Gétsutsuéô 8:3 - New Testament in Mitsogo

³ Muene môsi g’ôba môvo amatema vapévapé na gévumbéô sadigondoku. Amasumbéda gébunguge gémakônzu na dodo te gétumbéô sambônga amôsôba. Ameetsô éôma éyekani éambônga amôsôba mbe angô angadeekeda éangô na gôndé Nzambé kukepo na disambô yasi mbumu éaNzambé. Amavumba yetso gô gévumbéô sadigondoku gémakônzu na dodo na géndéké va mbene agédigaa sokumaka.

Gétsutsuéô 8:3 ပူးပေါင်းရင်းမြစ်များ

LUC TSANGO EAMOSOBA EMATENDA 1:10

Oma muetso amabaka mitie gô môkii gôévovo na Nzambé gô ndéône étumbu môyombo ambônga éamôsôba.

Romains 8:34

?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

Hébreux 9:4

Gô tungu nene gômabaka gétumbéô samôyombo ambônga éamôsôba. Gétumbéôge gémakônzu na dodo. Gômabaka dôta gégaa gévôni gémakônzu na dodo gématetuku mbe gésuégéô sevamba. Gô gatse agégaage gômasuégu gépede gémakônzu na dodo gôékenea ôkabô amôyakô ômaagéda Nzambé g’ôba gô tsenge émagasani. Gômasuégu dôta na môtunga aAaron, ône ômabuéda nzôbé na miônda. Na gômakeneo mataé mabaé mamatenda Nzambé ôgie wedi ômavambangô n’omedi.

Gétsutsuéô 10:1

Na vane me Jean nameena muene môsi g’ôba amasutuméa na ngudi dipôni. Amabaka va gatse obôngé. Va ngongo amôtsé edi vamabaka nungu. Osô edi te ga kômbéne. Makôdô medi mabaé te gandé éétété ébaé éyôa na soto.

Gétsutsuéô 14:18

Na muene môsi g’ôba dôta amaviga gô gévumbéô sadigondoku. Angô amabaka n’otômu asoto. Amaamugana na gôndé môkedi amasumbédaka môsagôe amengô. Angô mbe: Kitsa na môsagôe woo miôndamie miameba maduegi mindé gô tsinane nyetso. Miangô mimani éombo.

Gétsutsuéô 5:8

Eôma énayi évégumani na nzima dibaé yapayi na payi dinayi muetso ahmasiba mabongo maô va mbene aMôpagee vamabongo angô migandamie. Ahngô muetso amabaka na ngombi yaô. Amabaka na ébungu éaô étumbu sôma sambônga éamôsôba te disambô yasi mbumu éaNzambé.

Gétsutsuéô 6:9

Na vane Môpaga ômapaba môkatékôe amôtayi. Nameena gévumbéô sadigondoku. Gô tsina agévumbéôge nameena édidie éane amayôhuni ameekéda Tsangô Eamôsôba éaNzambé na amadigaa na mavôma gô mane maJésus.

Gétsutsuéô 7:2

Na nameena dôta môvo môsi g’ôba amaviga gésa géviga kômbéne amasumbéda ndémbo étubéda ina aNzambé, Kumu amonyo. Amaamugana na gôndé akedi anayi ameetsô ôtômu gôépanza tsinane na mbéye.

Gétsutsuéô 8:4

Sôma sambônga amôsôba gémayôa. Môtute wedi ômabutima bandôa g’ôgogo amôsi g’ôba na ômabata te na disambô yasi mbumu éaNzambé.

Gétsutsuéô 8:5

Vane, môsi g’ôba amayuéséda gébunguge géne na soto gémaviga gô gévumbéô sadigondoku. Na amagégunya na va tsinane. Gômakungaka môdumu na nzongodi épôni. Gômakadima na mikadikadi. Tsinane ématatéa.

Gétsutsuéô 9:13

Na vane môsi g’ôba ône amôtôba amavigédu na Nzambé gôétoongo gémbômbage. Me Jean namookô ôgie ômakusa gô mapandaka magévumbéô sadigondoku ômakônzu na dodo na gémabaka va mbene aNzambé.