Gétsutsuéô 4:5 - New Testament in Mitsogo

⁵ Gô gédigage gévôni gômakusa mikadikadi na nzongodi na gômaduméda môdumu. Va mbene agédigaage gômabaka kôa tsambué yayiyô dimayôakani. Yangô te édidi tsambué éaNzambé.

Gétsutsuéô 4:5 ပူးပေါင်းရင်းမြစ်များ

Matthieu 25:1

Okumu aNzambé ôgono na ébégô édué. Nzima atômbô waé yamuébee ahmakea na dambi yaô gôéwanyéda kumu ayômba, mômé amôkaô.

Matthieu 3:11

Me nanôbatésa na meba gôétubéda mbe anye nôkoi mitéma mianyô. Ivô gô ngimami gôviga muene anganôbatésa na Gédidi SaNzambé na soto. Ngudi yedi diôtéa dine yami. Gétôkôtôkô ôgoeyee, géôté môtsé. Me te gétôkôtôkô. Angô te môtsé. Ivô tsaba pengo gétôkôtôkô. Nandé ti gô tsina asangô.

Mayanzame 2:3

Omee ane ameena soto gémaaga g’ôba gégono na dimeni. Dimaaga na dimasuma, ôvo ôvo na gô ngongo amiôtsé mioma.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 10:3

Amaamugana n’ogi agô ngongo ga ôgi agémbungu gébégôani. Vamamanangô éamugana, midumu tsambué mimaduma gôémôaabéa.

Gétsutsuéô 11:19

Eba aNzambé g’ôba ômakukuu. Gégaa géenanô wangô te gémbégéa sevamba éaNzambé n’oma. Mikadikadi mimakadima na nzongodi. Midumu mimaduma. Na tsinane ématatéa. Na mataa mamaaga mayekani.

Gétsutsuéô 3:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.

Gétsutsuéô 5:6

Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.

Gétsutsuéô 8:5

Vane, môsi g’ôba amayuéséda gébunguge géne na soto gémaviga gô gévumbéô sadigondoku. Na amagégunya na va tsinane. Gômakungaka môdumu na nzongodi épôni. Gômakadima na mikadikadi. Tsinane ématatéa.