Hébreux 1:2 - New Testament in Mitsogo

² Ivô gô pitsiye yamôyusumédue édi Ogie ôvovo angô na wa n’anyô te Muanedi Jésus. Gô ngudi yaMuanedi, Nzambé amakana tsina n’oba. Na amakonza mbe Muanedi te ône angaba Kumu ayetso.

Hébreux 1:2 ပူးပေါင်းရင်းမြစ်များ

Matthieu 13:39

Môvingine agaaba mibiemie mibévani te yabédé. Mbôtône émoodoni éngasevou te v’ekôdéô atsengene. Asevôi ambôtône, te asi g’ôba avigédu na Nzambé na gô tsina.

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Matthieu 21:38

Tambô, akeneyie vamamôenahngô aviga, ahmavovo anguene n’anguene mbe: Nôeni ône angaviagana n’enyangee éatsagane vangawa kooko asô. Vigani tômôyôhéni. Na tsagane éngaba éasô n’anyô.

Matthieu 26:63

Jésus asibubué. Asisiié ta n’ogi. Pene amoomba évovo n’edi mbe: Gô ina aNzambé amonyo, nagôévôa mbe ti éwe ôaabéa me. ?Ewe te Christ ône amatômu na Nzambé‐a? ?Ewe te Muana ANzambé‐a?

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

Marc 1:1

Edué te Tsangône Eamôsôba éaJésus‐Christ Mauna ANzambé ébandôa mbe,

Marc 12:6

One amôyusumédu amasanéakani na kumu te muanedi amômôgôô amôtéma. Amamôtôma môyusumédue na gô tsaga. Ameenda mbe: akeneyie angameweda muanami.

Marc 12:7

Ivô akeneyie ahmavovo anguene n’anguene mbe: Nôeni ône angaviagana n’enyangee éatsagane vangawa kooko asô. Tôbémôyôhani. Buta mbe tsagane éba éasô n’anyô.

Jean 1:10

Ogi ômabaka gô tsina, Nzambé amakana tsinane te gô ngudi yOgie, ivô asi tsinane asiôkéô aangô ta na pesu.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:3

Gô ngudi yone ameendô mbe Ogi, Nzambé amakana na amavanga éetso. Gôsaba ta na sôma gévo gésikanô na gésivangô gô ngudi yOgi.

Jean 13:3

Amuene Jésus asibômu mbe: Me namatimôga g’ôba gôndé Nzambé gôéviga na gô tsina. Me nanganika na gôndé Nzambé. Eetsô éndéké gô tsina eenyangee émeetsô me na Nzambé.

Jean 13:32

Okô mbe ôndômbee aNzambé ôngeenanô gôndé Muana Amôma tambô na ône aMuana ôngeenanô gôndé Téta Nzambé. Ongeenanô ti n’atsatsee.

Jean 15:15

Me tsoongôa énôénda mbe ayanzi ami gôébégô môyanzine asamenya éne éndé na kooko edi. Nanôteta mbe wee yami yamôtéma gôébégô namani énômenyeda metso mamatubédu me na Téta Nzambé.

Jean 16:15

Metso mandéké na Téta mandéké n’ami. T’ebandô neendi anye mbe Gédidi SaNzambé géngabongo mavo mabégô gô mane mami gôénôbeenda mangô.

Jean 17:2

Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 3:25

Aneengie aJean avo, amatsumana na Môjuifene paga gagôgédahngô yôtôye yaô gô gésôgage saô sAjuif.

Jean 5:26

Menyani mbe amuene Téta te Kumu amonyo. Andé na ngudi yeetsa môma monyo, te mônongovo dôta ameetsa Muanedi ényanga eba Kumu amonyo gôéétsa môma monyo.

Jean 5:27

Téta ameetsa Muanee ényanga gôétsundéda oma gôébégô angô te Muana Amôma.

Jean 9:29

We tôsabômu mbe Nzambé amavovo na Moïse, géé mômôgôô nône gômatimôgangô tôsamenya.

Mayanzame 10:36

Anye nôsabômu ôgi ômakudéga Nzambé na gôndé oma aIsraël. Amakudégéa ahngô Tsangô Eamôsôba mbe môma oongôa évamba na Nzambé na gétabé gô ngudi yaJésus-Christ, ône andé Kumune oma muetso.

Mayanzame 2:17

Nzambé amavovo mbe: Oôkôni éne éngabuéa gô ndéône éamôyusumédu. Me Nzambé nangatsanzabanéda Gédidige sami na gôndé oma muetso. Anee wanyô amôgôô na anee wanyô ageto angapandôéda matasa mami. Minzambu mianyô na tômbô yanyô angeena ndoti. Peeye yanyô yebôôtô dingeena miôtô.

Romains 1:4

Ivô gôndé Gédidi SaNzambé, tétedi te Nzambé. Vamakundugangô va gatse ane amawani, ngudi yaTétedi dimatubéda mbe Jésus te Muana ANzambé.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

I Corinthiens 2:7

Me tsamenya éne éodo. Nanigôa te éodoe émabaka gav’esooe na Nzambé na ésinigôganéô n’oma. Na Nzambé amasevoa éangô mbeego na mbeego, tsinane madeo ésikanô. Ameesevoa gôndé wa n’anyô mbe tôngaba n’ondômbee wedi.

I Corinthiens 8:6

Buéyé nane gôndé wa n’anyô Nzambéne te épo. Te Nzambé Téta amakana éôma éetso na monyoe wasô n’anyô te gôndé angô. Na Kumu asô n’anyô dôta te môvo na koo, te Jésus‐Christ. Te angô asumbéda éôma éetso. Asumbéda na monyoe asô n’anyô.

Galatie 4:4

Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.

Ephésiens 1:10

Amuene Nzambé angadugéda v’ekôdéô atsinane étasee éndé n’edi. Etasee éedi na nzéane yedi te mbe: Nangakôkanganéda mane mag’ôba metso na mane magô tsina metso g’ôtômu amôsi ényangee môvo, te Christ.

Ephésiens 3:9

Namasevou dôta gôémenyeda oma muetso éne éngayanza Nzambé gôédugéda étasa éedi gôékônza nzéa gôndé ane asaba Ajuif. Nzambé môkanine ayôma éetso éava tsina, amabaka n’etasa éne bandôa v’ebandô ivô oma asinigôgéô éangô. Emabaka ga émasuégu.

Hébreux 1:5

Na gô pie Nzambé asivovo n’ayanzi edi asi g’ôba éne émavovo angô na Muanedi mbe: Ewe te Muanami. Deo noo naka Tétoo. Na Nzambé madeo asinigôé muene mbe: Oeni môyanzi ami, môsi g’ôba Me nangaba Tétedi N’angô angaba muanami.

Hébreux 1:8

Na gôébégô éaMuanedi, Nzambé amavovo mbe: Ah Nzambé, gédigéô soo sokumaka géndéké samôbô na môbô. Otômue woo ôsapengana gatôma éwe na môtungee woo.

Hébreux 11:3

Wa n’anyô gôétsa Nzambé mitémamie gébé na paga vanigôgéô we mbe Nzambé amakana tsina n’oba te na ôgi ôtévo. Ene éenanôni émakanô gô ngudi yene éseenanôni.

Hébreux 2:3

Tasani gôndé wa n’anyô tôngeenda nayee gôébusuga tsôgôô, ôkô tôbéyi na mbôôkô gô géobogeo gémakônzéô wa n’anyô. Amuene Kumu amapanga énigôa gébogeoge gémakônzuni. Na va mbenene vane, avo amookôni amawanyéda Ogie amapanga moonga mbe: Osapata.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 5:8

Buéyé mbe gamabakangô Muana ANzambé, ameekaganô gôégobeda Nzambé gô maguga metso mameenangô.

Hébreux 7:28

Mitôma mimatôma Moïse mimeengéda oma gôéba adeekedi adigondoku. Omee ane te oma asanyepani ava tsina gandé wa n’anyô. Ivô ôgi aNzambé, na môsongie wedi ômasevoa Muana ANzambé, angô Kumu estimama môbô na môbô, gôéba môdeekedi môvôni adigondoku, môsungéyi oma.

Hébreux 7:3

Ebandô éaMelchisédek ésamenyanganô mbe tétedi simbe, yeedi simbe. Obôtue wedi, n’owee wedi ôsamenyanganô. Agono n’amuene Muana ANzambé, andé môdeekedi adigondoku môsungéyi amôbô na môbô.

Hébreux 9:26

Mbe émabaka nane, Christ mbe ameengéa kuka diyekani bandôa gômakanô tsina n’oba. Menyani mbe, vamawesea ndéône mbe tsengene émabungana, Christ amatsiga kukepo gôndé muetso gôéadeekeda amuene ôgondoku gôébusua ébévee éoma muetso.

I Pierre 1:20

Christ amasevou na Nzambé tsengene madeo ésivangô. Nzambé amatsigéda angô gô ndéô yedi yamôyusumédu na gôndé anye.

II Pierre 3:3

Pangani émenya mbe gô pitsi yamôyusumédu gôngaba asi ékeengi na deti éaô. Angadigaa gô manyima maô mabévani. Asi ékeengi ahngavovo n’anye mbe:

Jude 1:18

Ameevéda anye mbe: Gô pitsiye yamôyusumédu oma anganôdeta na angadigaa gô manyima mabévani mamitéma miaô mikékôa Nzambé.