Hébreux 1:1 - New Testament in Mitsogo

¹ Va mbeego Nzambé amavovo na peeye yasô n’anyô kuka diyekani na gô minongo mietso gô ngudi yapandôédi amatasa medi.

Hébreux 1:1 ပူးပေါင်းရင်းမြစ်များ

LUC TSANGO EAMOSOBA EMATENDA 1:55

Gôndé Abraham n’anedi môbô na môbô. Te éne émavangangô na peeye yasô yambeego.

LUC TSANGO EAMOSOBA EMATENDA 1:72

Te mbe ngeba yedi dimeenanô gôndé peeye yasô yava mbeego. Te mbe abangôa éne émavanganangô n’asô.

LUC TSANGO EAMOSOBA EMATENDA 24:27

Na vane, amasupua gô Matendeo MaNzambé metso maamuene Jésus, bandôa na meekédu maMoïse na mane mamatenda apandôédi amatasa maNzambé.

LUC TSANGO EAMOSOBA EMATENDA 24:44

Te vane Jésus amabangôéda ahngô mbe: Nôeni, metso mane mamavovo me vamabaka me n’anye, mane mamatendu gô miganda miaMoïse na mine miapandôédi, na mine miamimbô, mimeevédaka anye mbe gôndé Jésus éngaba te nane. Menyani mbe mamani éenanô.

Jean 16:13

Vangaviga Môwedi, angô te Gédidi gépandôéda mabégô mapie, géngatévéda anye gô mabégô metso mapie manzéane éaNzambé. Gésangavovo g’ogi edi, ivô géngabeenda anye metso mookô sangô. Génganôkeneda gô mabégô mangabuéani.

Jean 7:22

Gésôgage sanyô segeeta anamôgôô, nômagétsikéô na tétee yanyô yambeego. Ivô anye nôénda mbe: Te Moïse amatsikéa we gésôgage géne. N’anye nôsinga égeeta anamôgôô buéyé mbe gô nyee edunda.

Jean 9:29

We tôsabômu mbe Nzambé amavovo na Moïse, géé mômôgôô nône gômatimôgangô tôsamenya.

Mayanzame 13:32

Na wéene tônôtsuéa tsangô nene éamôsôba éne émameméô peeye yasô n’anyô na Nzambé.

Mayanzame 2:30

David amabaka môpandôédi amatasa maNzambé. Asibômuku mbe Nzambé amamôsongéa mbe: Môvo va gatse anee woo angagôaandani angadigaa g’ôkumakee ôdigaa éwe gôéviagana ényangee éôô.

Mayanzame 28:23

Amasevoa inya gôévovo na Paul. Nyoone amaviga ti ayekani na gô eba ômadigaa Paul. Bandôa vamaagiia nyee ngu na vameedangô, te andé wangô. Paul amasupua ahngô mabégôme mokumu aNzambé gômanigôa angô ômbanza aJésus. Amatanga mane mamatenda Moïse na mane mamatenda apandôédi amatasa maNzambé va mbeego gôénigôa mane maJésus. Paul amanyôngéô ékoa ahngô matasame mbe asinga Jésus.

Mayanzame 3:21

Gô ndéô nedué Jésus-Christ andé digaa g’ôba. Asanganôtôga gône ngu na vangabuéa ndéône éngakou éetso éka wene mônongo. Amuene Nzambé amatôevéda mbeego mbe éngaba te nane. Te gamavovo apandôédi amatasa medi.

Hébreux 11:18

Nzambé amapanga évangana n’edi mbe: Gô ngudi yamuanee woo Isaac, ôngabôta ana ayekani.

Hébreux 11:2

Va mbeego omee amaséngu na Nzambé ôséngu, te ane amamôétsa mitéma miaô mietso gémôtsumé paga.

Hébreux 12:25

Bakani n’ekena gôégobeda ône avovo n’anye. Oma aIsraël amakina ôgie ône ava tsina ômeevéda ahngô éne émavovo Nzambé. N’ahngô asiôngôé ébusuga tsôgôône émeetsô ahngô. Eembe ti n’one atôôkô avovo ôgi ag’ôba. Okô tômôgéngôgéyi magotome masô n’anyô ?tôngabusuga ôpisedi nayee?

Hébreux 2:2

Ogie ômatsuaô n’asi g’ôba amavigédu na Nzambé ôndé te ébégô évôni. Na oma muetso asiôkôni na asiôgobedéni ahmasisédu gômakinangô Ogie ône.

Hébreux 2:3

Tasani gôndé wa n’anyô tôngeenda nayee gôébusuga tsôgôô, ôkô tôbéyi na mbôôkô gô géobogeo gémakônzéô wa n’anyô. Amuene Kumu amapanga énigôa gébogeoge gémakônzuni. Na va mbenene vane, avo amookôni amawanyéda Ogie amapanga moonga mbe: Osapata.

Hébreux 3:5

Moïse va yedi kuka amabaka na môvinéné gôéyanzéa eba aNzambé wetso. Ivô amabaka môyanzi môtévo, gôénigôa éne ématômuku angô na Nzambé.

Hébreux 4:8

Endé te nane. Josué, mbe ameengédaka géômbé sedi na gô gévôgiméôge, Nzambé mbe asiombé ésevôa wene inya.

Hébreux 5:5

Gôndé Christ émabaka te mônongovo. Asitômé amuene mbe: Nangaba môdeekedi adigondoku môsungéyi va gatse oma na Nzambé. Menyani mbe te amuene Nzambé amamôsevoa vamavovo angô mbe: Ewe te Muanami Deo noo naka Tétoo.

Hébreux 9:19

Bangôani éne émeenda Moïse. Amatema môtie gôénigôa géômbége gémakôvanani, ndongi na mitôma na mige mimeetsa Nzambé. Vane amatsuéta môtabé agéétété gééndô mbe hysope, na dôta mikodi mianyonge éatsoo, gô nzina yapagasa dimagésu na meba. Amamuaka migandamie mimatendu mige na mitôma miaNzambé na amamuaka na géômbége kukepo na nzinaye.