Gétsutsuéô 6:1 - New Testament in Mitsogo

¹ Na vane me Jean nameena Môpaga Endombo ômapaba môkatékôe amapanga. Va gatse éoma énayi évégumani namookô gévo gévovo. Ogie wedi ômakunga ga môdumu na ômabambéa mbe: Vigaka.

Gétsutsuéô 6:1 ပူးပေါင်းရင်းမြစ်များ

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Mayanzame 4:20

Gôndé we, tôsangoongôa ékina évovo mane mameena we na mamookô we.

Gétsutsuéô 11:19

Eba aNzambé g’ôba ômakukuu. Gégaa géenanô wangô te gémbégéa sevamba éaNzambé n’oma. Mikadikadi mimakadima na nzongodi. Midumu mimaduma. Na tsinane ématatéa. Na mataa mamaaga mayekani.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.

Gétsutsuéô 14:2

Me Jean namookô ôgi ômaviga g’ôba na nzongodi épôni ga ngubu, ga môdumu ôdumédani. Ogie ône dôta ômavovo na gényônga ga ôgi angombi égôbuni.

Gétsutsuéô 19:6

Na me Jean namookô ôgi agéômbé gévôni ômavovo na nzongodi éndé ga ngubu na ga midumu mikungani. Namookô angô ômavovo mbe: Tôkumédéni Nzambé, angô Kumu épôni éndé gôétôma.

Gétsutsuéô 4:8

Eômee énayi éne évégumani émabaka éetso na papa môtôba môtôba. Na yôtô yaô yetso te miso matévo na gô gatse na va ngongo. Eangô ésigogeke étôa émbô na pitsi n’omanda. Ematôa mbe: Amatsimamani. Amatsimamani. Amatsimamani. Te angô Nzambé Amôbô na Môbô, Kumu angudi yetso. Te ône amabakani na andékéni, na angavigani.

Gétsutsuéô 5:1

Me Jean nameena ône andé digaa gô gédigaa sokumaka asumbéda miganda mimavutégu môvutégu g’ôgogo edi ômôgôô. Gô miangô mimatendu gô gatse na va ngongo. Môvutégue ône ômakatôkô mikatékô tsambué.

Gétsutsuéô 5:12

Amatôa na gényônga gémootéani mbe: Môpanga Endombo ômayôhuni Te angô ôndé kuanakue gôéétsô ôtômue wetso, Na ôkitie wetso, na éodoe éetso, na ngudiye yetso, Na ôkumakee wetso, na ôndômbee wetso, na géneegage setso.

Gétsutsuéô 5:8

Eôma énayi évégumani na nzima dibaé yapayi na payi dinayi muetso ahmasiba mabongo maô va mbene aMôpagee vamabongo angô migandamie. Ahngô muetso amabaka na ngombi yaô. Amabaka na ébungu éaô étumbu sôma sambônga éamôsôba te disambô yasi mbumu éaNzambé.

Gétsutsuéô 6:3

Vane Môpanga ômapaba môkatékôe amôbaé. Namookô gévo sôma gévégumani gémabambéa mbe: Viga.

Gétsutsuéô 6:5

Vane Môpaga ômapaba môkatékôe amôtatô. Namookô sôma gévégumani samôtatô gémabambéa mbe: Viga. Namabono na nameena cheval éanzue. One amabaka digaa gô yangô amasumbéda môdodu g’ôgogo edi.

Gétsutsuéô 6:7

Vane Môpaga ômapaba môkatékôe amônayi. Namookô sôma samônayi gévégumani gémabambéa mbe: Viga.

Gétsutsuéô 8:1

Vamapaba Môpaga Endombo môkatékôe atsambué, asi g’ôba muetso ahmadigaa na pôkepôke ahmadingaka édigaa gévove na gépupé te geenda asi kôdane mbe gébéndéké seweda.