Hébreux 10:25 - New Testament in Mitsogo

²⁵ Tômbiatsika éwanyéa gô eba aNzambé. Tômbiaba gandé avo amadeka gésima sagévigé na gô eba aNzambé. Géé wa n’anyô buedi mbe tôdenganô gôékasôana wa n’anyôene. Tôôtéa éénda nana veena wa n’anyô mbe nyee agénikéô saKumu ôwesea.

Hébreux 10:25 ပူးပေါင်းရင်းမြစ်များ

Matthieu 10:15

Nanôbeenda na gô pie mbe gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome na asi Gomorrhe.

Matthieu 18:20

Menyami mbe gô tungune éwanya oma buéyé abaé, n’atatô gôéneegeda me, memuene nandé va gatse aô.

Jean 12:48

One akékôa me na mavovia mami, te mangô mangamôesédani. Meekédume mami mangeetsa môma ôési gô nyaa amôyusumédi.

Mayanzame 16:16

Nyovo vamakea we na gô gétungu sadisambô, môgeto amadenganô n’asô gô nzéa. Môgeto nône amabaka môyanzine avo oma. Gédidi gébévani gémabaka n’edi gémamôtubéda mabégô mangabuéani. Atômie wedi amadiia ôkitie ôvôni gômasokéaka môgeto nône oma mane masimenyanganôni mamatubédu angô.

Mayanzame 2:1

Vamabuéa nyaa asueti éaPentecôte, muetso ane ameetsa Jésus mitémamie amakôkanganaka tungu épo.

Mayanzame 2:42

Ahmeeka na môvinéné mane mameekédu ahngô n’ane amasevouni na amatômukuni. Amadigaa na vitoo anguene ana aTétee agô mbumu éaNzambé na asivéé éaa tabudé épo. Ndéô yetso amadigaa vavo gôévovo na Nzambé.

Mayanzame 20:7

Samedi na dikoo tômabaka muetso kôkangana vavo gôéaa tabudé éaKumu Jésus. Paul amabaka gôéongô we tômeetsa Jésus mitémamie ndongi. Gômabakangô na môtôôe n’ongôngôe, ameekéda ngu na va gatse apitsi.

Romains 12:8

One andé na môgôô gôéongô akedi ndongi, oongéké. One andé na môgôô gôékaba ôkitie wedi, akabéké na môtémedi wetso gébé na ninga. One andé na môgôô gôétôma akedi, atôméké na gétabé. Na ône andé na môgôô gôémogeda na gôéwedéa ane andé gô maguga, eendéké na gényônga.

I Corinthiens 11:20

Vaduganye vavo menyani mbe éne ééndanye, kaka tabudé émeetsa Kumu wa n’anyô.

I Corinthiens 14:23

Tôkanéga te mbe asi mbumu éaNzambé muetso akôkangana vavo na andé gôévovo gô yaanga yôgi disiikédu ahngô. Na avo eengéa, te ane asamenya mabégôme mane na ane asavamba na Nzambé. ?Gô nzongodine yanyô asanganôénda mbe: Eedi te tsôga‐a?

I Corinthiens 14:3

Ivô bononi ône apandôéda ndongi diviga gôndé Nzambé, angô avovo n’oma gôéweseda ahngô gô nzéane éaNzambé ékea ahngô, na gôékasôgéda ahngô na gôéongô ahngô ndongi.

I Corinthiens 3:13

Mônongo na mônongo eyanza ôngeenanô gô nyee amôtsundu ôngatsutsuu mabégô metso. Endé te nane. Nyaa amôtsundu te nyaa asoto gékanéga éyanza éamôma na môma mbe éndé na tsoongo.

Philippiens 4:5

Buedi mbe émenyanganô na muetso gandéké anye gébé na nyemo. Kumu Jésus amahviga n’atsatsee.

1 Thessaloniciens 4:18

Kasôgédanani anyene n’anyene gôésumanéda mitéma na mabégô mema.

1 Thessaloniciens 5:11

T’ebandô kasôgédanani na oodedanani anyene n’anyene gô mabégô mema geendanye na mbeego.

Hébreux 10:24

Tôkasôanéni wa n’anyôene na wa n’anyôene gôéôtéa ényôngananéô na gôéôtéa éyanza mane mamisôba.

Hébreux 10:37

Endé te gatôtanga gô Matendeo MaNzambé mbe: Gôsanéa vipesu viandéô, ti vipesu. One eendô mbe angaviga, na gô pie angaviga. Asangaamba éviga.

Hébreux 13:22

Ana aTétee n’ami agô mbumu éaNzambé, me môékédine, nanôongô mbe: Digaani na môvinéné gôéôkô mabégôme manôtendéa me gôénôkasogéda gô nzéa éaNzambé. Gésangô gegé gésatongo mbe nôngagogo étanga sangô.

Hébreux 3:13

Kasôgédanani anyene n’anyene pitsi yetso gô ndéô nedué, éne ééndô na Matendeo MaNzambé mbe: deo noo. Na te éne éôkô anye ôgi aNzambé ôvovo n’anye. Gômbe gôsangaba ta na môvo va gatse anyô angasingana na mabégô mabévani gôéba na pogu, na ndiba, na môtéma oodoni gôékina mane manyôngéô Nzambé.

Jacques 5:8

N’anye te mônongovo. Bakani na môvinéné na mitéma misipani. Génikéô saKumu géka gôpégôpé.

I Pierre 4:7

Ekôdéô éamabégô metso ésangaamba ébuéa. Bakani n’ekena. Bakani na tsambu éamabégô gômbe nôngaba na môvinéné g’ôsambô.

II Pierre 3:11

?Va tôena mbe éetso éne ébandôa éwesea gôébungana, midigédi mianyô mingaba nayee? Buedi mbe ôdigédi anyô ôbaké n’etsimama môtémovo na Nzambé.

II Pierre 3:14

T’ebandô, anami amôtéma vavéngéa anye gényôgani gôédenganô na Jésus gébé n’etodi, gébé n’oési, gôédenganô n’edi n’evamba éagétabé.

II Pierre 3:9

Avo oma atasa mbe Kumu adinga édugéda éne émavovo angô. Kaka nane. Ivô Jésus anôenea. Angô asanyôngéô ta na môma môvo abungana. Ivô anyôngéô mbe muetso akoa mitéma miaô gôédiia géobogeo.

Jude 1:19

Te ahngô ahtatôa oma. Mitéma miaô mindé gô tsina otômu ayôtô yaô, kaka gô tsina otômu aGédidi SaNzambé.