Hébreux 1:14 - New Testament in Mitsogo

¹⁴ ?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Hébreux 1:14 ပူးပေါင်းရင်းမြစ်များ

Matthieu 1:20

Vamatasangô nane, ameena môsi g’ôba amavigédu na Nzambé na gôndé angô gô ndoti. Amavovo n’edi mbe: Joseph éwe môsi ébota éaDavid. Ombieena panda gôébaa ône amateteda éwe, Marie, tsangô mbe andé n’emé. Amatsua émee éne te gô ngudi yaGédidi SaNzambé.

Matthieu 13:41

Me, Muana Amôma nangavigéda ayanzi ami, asi g’ôba gôésevoa ane akubéda akaô gôéénda mane mabévani, na abévie muetso, amôtôa ahngô va gatse ane andé g’ôkumue wami.

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 2:13

Vamakea omee ane, môsi g’ôba amavigédu na Nzambé na gôndé Joseph gô ndoti. Amabeenda angô mbe: Nôtôga éva. Bongo muanee na yeedi. Busugani na gô Egypte. Gôébégô Hérode anyôngéô éyôha muanee. Digaani wangô ngu na vanganôbeenda me mbe: Nikani.

Matthieu 24:31

Vangatoongu émbômba nangavigéda asi g’ôba ayanzie ami gôékôkéga omami andé gô ékoo na gô dongu na gésa na gésa amasevôu na Nzambé.

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 4:11

Vane yabédé amanôtôga vandé Jésus. Asi g’ôba amavigédu na Nzambé na va kôbangô aJésus gôémôwedéa.

Marc 10:17

Vamaba Jésus aka gô keaga gô nzéa, mômôgôô amaviga pita na gôndé angô. Amasiba mabongome va mbene aJésus. Angô mbe: Ewe môékédi ôndé ti môékédi amôsoba, aabéa me. ?Gôéba na monyo amôbô na môbô nangeenda nayee?

LUC TSANGO EAMOSOBA EMATENDA 1:19

Vane môsi g’ôba amamôaabéa mbe: Me te Gabriel. Me te môyanzine aNzambé. Amatôma me mbe naviga gôébeenda éwe tsangône édué éamôsôba.

LUC TSANGO EAMOSOBA EMATENDA 1:23

Vamamana Zacharie éyanzee émabaka n’edi amanika na gô ebedi.

LUC TSANGO EAMOSOBA EMATENDA 16:22

Môsugee amawa. Asi g’ôba amavigédu na Nzambé gôémôtsua na vandé Abraham. Gékitige dôta amawa. Amagunyu.

LUC TSANGO EAMOSOBA EMATENDA 2:13

Tsina na tsina gômaviga géômbé gévôni sasi g’ôba amavigédu na Nzambé gôédenga môkaô. Amakuméda Nzambé mbe:

LUC TSANGO EAMOSOBA EMATENDA 2:9

Vamabakahngô vane, môsi g’ôba amavigédu na Kumu Nzambé, amatsutsuga na vandé ahngô. Gévede gévôni saKumu gématana n’obébayi ôtubéda ôndômba aNzambé vandé ahngô. Ahmatsôpu na mangongo.

Mayanzame 11:22

Asi mbumu éaNzambé gô Jérusalem amookô tsangône éne émabuéa gô Antioche. Vane amatôma Barnabas mbe: Kiaka. Okebuéa gô Antioche.

Mayanzame 12:23

Oma andé gôémôkuméda nane, môsi g’ôba amavigédu na Kumu Nzambé amamôétsa tsina na tsina ébeea évôni. Otô aHérode wetso ômakaaô na pingô yamikiyô na amawa. Amasisédu nane gômawaatangô Nzambé kumane yedi mbe angô môma akumédu yangô.

Mayanzame 12:7

Môsi g’ôba amavigédu na Kumu Nzambé amatsiga tsina na tsina. Gévede gévôni gématana gô tsongone émabaka Pierre. Môsi g’ôba amaginya Pierre va tsungu mbe: Timôgaka. Yavôga étema môtie. Vane pangaye dimabaka gô mogo maPierre dimatsôbôga na va tsina.

Mayanzame 13:2

Nyovo vamabakahngô amakina môyakô gôévovo na Nzambé na gôéneegeda angô, Gédidi SaNzambé gémavovo n’ahngô mbe: Tatôani gô inami Barnabas na Saul akusa va gatse anyô akea gôéyanza éne émasevoa me ahngô.

Mayanzame 16:26

Vamabahngô gôékuméda Nzambé, tsinane ématatéa pepe na émapupéda mikakamie na pogogoye yeba atsôgôô. Dikukéyé yetso dimapadéga na dimaba na vôô. Pangaye dimakatô asi gô tsôgôô dimapadéga.

Mayanzame 27:23

Menyani mbe Nzambé, kumu ami amonyo, ône ayanzéa me amavigédéa me môsi g’ôba na pitsi.

Mayanzame 5:19

Na pitsi nene, môsi g’ôba amavigédu na Kumu Nzambé amasuma g’ôba na amakukua eba atsôgôô gôékuséda ane amatômukuni. Angô mbe:

Romains 11:14

Me nanyôngéô ényiméda asi éongoe yami gômbe angabuta éba mônongovo gandé ane asaba Ajuif.

Romains 13:6

T’ebandô anye nôvana depuye yanyô. Nzambé amakônza ayanzie avôni gôébongo depuye n’ekena.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

Romains 15:27

Amavanga nane te anguene, ivô éndéké ga môtete ôvanahngô misugamie miagô Jérusalem. Gôébégô Ajuif asi mbumu éaNzambé gô Jérusalem amakaba ôkitie waô aGédidi SaNzambé n’akaô, ane asaba Ajuif. Tambô ane asaba Ajuif apukanéda n’ahngô g’ôsugee waô, gôéétsa ahngô ôkitie waô amanyiva.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

II Corinthiens 9:12

Endé te nane. Anye nôétsani, éne éyanzanye ékuséda mabégô mabaé mamisôba. Ebégôe éamapanga te asi mbumu éaNzambé awedeô gô panda yaô na dibiiaye yanyô. Na ébégô éamôbaé te disambô diyekani disambéduni gôékuméda Nzambé gô dibiiaye yanyô.

Galatie 3:29

Okô mbe nôndéké oma aChrist nôndéké ana aAbraham. Ene éndéké ga mikuanya mimavanga Nzambé, éndé te gôndé anye.

Galatie 3:7

Menyani ébégô édué. Ane eetsa Nzambé mitéma miaô gémôtsumé paga, ahngô te ana aAbraham apie.

Galatie 3:9

Abraham asitsumé Nzambé paga na ameetsô mate. Te mônongovo muetso ane ahsatsuma ôgi aNzambé paga eetsô mate gameetsô Abraham.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Philippiens 2:25

Namani évangana na Epaphrodite mbe anika te na gôndé anye. Amabaka n’ami gô ébadi émagenyuni. Amayanza n’ami mônongovo gamanyôngéô anye nômamôtômakani gô ndéône émadagéô me.

II Thessaloniciens 1:7

Na angeetsa gévôgiméô gôndé anye nôndé gô maguga. Na gôndé we te mônongovo. Tôngaba na gévôgiméô te vangaviga Kumu Jésus g’ôba na ngudi yetso, angô n’asi g’ôba ane avigédu na Nzambé.

Tite 3:7

Ameenda nane te mbe gô ngeba yedi tôngeenanô na Nzambé ti eembe tôsaba n’oési, na tôngadiia monyoe ôsakôdéakani, ône ôténdéda wa n’anyô.

Hébreux 10:11

Adeekedi adigondoku muetso andé mitie pitsi yetso gôéyanza éne ématômu ahngô. Kuka yetso adeekeda digondokuye te mônongovo. Ivô yangô disaba na ngudi gôénôtôa môma ébévee éedi.

Hébreux 2:3

Tasani gôndé wa n’anyô tôngeenda nayee gôébusuga tsôgôô, ôkô tôbéyi na mbôôkô gô géobogeo gémakônzéô wa n’anyô. Amuene Kumu amapanga énigôa gébogeoge gémakônzuni. Na va mbenene vane, avo amookôni amawanyéda Ogie amapanga moonga mbe: Osapata.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

Hébreux 6:12

We tôsanyôngéô mbe anye nôkoga gôédigaa n’ombuéa gô monyoe wanyô. Tônyôngéô mbe anye nôba na môvinéné gôétsa mitéma mianyô gébé na paga mônongovo gameenda akanyô ane amoota gô mbene. Ahngô amadiia éne émavanga Nzambé gôndé ahngô.

Hébreux 6:17

Tambô ébandô éamôsongia aNzambé ésaba nane. Nzambé amasongéa va mbene aAbraham gôémômenyeda mbe Nzambé asavovo na buembe gôékoa matasa medi.

Hébreux 8:6

Ivô gô ndéô nedué, Jésus ameetsô éyanza éôtéa éne éadeekedi adigondoku. Gôébégô angô te môsungéyi ayene évamba éôtéa ényepa na éne émabaka n’asungéyi ambeego. Evambee éôtea ényepani éyanza Jésus gôétôvambéda na Nzambé ébandôa na divanga diôtéa ényepani dimeetsa Nzambé.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

I Pierre 1:4

Na mikuanya miasô n’anyô mitôtsôkéani mindé gôndé Jésus. Te mikuanya miagébungané na miagébômbé, na miagéongodone. Mikuanya mimatsikéô anye mindé na Nzambé g’ôba.

I Pierre 3:7

Anye amôgôô keneakani agayanyô. Bangôani mbe ageto ahsaba na ngudi gandé anye amôgôô. Nyôngéôni ahngô na géneega gôébégô ahngô ahdiia kukepo n’anyô monyo ômeetsa Nzambé ôbiia. Indani nane buta mbe gôsaba ébégô ta n’evo gébakanédéô sadisambô yanyô.

Jude 1:14

Hénoch te muana aAdam. Bandôa n’Adam ngu na ndéô éaHénoch vamabaka mbumu tsambué. Hénoch amavovo va mbeego gôépandôéda mônongo ôbévani ôngaba n’eekédi adiboe. Angô mbe: Oôkôni édué. Kumu Nzambé angaviga n’asi g’ôba ayanzi edi gô nzima na nzima yamitônisa miagétangégé.

Gétsutsuéô 5:6

Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.