Gétsutsuéô 4:2 - New Testament in Mitsogo

² Tsina na tsina Gédidi SaNzambé gémeengéa pepe na gôndé me, Jean. Nameena gô ngongo gône gédigaa sôkumaka. Gô gédigaage géne gômabaka sôma géndé ga môma digaa.

Gétsutsuéô 4:2 ပူးပေါင်းရင်းမြစ်များ

Matthieu 22:43

Jésus amanigôa mbe: Okô mbe éndé nane ?nayee amuene David amatévédu na Gédidi SaNzambé amateta Christ mbe: Kumu ami? Nôsabômu éne émavovo David. Angô mbe:

Hébreux 8:1

Vootanganôni ébégô évôni édué étônigôni. Tôndéké na môdeekedi adigondoku môsungéyi môvôni. Na angô andé digaa g’ôba gô géeyo gémôgôô sangudi va kôbangô agédigaa saNzambé sokumaka. Na amuene Nzambé te kumu angudi yetso.

Gétsutsuéô 1:10

Gô nyee ômasevoa Kumu, Gédidi SaNzambé gémeengéa pepe gôndé me. Namookô gô ngimami ôgie angudi ôvovo ga gémbômba.

Gétsutsuéô 12:5

Môgeto nône amabôta muanamômôgôô angatôma tsengeye yetso yava tsina na môtunga amuahnga ôsaba na ngeba. Muanee amabongu na amatsuaô na vandé Nzambé gô gédigaa sedi.

Gétsutsuéô 17:3

Gédidi SaNzambé gémeengéa gôndé me Jean na môsi g’ôba amatsua me na gô tungu émagasani gôsibé oma ayekani. Nameena gône môgeto andé digaa gô Gényamanyama satsoo gématendu ôtôe wetso miname matoko Nzambé. Gényamanyama géne gémabaka na miôtsé tsambué na nzima atséba.

Gétsutsuéô 19:4

Vane nzima dibaé yapayi na payi dinayi na éôma énayi évégumani ahmasiba mabongo maô gôéneegeda Nzambé andé digaa gô gédigaa sokumaka. Ahmaabéa mbe: Amen. Tôkumédéni Nzambé.

Gétsutsuéô 20:11

Vane nameena gédigaa gévôni savembo sokumaka, na ône andé digaa gô sangô. Tsinane na ôbee émanôtôga va miso medi na ésiombédô éenanô.

Gétsutsuéô 21:10

Gédidi SaNzambé gémeengéa pepe gôndé me. Na môsi g’ôba amatsua me na gô étsakaméô éamôkôdi ôtongoni. Amatubéda me môsenge aNzambé ôéndô mbe Jérusalem. Te ône ômabaka g’ôba va kôbangô aNzambé na ômasuma na gô tsina.

Gétsutsuéô 21:5

One andé digaa gô gédigaa sokumaka amavovo mbe: Bandôa deo noo me neenda éôma éetso te éawene mônongo. Vane ôgie ômatôma me mbe: Tendaka nani. Gôébégô mavovia mami mandé mapie na moongôa môma eetsa môtémedi.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.

Gétsutsuéô 4:10

Kuka yetso vamatôa éangô, peeye nzima dibaé na payi dinayi dimasiba mabongo maô va mbene one andé digaa gô gédigaa sokumaka. Na dimaneegeda ône andé monyo môbô na môbô. Dimagudua épôkôdôe éaô éokumaka gôévumba éangô ga ôgondoku va mbene agédigaage sokumaka. Dimeemba mbe:

Gétsutsuéô 4:5

Gô gédigage gévôni gômakusa mikadikadi na nzongodi na gômaduméda môdumu. Va mbene agédigaage gômabaka kôa tsambué yayiyô dimayôakani. Yangô te édidi tsambué éaNzambé.

Gétsutsuéô 4:9

Eômee énayi évégumani édué ématôa gôéneegeda na gôékuméda na gôétsôkéa ône andé digaa gô gédigaa sokumaka. Te ône andé monyo môbô na môbô.

Gétsutsuéô 5:1

Me Jean nameena ône andé digaa gô gédigaa sokumaka asumbéda miganda mimavutégu môvutégu g’ôgogo edi ômôgôô. Gô miangô mimatendu gô gatse na va ngongo. Môvutégue ône ômakatôkô mikatékô tsambué.

Gétsutsuéô 5:13

Namoomba éôkô yene émbô. Namookô éetso évégumani éag’ôba, na éagô tsina, na éagô gatse atsina na éagô tsina ambéyi, ti éetso émavangangô gô tsinane nyetso ématôa émbô mbe: Gôndé ône andé digaa gô gédigaa sokumaka Na gôndé Môpagee, Te mbe géneegage setso, n’okumakee wetso, Na ôtômue wetso ôbaké gôndé ahngô môbô na môbô.

Gétsutsuéô 6:16

Ahmeenda mikôdimine na diboboye mbe: Pikani we. Somedani we kabaga tôenanô na ône andé digaa gô gédigaa sokumaka. Somedani we kabaga tôdenganô n’opisa aMôpaga.