Hébreux 10:35 - New Testament in Mitsogo

³⁵ Tambô sipani gamasipanye v’ebandô gébé na buétsé. Môsenda ôvôni ôkeneo gôndé anye nôsipani.

Hébreux 10:35 ပူးပေါင်းရင်းမြစ်များ

I Corinthiens 15:58

Ana aTéta n’ami amôtéma, t’ebandô me Paul nanôongô mbe oodoni gô mabégô mema kabaga nôsasipa. Bakani na géviôviô gôéyanzéa Kumu gôébégô éagékundugéô. Nôsabômu mbe éne éyanzanye pitsi yedi éndé anye na vitoo na Kumu Jésus, éndéké na tsoongo.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

LUC TSANGO EAMOSOBA EMATENDA 14:14

Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

Hébreux 11:26

Moïse amamenya mbe gôésipa gô gékuanô sainee éaChrist, te éne éndé na tsoongo. Géé gôédigaa n’okitie wetso atsengene éaEgypte, éne ésibé na tsoongo. Gôébégô Moïse amaténdéda na amabono miso medi te gô môsenda agô mbene éanzéa.

Matthieu 5:12

Tsôkéani na gényônga gévôni gôébégô nôngadiia misenda g’ôba. Va mbeego anye madeo nôsibôtu apandôédi amatasa maNzambé amakuanô te nane.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Matthieu 10:32

Jésus angô mbe: Muetso ane amema va mbene oma mbe: Me te môma aChrist, me dôta nangamômema va mbene aTéta andé g’ôba mbe: Odôô te wami.

Matthieu 10:42

Nanôbeenda ébégô édué éapie mbe, ône eetsa gébungu sameba masodi na gôndé môvo va gatse aneengie ami, gôndé angô mômami, môétsine angadiia misenda.

Hébreux 2:2

Ogie ômatsuaô n’asi g’ôba amavigédu na Nzambé ôndé te ébégô évôni. Na oma muetso asiôkôni na asiôgobedéni ahmasisédu gômakinangô Ogie ône.

Ephésiens 3:12

Okô mbe tôndé évambevo na Christ, na ôkô mbe tômamôétsa mitémamie gémôtsumé paga, tôndé ti kuanakue gôéwesea na va mbene aNzambé gébé na mikebanganô.

Hébreux 10:19

Endé te nane ana aTétee agô mbumu éaNzambé. Gô ngudi yanzina yaJésus wa n’anyô tôndé ngu gôéengéa na gô tsongo éadisambô ééndô mbe gédigaa saNzambé.

II Jean 1:8

Tambô wemani gôndé anyene kabaga nôdimbanéda éne ékusa gô mayanza manyô. Buedi mbe nôdiia misenda mianyô mietso.