Gétsutsuéô 7:9 - New Testament in Mitsogo

⁹ Na va mbene vane me Jean nameena géômbéômbé soma gésoongôa môma étanga. Ahngô te ane amayuéga gô tsengeye yetso yagô tsina, na gô mongo metso, na gô ébandôe éetso na yôgi yetso. Ahmabaka môtie va mbene agédigaa sokumaka na va mbene aMôpaga. Amaata mikanda miavembo. Amasimbéda tubee yeekadi amatsakima na gényônga.

Gétsutsuéô 7:9 ပူးပေါင်းရင်းမြစ်များ

LUC TSANGO EAMOSOBA EMATENDA 12:1

Gô ndéô nene, ane amakôvanaka gôéôkô meekédu maJésus amabaka géômbé gévôni éyekee ga mabunza gô pindi, amayetanaka anguene n’anguene. Jésus amavovo te n’aneengie mbe: Ebégôe évôni, nôwema gô levurene éApharisien. Levure ékegea mbe ényepee yaô éamiônya.

LUC TSANGO EAMOSOBA EMATENDA 21:36

Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

Jean 12:13

Amakitsa dada yeekadi gamabaka gésima saô seneegeda môma. Amakea na yangô gôéwanyeda Jésus na émbô mbe: Tôneegedéni Nzambé. Te mbe mate maNzambé mabaké gôndé môtômine avigi gô ina aKumu. Te mbe mate maNzambé mabaké gôndé ône avigi gôétôma éongo éaIsraël.

Romains 11:25

Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô.

Ephésiens 6:13

T’ebandô nanôbeenda mbe n’atsatsee tsôpani na tsuani ékeeyi éaNzambé éetso. Vane gô ndéô édangani nôngaba na vévé gôévéngéa môdudeo. Na vangamananye égenya ngu na v’ekôdéô éebadie, nôngaba te ôbéôbéô mitie gô étungue éanyô.

Hébreux 11:12

Tasani gôndé mômôgôô nône Abraham. Otôe wedi ômabaka ti ga nzumbi gôébôta muana, na angô te tétee apingô yaana. Anedi ayeka ga minanga miag’ôba, na ayeka ga misige miagô mubu, gétangégé.

Hébreux 12:22

Géé anye nôndé nômawesea na gô môkôdie ôtetu mbe Zion. Na nômawesea na gô môsenge aNzambé Kumu amonyo, te Jérusalem ag’ôba. Gône gôndéké mitônisa na mitônisa miasi g’ôba avigédu na Nzambé gôétsôkéa anye.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 22:3

Gô môsengee ône gôsangadenganô ta na sôma gévo géndé gô tsina amôkokou aNzambé. Gédigaa sokumaka gédigaa Nzambé na Môpaga géngaba gô môsengee ône. Na ayanzi aNzambé ahngamôneegeda.

Gétsutsuéô 3:18

T’ebandô nanôbeenda mbe: Nandé na dodo dimakanzô gô soto gôénôtôa totone nyetso. Sômbakani yangô gôndé me, n’anye nôngaba ékiti. Sômbakani dôta na maduani mavembo nôaata mangô gôésomeda yôtô yanyô kabaga nôba na tsoyi éaminyenge. Sômbani na mbôga gôésôga gô miso manyô mapogu mbe mangô mangapoga.

Gétsutsuéô 4:4

Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.

Gétsutsuéô 5:11

Me Jean namoomba ébono. Namookô te asi g’ôba ayanzi aNzambé ayekani atôa émbô. Amabaka nzima yamitônisa na mitônisa miagétangégégé. Amaseta gédigaage sokumaka na yôma évégumani na peeye.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.

Gétsutsuéô 6:11

Ahmeetsô môvô môvô môkanda avembo na ameenda ahngô mbe: Ombani édunda vipesu. Eeneakani ana aTétee n’anyô te akanyô ane amabaka n’anyô gôéékéda mbe na ahngô ahngayôhu gamayôhu anye. Otangôe wanyô madeo ôsiduga.

Gétsutsuéô 7:8

na éongo éaZabulon, na éne éaJoseph na éne éaBenjamin, mongo metso te nane na ahmaduganéô ôtangôe.