Hébreux 1:6 - New Testament in Mitsogo

⁶ Ivô gô ndéône émakudéga Nzambé Muanedi akuua na gô tsina amatôma asi g’ôba mbe: Anye ayanzi ami asi g’ôba muetso neegedani Muanami.

Hébreux 1:6 ပူးပေါင်းရင်းမြစ်များ

Matthieu 24:14

Tsangô Eamôsôba éenyanga éndé n’ami éngeekédu gô tsengeye yetso yava tsina gômbe oma muetso angookô gamatômu me na Nzambé na gô tsina. Vane te vangaba ékôdéô éatsengene.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Romains 8:29

Gôébégô Nzambé amasevoa omedi v’ebandô. Na amavanga dôta v’ebandô mbe omee adua angagono na Muanedi. Vane Muanedi Jésus te kuuane apingô yanéyee.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

Colosses 1:18

Gô mbumu éaNzambé, Christ te ébandô na môtsé ôtômani. Asi mbumu éedi te ôtô ôtômuni. Monyoe waô awene mônongo ôbandôa te na Christ. Angô te Muana ANzambé akuua. Angô te mapangame meekunduu g’ôwa. Te éne ébeenda mbe gô mabégô metso angô te mômbenee.

Hébreux 1:5

Na gô pie Nzambé asivovo n’ayanzi edi asi g’ôba éne émavovo angô na Muanedi mbe: Ewe te Muanami. Deo noo naka Tétoo. Na Nzambé madeo asinigôé muene mbe: Oeni môyanzi ami, môsi g’ôba Me nangaba Tétedi N’angô angaba muanami.

Hébreux 10:5

T’ebandô gô ndéône émabaka Jésus mbe aviga na gô tsina, amavovo na Nzambé mbe: Ewe ôsabuta éétsô ôgondoku, na ôsabuta éétsô ôbiia. Ivô ômakônzéa me ôtô.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

I Jean 4:9

Nôeni étondo éaNzambé gôndé wa n’anyô éenanô. Angô amakudéga Muanedi ékika na gô tsina gômbe wa n’anyô tôba na monyo gô ngudi yedi.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.