Hébreux 10:24 - New Testament in Mitsogo

²⁴ Tôkasôanéni wa n’anyôene na wa n’anyôene gôéôtéa ényôngananéô na gôéôtéa éyanza mane mamisôba.

Hébreux 10:24 ပူးပေါင်းရင်းမြစ်များ

Mayanzame 11:29

Aneengie amavangana anguene gôéwedéa akaô. Angô mbe: We muetso, môma na môma tôngeetsa éne éndéké n’asô gôékudégéa ana aTéta asi mbumu éaNzambé adigaa gô Judée.

Romains 11:4

?Nzambé amamôaabéa mbe ndé? Nzambé angô mbe: Me namakenea gô inami mitônisa tsambué mioma. Ahsisibé mabongo maô gôéneegeda mbumbane ééndô mbe Baal.

Romains 12:15

Tsôkéakani n’ane atsôkéani. Déakani n’ane adéani.

I Corinthiens 10:33

Me neenda te nane. Me Paul nagényôga gôényepeda oma muetso gô metso meenda me. Tsabuta mane mamemuene matévo. Nabuta te na mane makasô muetso gômbe n’ahngô dôta angoobou.

I Corinthiens 9:22

Vadigaa me va gatse ane madeo asisipa buedi gô mabégô maNzambé, éndé te nane. Me nawanyéda moonga na oma muetso gômbe gô minongo mietso miôngôa me éyanza va gatse aô, avo angawesedu na gôndé Nzambé.

II Corinthiens 8:8

Gô ébégô édué tsanôtôma tômaga. Nanônigôa éne éénda akanyô. Na me tsabômu mbe n’anye gô ényônganéô éndé n’anye nônganyôngéô éénda te mônongovo.

II Corinthiens 9:2

Na me tsabômu gényônga géndé n’anye gôékabéa n’akanyô. Akanyô gô tsenge éaMacédoine amookô kumane yanyô ématsua me mbe: Ana aTétee gô Grèce amavanga gô môpuma ômootani mbe tôngeetsa. Gényôngage sanyô seetsa gékasôgéda akanyô.

Galatie 5:13

Ivô gôndé anye ana aTéta, nômakusédu na Nzambé g’ôvéga. Wemani vadigaanye g’ôkumu, nômbiaaga gô manyima mabévani mayôtô yanyô. Ivô n’etondo évôni wedanéani anyene n’anyene.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Galatie 6:1

Ana aTétee asi mbumu éaNzambé, ôkô ôébéyi muana aTétee n’oo ayanza ébégô ébévani, pati yebégô, anye nôndé na Gédidi SaNzambé nikéani étévéda angô nzéane éetsimama. Indakani nane gô ngeba. Na dôta gôndé anye, môma na môma awemé gôndé amuene kabaga akuba gô mane makanégu angô.

Colosses 3:16

Singani mbe meekédu maChrist masakônda ta n’ebégô évo, maba na gédigaa gô mitéma mianyô. Ikédanani na evédanani anyene na anyene n’ebagé n’eodo. Imbani mimbô na kônda na géembi gôéneegeda na gôékuméda Nzambé na mitéma mianyô mietso gô mane meendiô anye na Nzambé.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

1 Thessaloniciens 5:11

T’ebandô kasôgédanani na oodedanani anyene n’anyene gô mabégô mema geendanye na mbeego.

II Thessaloniciens 3:9

Tômeenda nane, kaka mbe we eekédi tôsoongôa ékeneo n’omee wasô, ivô tômeenda te gôénôtubéda mônongovo gadigaa ône eetsa Jésus môtémee.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

Tite 2:4

Ndongiye te gôéékéda tômbôye mbe: Nyôngéôni omée wanyô n’etondo. Nyôngéôni anee wanyô na gényônga.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Hébreux 13:1

Nômbiatsika ényônganéôe éndé n’anye éavitoone, nôndé gô mbumu éaChrist.

Hébreux 13:3

Nômbieeba asi gô eba atsôgôô. Keneani ahngô ga te anyene nôndé gô eba atsôgôô ôdigaahngô. Nômbieeba ane andé gô tsina agékuanô, wedéani ahngô ti eembe te anye nôndé gô gékuanôge gédigaahngô.

Hébreux 3:13

Kasôgédanani anyene n’anyene pitsi yetso gô ndéô nedué, éne ééndô na Matendeo MaNzambé mbe: deo noo. Na te éne éôkô anye ôgi aNzambé ôvovo n’anye. Gômbe gôsangaba ta na môvo va gatse anyô angasingana na mabégô mabévani gôéba na pogu, na ndiba, na môtéma oodoni gôékina mane manyôngéô Nzambé.

I Jean 3:18

Anami ôkô mbe tônyônganéô wa n’anyôene na wa n’anyôene, kaka gô mavovia na ényepa éamônya. Tambô tônyônganéôni ti na gô pie te gô mayanza masô mamisôba.