Hébreux 10:29 - New Testament in Mitsogo

²⁹ Tambô tasani gôndé ône eenza Jésus, Muana ANzambé. Tasani gôndé ône eenda mbe nzina dimaaga gôévambéda angô na Nzambé na gôégôgéda angô môtéma disaba na tsoongo. Na angô dôta adeta Gédidi sangeba yaNzambé. ?Gôndé angô éngaba nayee? Tôsabômu mbe tsôgôône yaô éngootéa na éne éandéô éaMoïse.

Hébreux 10:29 ပူးပေါင်းရင်းမြစ်များ

Matthieu 26:28

Eédi te nzina yami. Te nzina divambéda oma na Nzambé dimaaga ngu na g’ôwa gôndé oma ayekani gôésingéa ahngô kokoo gô ébévee éaô.

Matthieu 7:6

Nômbieetsa inzua yôma éamisôba kabaga digéngôga gôénômbata na gôébunzéa anye. Nômbiagunya sôma soo sosunu ôvôni na vandé ngudu, kabaga diyeta sangô va tsina.

Marc 7:2

Ahmeena mbe avo aneengi edi ahmaa môyakô mogo maô masigôgédu gamatômu angô gô gésôga saô.

LUC TSANGO EAMOSOBA EMATENDA 12:10

One eenza me Muana Amôma, andé na ngudi yesingéô kokoo. Géé ône eenza Gédidi SaNzambé asangasingéô kokoo.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 17:19

Me naadeekeda memuene na gôndé éwe, te gôndé ahngô, gômbe ahngô dôta angaadeekeda anguene na gôndé éwe, Kumu amabégô mapie.

Mayanzame 7:51

Vane Etienne amabono ane amadenganôni. Na angô mbe: Ah anye oma akéndé. Mitéma mianyô mindé na bôpeeo na matôme manyô makina mbééane ébambéô anye na Nzambé. Nôkékôéa Gédidi SaNzambé mbe gésayanza gô mitéma mianyô. Anye nôgono na peeye yanyô.

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

I Corinthiens 11:27

T’ebandô ôkô môma aa môpemba na anyua gébungu gémeetsa Kumu Jésus, angô gébé kuanakue va mbene aKumu, andé n’oési ôvôni na eenza ôtô na nzina yaKumu Jésus.

I Corinthiens 11:29

Okô môma aa môpembee ôdôô na anyua gébunguge egé n’osôbedi gébé n’evamba n’otô aKumu, aduta géesédéô na gôndé amuene gôyeeyi angô.

I Corinthiens 15:25

Tambô ôtômue ôbaké na Kumu Jésus‐Christ gôétôma ngu na vangatseda Nzambé adudeo muetso aka gô tsina amatambé maJésus.

I Corinthiens 15:27

Endéké te gatônigôu na Matendeo MaNzambé mbe: Nzambé amavumba éetso gô tsina amatambé maJésus gôéyetu. Vatôtanga mbe: éetso évumbu mbe éyetu na Christ, ivô kaka Nzambé amuene andé gô tsina amatambé maJésus. Gôébégô Nzambé te môétsine na Christ te môyetine.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

Ephésiens 4:30

Nônanikéda Gédidi SaNzambé gévii gô mane meendanye. Sangô te ndémbô éamakuéta Nzambé gôndé anye. Sangô te môkodi ômatôkatôni gôétôbandôéda mbe nyovo Nzambé angatôyuua gô tsinane édué.

Ephésiens 5:26

Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi.

Hébreux 10:10

Gôébégô Jésus‐Christ amadugéda éne émanyôngéô Nzambé. Wa n’anyô tôgôgédu mabégô metso mabévani g’ôgondokue ômadeekedangô, te ôtô edi amuene kukepo gôndé muetso.

Hébreux 12:25

Bakani n’ekena gôégobeda ône avovo n’anye. Oma aIsraël amakina ôgie ône ava tsina ômeevéda ahngô éne émavovo Nzambé. N’ahngô asiôngôé ébusuga tsôgôône émeetsô ahngô. Eembe ti n’one atôôkô avovo ôgi ag’ôba. Okô tômôgéngôgéyi magotome masô n’anyô ?tôngabusuga ôpisedi nayee?

Hébreux 13:20

Tôkumédéni Nzambé Kumu agétabé ône amakundua Kumu asô n’anyô Jésus va gatse ane amawani. Gô ngudi yowedi, Jésus aka môkeneyi môvôni amandombo medi. Ene émavambédu môma na Nzambé gô nzina yedi te évambee amôbô na môbô.

Hébreux 2:11

Jésus agôgéda oma ébévee éaô. Na amuene môgôgédine, na ane agôgéduni andé ana aTétee épo. T’ebandô Jésus aseena tsoyi gôémema mbe: Adua te ana aTétee n’ami.

Hébreux 2:3

Tasani gôndé wa n’anyô tôngeenda nayee gôébusuga tsôgôô, ôkô tôbéyi na mbôôkô gô géobogeo gémakônzéô wa n’anyô. Amuene Kumu amapanga énigôa gébogeoge gémakônzuni. Na va mbenene vane, avo amookôni amawanyéda Ogie amapanga moonga mbe: Osapata.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 6:4

?Gôndé ane anika ngima na gô midigédi miaô mibévani miambeego mimabakangô ékegea nayee? Vamapanga amasinga gévede saNzambé gédigaa gôndé angô. Ene émeetsô wa n’anyô na Nzambé ameebémba na amavamba na Gédidi SaNzambé.

Hébreux 6:6

Buéyé gamabakahngô nane, anika te nikaga. Na oomba édigaa gô mane maô mambeego. Ti gôndé ahngô gôénika ékoa mitéma miaô na gôndé Nzambé géndégégé. Gôébégô andé gôéomba ébôkéda Jésus Muana ANzambé gô gésumu sowa, gôémôdetéda v’ekanga.

Hébreux 9:13

Va mbeego ane amookua mitôma na mige miaNzambé, yôtô yaô dimagôgéa vamasôgu yangô na nzina yataba na dine yapagasa. Na dimasôgu dôta na mooto anyama dimabékuni.

Hébreux 9:20

Vane Moïse amapandôéda mbe: Nzina yedi diitsa ngudi gô évamba éanyô na Nzambé mbe nôsipa gô éangô.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.