nzambé amavovo mbe: Me neena mbe David ôdôô muana aIsï, andé muanami amôtéma. Angeenda mane manyôngéô me mbe meendô.

Mayanzame 13:36

Gô ndéône yedi, David amayanza gésaô gémanyôngéô Nzambé. Na amawa. Amagunya va kôbangô atétee yedi. N’otô edi ômaboo.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 8:25

Ivô vatôténdéda éne ésatôenani, tôenéa éangô na môvinéné.

I Corinthiens 13:7

Okô ôndé n’etondo éaNzambé gô môtémoo ôsangadagéô gôésingéa môkoo kokoo. Na ôsangatsuma môkoo paga gôémôénda mbe: Ewe môpati. Na étondoe éangô étôétsa môténdéda na ôbibô.

Galatie 6:9

Va tôénda mane mamisôba tômbiavovo mbe: Tôgogi. Ogani enyepanéô ômbiatsika éoko madi na tsingô. Gôébégô mbe ôkô tôbé na môvinéné tôngadiia mamisôba vangabuéa ndéône.

Ephésiens 6:6

Kumu abéyee, asabéyee, yanzani ti eembe andé vangô gôénôbono. Vane nôngadugéda na môtéma ômasumani éne enyôngéô Nzambé ti eembe nôndé avéga aChrist.

Colosses 1:11

We tôduka Nzambé mbe nôsipédu na noodedu na ngudi yedi dipôni dindé n’ondômba. Buta mbe nôbibéda na gényônga géniké ngima gô minongo mietso.

Colosses 3:24

Bangôani mbe Kumu Jésus anganôsangéga na môsenda ôvôni. Nôngeetsô mikuanya mane mamakôndégangô omedi. Kookone éanyô éapie éyanzéa anye te amuene Christ.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

Hébreux 11:39

Omeaa muetso amaséngu na Nzambé ôséngu gôébégô amamôétsa mitémamie gébé na paga. Asitsiké éténdéda buéyé gasiene ahngô éne émavangéô angô na Nzambé.

Hébreux 12:1

Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

Hébreux 6:12

We tôsanyôngéô mbe anye nôkoga gôédigaa n’ombuéa gô monyoe wanyô. Tônyôngéô mbe anye nôba na môvinéné gôétsa mitéma mianyô gébé na paga mônongovo gameenda akanyô ane amoota gô mbene. Ahngô amadiia éne émavanga Nzambé gôndé ahngô.

Hébreux 6:15

Abraham amabaka na môvinéné gôéenéa ôvangee ômavangéô angô na Nzambé. Na amoodiia.

Hébreux 6:17

Tambô ébandô éamôsongia aNzambé ésaba nane. Nzambé amasongéa va mbene aAbraham gôémômenyeda mbe Nzambé asavovo na buembe gôékoa matasa medi.

Hébreux 9:15

Nôeni ébégô émasevou Christ gôéba môsungéyi gôétôvambéda na Nzambé gô évambee éamôbaé. Andéké môsungéyi awa n’anyô tômabambéô na Nzambé gôédiia ôkiti ag’ôba ômavangéa Nzambé mbe: Te mikuanya mianyô. Wa n’anyô tôngoongôa édiia ôkitie ône gôébégô môvo amawa. Owee ône ôyuua oma muetso gô môtsundu ebévee éaô émadigaahngô gô évambee éambeego.

I Pierre 1:9

Ene ébutanye te géobogeo sedidi éanyô. Nôndé gôédiia sangô veetsanye mitéma mianyô gébé na paga.

I Jean 2:17

Tsengene éôta te ôtaga. Na metso matsengene manyôngéô môma moota te ôtaga. Ivô ône eenda mane manyôngéô Nzambé andé na monyo agékôdéé.

Gétsutsuéô 13:10

One ameendô mbe angatsôpu na gô tsôgôô, angatsôpu te na gô tsôgôô. One ameendô mbe angayôhu n’ebaga, angayôhu te n’ebaga. Nôeni ébandôe émeendô asi mbumu éaNzambé mbe: Bakani nômasipa n’obibô génôtôgé gôndé Jésus ône ameetsanye mitémamie gébé na buétsé.

Gétsutsuéô 14:12

Nôeni ébandôe ésipa asi mbumu éaNzambé na bôkédé, te ane ahgobeda mitôma na mige miedi na ahsanôtôga gôndé Jésus ône ameetsangô mitémamie gébé na buétsé.