Gétsutsuéô 8:9 - New Testament in Mitsogo

⁹ Na vikabô vianyamaye yetso yagô mubu dimawa. Na ôkabô ambôngôye yetso dimabôéga na dimatôndôméa.

Gétsutsuéô 8:9 ပူးပေါင်းရင်းမြစ်များ

Gétsutsuéô 12:4

Na môkôndôe wedi ômakaka ôkabô aminanga gôéminôtôa g’ôba. Gô minanga mitatô ômanôtôa ôvo. Amamigunya na gô tsina. Amatema va kôbangô amôgetone amabaka gôébôtani gôéenea muanee gôémôaa.

Gétsutsuéô 16:3

Môsi g’ôba ône amôbaé ameetéa gébunguge sedi gô mubu. Mebame mamakoga maka ga nzina yamôma awééni. Eetso édôngani émabaka gô mubu émawa.

Gétsutsuéô 8:10

Vane môsi g’ôba ône amôtatô amatoongo gémbômbage. Mônanga ôvôni ômayôa ga soto, ômaaga g’ôba. Omaaga na g’ôkabô ambéye na gô étôkee.

Gétsutsuéô 8:12

Na môsi g’ôba ône amônayi amatoongo gémbômbage. Saté sakômbéne gémapikô na ôkabô aminanga ômapikô na saté sangonde gémapikô, na vane gévedege saô gémabandôa ééma. Gô gébéndéké samôsaa gôsibé ômanda. Na gô gébéndéké sapitsi te évitsi étévo.

Gétsutsuéô 8:7

One amapanga amatoongo gémbômba. Gômaaga na gô tsina mataa na soto gémagésu na nzina. Eetso émagunyu na gô tsinane nyetso. Totone émakabô étaté étatô, na gévo saté gémayôa. Na éétété émakabô dikabô ditatô, na ôvo ôkabô ômayôa. Na ésingee éetso émadôngani émayôa na soto.

Gétsutsuéô 9:15

Asi g’ôba anayi ane amanzeegedu. Angô amakatô na amakeneo ti gô ébégôe éne mbe anganzeegedu gô ndéô nene, na gô pitsi nene, na gô ngonde nene, na gô gémage géne gômbe angayôhéda ôkabô oma agô tsina. Gôndé oma atatô dingayôha te môvo.

Gétsutsuéô 9:18

Okabô oma muetso ava tsina amayôhu na panda yevungee étatô émakusa gô miônya miachevale, te soto na môtutu na mbônga.