Gétsutsuéô 4:4 - New Testament in Mitsogo

⁴ Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.

Gétsutsuéô 4:4 ပူးပေါင်းရင်းမြစ်များ

Matthieu 19:28

Jésus amanigôa mbe: Me nanôbeenda na gô pie mbe vangadigaa me, Muana Amôma gô gédigaa sami sokumaka gô tsenge éamanza, anye nzima n’aneengi abaé nôkea n’ami nzéepo, anye dôta nôngadigaa môma na môma gô sedi gédigaa sokumaka gôétsundéda nzima na mabôta mabaé meongo éaIsraël.

LUC TSANGO EAMOSOBA EMATENDA 22:30

Gômbe nôngaa na nônganyua va tabudé éami g’ôkumu ami. N’anye nôngadigaa gô édigaa éokumaka gôétsundéda nzima na mabôta mabaé maIsraël.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Gétsutsuéô 11:16

Nzima dibaé na payi dinayi andé digaa gô édigee yaô éokumaka va mbene aNzambé ahmagudama diôsô yaô na gô tsina. Amakuméda Nzambé mbe:

Gétsutsuéô 14:3

Mitônisamie mioma mine mimatema va mbene eoma énayi évégumani, na va mbene apeeye. Na ahmatôa imbô éamanza madeo ésitôôni. Gôsibé môma oongôa éétôa buétsé te ahngô mitônisamie mioma mine mimoobouni mimanôtôga gô tsina.

Gétsutsuéô 19:14

Migôde miaNzambé mimaviga g’ôba gôémôaanda. Mimabaka digaa gô chevaleye yavembo na mimaata mikanda miamisôba miavembo misaba n’evindo.

Gétsutsuéô 19:4

Vane nzima dibaé yapayi na payi dinayi na éôma énayi évégumani ahmasiba mabongo maô gôéneegeda Nzambé andé digaa gô gédigaa sokumaka. Ahmaabéa mbe: Amen. Tôkumédéni Nzambé.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 20:4

Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.

Gétsutsuéô 3:18

T’ebandô nanôbeenda mbe: Nandé na dodo dimakanzô gô soto gôénôtôa totone nyetso. Sômbakani yangô gôndé me, n’anye nôngaba ékiti. Sômbakani dôta na maduani mavembo nôaata mangô gôésomeda yôtô yanyô kabaga nôba na tsoyi éaminyenge. Sômbani na mbôga gôésôga gô miso manyô mapogu mbe mangô mangapoga.

Gétsutsuéô 4:10

Kuka yetso vamatôa éangô, peeye nzima dibaé na payi dinayi dimasiba mabongo maô va mbene one andé digaa gô gédigaa sokumaka. Na dimaneegeda ône andé monyo môbô na môbô. Dimagudua épôkôdôe éaô éokumaka gôévumba éangô ga ôgondoku va mbene agédigaage sokumaka. Dimeemba mbe:

Gétsutsuéô 4:6

Va mbene agédigaage dôta vamabaka mubu ôndé na vede ga géeno. Gô kôbangô agédigaage bambana na gésa na gésa gômabaka éôma énayi évégumani, yôtôye yaô yetso te miso matévo na gô ngima na gô mbene.

Gétsutsuéô 5:11

Me Jean namoomba ébono. Namookô te asi g’ôba ayanzi aNzambé ayekani atôa émbô. Amabaka nzima yamitônisa na mitônisa miagétangégégé. Amaseta gédigaage sokumaka na yôma évégumani na peeye.

Gétsutsuéô 5:14

Eôma énayi évégumani émaabéa mbe: Amen. Na peeye ahmasiba mabongome gôémôneegeda.

Gétsutsuéô 5:6

Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.

Gétsutsuéô 5:8

Eôma énayi évégumani na nzima dibaé yapayi na payi dinayi muetso ahmasiba mabongo maô va mbene aMôpagee vamabongo angô migandamie. Ahngô muetso amabaka na ngombi yaô. Amabaka na ébungu éaô étumbu sôma sambônga éamôsôba te disambô yasi mbumu éaNzambé.

Gétsutsuéô 6:11

Ahmeetsô môvô môvô môkanda avembo na ameenda ahngô mbe: Ombani édunda vipesu. Eeneakani ana aTétee n’anyô te akanyô ane amabaka n’anyô gôéékéda mbe na ahngô ahngayôhu gamayôhu anye. Otangôe wanyô madeo ôsiduga.

Gétsutsuéô 7:11

Asi g’ôba muetso amaseta mitie gô kôbangô agédigaa sokumaka na peeye na éôma énayi évégumani. Na ahngô ahmagudama va mbene agédigaa sokumaka diôsô yaô na gô tsina gôékuméda Nzambé.

Gétsutsuéô 7:9

Na va mbene vane me Jean nameena géômbéômbé soma gésoongôa môma étanga. Ahngô te ane amayuéga gô tsengeye yetso yagô tsina, na gô mongo metso, na gô ébandôe éetso na yôgi yetso. Ahmabaka môtie va mbene agédigaa sokumaka na va mbene aMôpaga. Amaata mikanda miavembo. Amasimbéda tubee yeekadi amatsakima na gényônga.

Gétsutsuéô 9:7

Miveegemie mine mimagono na nyamaye ditsua oma na gô ébadi diéndô mbe cheval. Gô miôtsémie miaô te ga épôkôdô éokumaka émakônzu na dodo. Diôsôye yaô te ga dine yoma.