Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gétsutsuéô 5:12 - New Testament in Mitsogo

12 Amatôa na gényônga gémootéani mbe: Môpanga Endombo ômayôhuni Te angô ôndé kuanakue gôéétsô ôtômue wetso, Na ôkitie wetso, na éodoe éetso, na ngudiye yetso, Na ôkumakee wetso, na ôndômbee wetso, na géneegage setso.

အခန်းကိုကြည့်ပါ။ ကော်ပီ




Gétsutsuéô 5:12
19 ပူးပေါင်းရင်းမြစ်များ  

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.


Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.


Omani éétsa me ényanga gôétôma oma muetso, gômbe neetsa monyoe amôbô na môbô gôbdé ane amamana éwe ésevoa gôéétsa me.


Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.


Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.


Wa n’anyô tôengédu gô géômbé s’okumu edi tôka te asungéyi oma va mbene aTéta Nzambé. Tôétsa Jésus‐Christ ékasôga na émbô mbe: Ondômbee na ôkumakee wetso ôbaké gôndé angô na ngudiye yetso dibaké gôndé angô môbô na môbo. Amen.


Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.


Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.


Va mbenene vane, namookô ôgie akangégangé ômavovo géômbé gévoni gô ngongo. Omavovo mbe: Tôkumédékéni Nzambé gô géôbogeoge géndé n’edi na g’ôkumakee, n’ondômbee wedi.


Ah Kumu asô. Ah Nzambé asô. Ondé kuanakue gôéétsô géneega setso, n’okumakee wetso na ngudi yetso. Te éwe ômavanga éetso. Eetso émavangôni na éetso édôngani na éndé na monyo te gamanyôngéô éwe mbe ébaké te nane.


Namoomba éôkô yene émbô. Namookô éetso évégumani éag’ôba, na éagô tsina, na éagô gatse atsina na éagô tsina ambéyi, ti éetso émavangangô gô tsinane nyetso ématôa émbô mbe: Gôndé ône andé digaa gô gédigaa sokumaka Na gôndé Môpagee, Te mbe géneegage setso, n’okumakee wetso, Na ôtômue wetso ôbaké gôndé ahngô môbô na môbô.


Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.


Eôma énayi évégumani na nzima dibaé yapayi na payi dinayi muetso ahmasiba mabongo maô va mbene aMôpagee vamabongo angô migandamie. Ahngô muetso amabaka na ngombi yaô. Amabaka na ébungu éaô étumbu sôma sambônga éamôsôba te disambô yasi mbumu éaNzambé.


Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.


Na vane me Jean nameena Môpaga Endombo ômapaba môkatékôe amapanga. Va gatse éoma énayi évégumani namookô gévo gévovo. Ogie wedi ômakunga ga môdumu na ômabambéa mbe: Vigaka.


Ahmaabéa mbe: Amen. Okumakee wetso na ôndômbee wetso, na éodo éetso na gétsôkéôge setso na géneegage setso n’otômue wetso na ngudiye yetso te gôndé Nzambé asô amôbô na môbô. Amen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ