Gétsutsuéô 4:8 - New Testament in Mitsogo

⁸ Eômee énayi éne évégumani émabaka éetso na papa môtôba môtôba. Na yôtô yaô yetso te miso matévo na gô gatse na va ngongo. Eangô ésigogeke étôa émbô na pitsi n’omanda. Ematôa mbe: Amatsimamani. Amatsimamani. Amatsimamani. Te angô Nzambé Amôbô na Môbô, Kumu angudi yetso. Te ône amabakani na andékéni, na angavigani.

Gétsutsuéô 4:8 ပူးပေါင်းရင်းမြစ်များ

Mayanzame 20:31

Bakani n’ekena. Menyani mbe me gô mipuma mitatô na pitsi n’omanda me tsidunda énôévéda môma na môma. Nameevéda na namadéa na keba te gôndé anye.

II Corinthiens 6:18

Me nangaba Tétanyô N’anye dôta te anami amôgôô n’anami ageto. One avovoni te me, Kumu angudi yetso.

1 Thessaloniciens 2:9

Ana aTéta, nôsoongôa ééba gamayanza we ti v’ekôdéô éegogo évôni. Tômayanza na pitsi n’omanda kabaga we tôba ga égumba gôékeneo n’anyô gô ndéône émabaka we gôénôékéda Tsangô Eamôsoba émeetsô we na Nzambé.

I Timothée 4:16

Owema gô môdigédie woo na gô meekédume moo. Osipa gô metso mane. Endé te nane. Okô ôéndi nane, ôyuua ômuene gô môtsundu, ôyuua te na ane agôôkéôni.

II Timothée 4:2

Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.

Hébreux 13:8

Jésus‐Christ asakoga. Gamabakangô va mbeego, te gandé angô deo noo, na te gangaba angô gô mbene môbô na môbô.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 11:17

Kumu Nzambé, éwe Kumu otômue wetso Ewe ôndéké na ômabaka. We tôgôkuméda gôébégô ômayanzéda ngudiye yoo yetso Na ôndéké gôétôma tsinane.

Gétsutsuéô 14:11

Sotoge géne gébisongoneda omee na môtutu wedi ôbutima môbô na môbô géemé. Nôsangadunda na pitsi n’omanda te bisongono, anye nômaneegeda Gényamanyama na gégonige sedi na nômasinga éétsô ndémbô étubéda inee éedi.

Gétsutsuéô 14:3

Mitônisamie mioma mine mimatema va mbene eoma énayi évégumani, na va mbene apeeye. Na ahmatôa imbô éamanza madeo ésitôôni. Gôsibé môma oongôa éétôa buétsé te ahngô mitônisamie mioma mine mimoobouni mimanôtôga gô tsina.

Gétsutsuéô 15:3

Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.

Gétsutsuéô 15:7

Va gatse eôma énayi évégumani, gévô gémeetsa asi g’ôba tsambué ébungu tsambué émakônzu na dodo. Ebungue éne émayôa n’opisa aNzambé ône andé monyo môbô na môbô.

Gétsutsuéô 16:14

Eangô te édidi éayabédé éyanza étsutsuku. Edidie éedi étatô émakea na gôndé atômi atsinane nyetso gôékôkéga ahngô gôévanga gô ébadie éngagenyu nyoo ôvôni ôngeenanô éne éngayanza Nzambé angô Kumu angudi yetso.

Gétsutsuéô 16:7

Na vane me Jean namookô ôgi ômavovo gô gévumbéô sadigondoku mbe: Ii, Kumu Nzambé, éwe Kumu angudi yetso, ôsabômu évovo. Oeséda oma ti kuanakue.

Gétsutsuéô 19:15

Gô mônya ône atetu mbe, Ogi ANzambé, gômakusa ébaga éamengô. Na éangô angabeta tsengeye yetso. Angatôma yangô na môtunga amuahnga ôsaba na ngeba. Na angapinya miônda gô gétsanga sopisa ôbabaka aNzambé, Kumu otômue wetso.

Gétsutsuéô 19:4

Vane nzima dibaé yapayi na payi dinayi na éôma énayi évégumani ahmasiba mabongo maô gôéneegeda Nzambé andé digaa gô gédigaa sokumaka. Ahmaabéa mbe: Amen. Tôkumédéni Nzambé.

Gétsutsuéô 21:22

Me tsiene eba aNzambé gô môsengee ône gôébégô amuene Kumu Nzambé, angô Kumu angudi yetso na dôta Môpaga Endombo ahndéké wangô na gôsaba tsôvé eeba aNzambé.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.

Gétsutsuéô 4:4

Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.

Gétsutsuéô 4:6

Va mbene agédigaage dôta vamabaka mubu ôndé na vede ga géeno. Gô kôbangô agédigaage bambana na gésa na gésa gômabaka éôma énayi évégumani, yôtôye yaô yetso te miso matévo na gô ngima na gô mbene.

Gétsutsuéô 4:9

Eômee énayi évégumani édué ématôa gôéneegeda na gôékuméda na gôétsôkéa ône andé digaa gô gédigaa sokumaka. Te ône andé monyo môbô na môbô.

Gétsutsuéô 5:6

Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.

Gétsutsuéô 6:1

Na vane me Jean nameena Môpaga Endombo ômapaba môkatékôe amapanga. Va gatse éoma énayi évégumani namookô gévo gévovo. Ogie wedi ômakunga ga môdumu na ômabambéa mbe: Vigaka.

Gétsutsuéô 6:6

Namookô ga ôgi ômaviga va gatse eoma énayi évégumani ômavovo mbe: Mipaa mitatô miookondo misômbu na dode diyanzô môsaa amôbongo. Tsanga dibaé disômbu na dode diyanzô môsaa amôbongo. Gôsaba ébégô gô madi na maduku.

Gétsutsuéô 7:11

Asi g’ôba muetso amaseta mitie gô kôbangô agédigaa sokumaka na peeye na éôma énayi évégumani. Na ahngô ahmagudama va mbene agédigaa sokumaka diôsô yaô na gô tsina gôékuméda Nzambé.

Gétsutsuéô 7:15

T’ebandô tôena ahngô va mbene agédigaa saNzambé sokumaka. Na pitsi n’omanda ahndé gôéyanzéa Nzambé gô ebedi, vandé amuene gô gédigaa sedi sokumaka eebakanéda ahngô.