Gétsutsuéô 8:10 - New Testament in Mitsogo

¹⁰ Vane môsi g’ôba ône amôtatô amatoongo gémbômbage. Mônanga ôvôni ômayôa ga soto, ômaaga g’ôba. Omaaga na g’ôkabô ambéye na gô étôkee.

Gétsutsuéô 8:10 ပူးပေါင်းရင်းမြစ်များ

Matthieu 25:1

Okumu aNzambé ôgono na ébégô édué. Nzima atômbô waé yamuébee ahmakea na dambi yaô gôéwanyéda kumu ayômba, mômé amôkaô.

LUC TSANGO EAMOSOBA EMATENDA 10:18

Jésus amanigôa ahngô mbe: Me nameena Satan amaaga g’ôba ga môkadikadi.

Jude 1:13

Agono na miyôkiyôki miobagaa miagô mubu. Mabégôme maô mabévani matsoyi, te égudé étubédahngô. Akénga ga minangamie miveea mimadimbanéô tunguye yaô. Nzambé asabômu gétunguge saô sevitsi éabangata. Akenea ahngô mbe angahkudéga wangô môbô na môbô.

Gétsutsuéô 1:20

Oeni éne ésamenyanganôni éav’esooe éaminanga tsambué miena éwe sumbéda g’ôgogo ami ômôgôô na éne éeni éwe évumbéô tsambué éadambi éangôéé. Minangamie tsambué te asi g’ôba amavigédu na Nzambé andé gôékenea asi mbumu éedi gô mbôkaye tsambué. Evumbéô tsambué éadambi te asi mbumu éaNzambé gô mbôka tsambué.

Gétsutsuéô 12:4

Na môkôndôe wedi ômakaka ôkabô aminanga gôéminôtôa g’ôba. Gô minanga mitatô ômanôtôa ôvo. Amamigunya na gô tsina. Amatema va kôbangô amôgetone amabaka gôébôtani gôéenea muanee gôémôaa.

Gétsutsuéô 14:7

Amavovo na ôgi agô ngongo mbe: Gobedani Nzambé na gomo. Tubédani angô géneega géwanya n’okumakee ôndé n’edi. Nôeni, ndéône ébuéyi éne éngatsundédangô oma. Negeedani ône amakana ôba na tsina na mbéyi na tungu yetso dibunduga meba.

Gétsutsuéô 16:4

One amôtatô ameetéa gébunguge sedi gô mbéye na gô étôkee na émakoga yetso éka ti nzina ditévo.

Gétsutsuéô 6:13

Minangamie miag’ôba mimaaga na gô tsina gaaga miônda misiombéni miaagédu na gékunga gévôni.

Gétsutsuéô 8:7

One amapanga amatoongo gémbômba. Gômaaga na gô tsina mataa na soto gémagésu na nzina. Eetso émagunyu na gô tsinane nyetso. Totone émakabô étaté étatô, na gévo saté gémayôa. Na éétété émakabô dikabô ditatô, na ôvo ôkabô ômayôa. Na ésingee éetso émadôngani émayôa na soto.

Gétsutsuéô 9:1

Môsi g’ôba ône amôtayi amatoongo gémbômbage. Me Jean, nameena mônanga ômaagaka g’ôba na gô tsina. Mônangee ône ômeetsô môsapi eeduku éamongodi ésaba n’ekôdéô.

Gétsutsuéô 9:15

Asi g’ôba anayi ane amanzeegedu. Angô amakatô na amakeneo ti gô ébégôe éne mbe anganzeegedu gô ndéô nene, na gô pitsi nene, na gô ngonde nene, na gô gémage géne gômbe angayôhéda ôkabô oma agô tsina. Gôndé oma atatô dingayôha te môvo.

Gétsutsuéô 9:18

Okabô oma muetso ava tsina amayôhu na panda yevungee étatô émakusa gô miônya miachevale, te soto na môtutu na mbônga.