Gétsutsuéô 3:8 - New Testament in Mitsogo

⁸ Angô mbe: Me tsabômu metso mane meendanye. Me tsabômu mbe anye nôsaba na ngudi éébéyée nane nôgobeda ôgie wami na nôsitsiké nzéane éami. Me nanôkukéa ômbaa ôsangoongôa ékukéga môma.

Gétsutsuéô 3:8 ပူးပေါင်းရင်းမြစ်များ

LUC TSANGO EAMOSOBA EMATENDA 12:9

Ivô ône atôna me va mbene oma, me dôta Muana Amôma nangamôtôna va mbene asi g’ôba, ayanzie aNzambé mbe: Tsamômenya.

Jean 15:20

Bangôani éne émanigôa me anye mbe gôsaba môyanzi ootéa kumu edi. Okô mbe oma akuana me, angakuana te n’anye muetso. Okô mbe oma amagobeda meekédu mami, angagobeda te na mane manyô.

Jean 17:6

Me namamenyeda éwe gôndé oma amayuua éwe va gatse asi tsengene. Omaweseda ahngô na gôndé me. Omeaa te woo. N’ewe ômeetsa me ahngô. N’ahngô amagobeda ôgie woo.

Mayanzame 14:27

Vamatsigahngô gô Antioche, amakôkanganéda asi mbumu éaNzambé muetso gôéahnigôa mane mamayanza Nzambé n’ahngô. Amanigôa gamakukua Nzambé ômbee gôndé ane asaba Ajuif gômbe eengéa muetso na gô Mabégô medi gémôtsumédô paga.

I Corinthiens 16:9

Gôébégô me éva nadii ndéô éamôsôba. Ombee ôkukuéyiô me na voo gôéyanza buéyé mbe adudeoe andéké ayekani.

II Corinthiens 2:12

Vamatsiga me gô môsenge aTroas gôéékéda Tsangô Eamôsôba éaJésus‐Christ namakukuéô na Kumu asô n’anyô ômbaa wangô. Ombaa te oma amanyôngéô éôkô.

Philippiens 4:13

Me tsadagéô na mabégô mema metso. Nandé gô mangô te gô ngudi yaChrist, ône oodedaka me.

Colosses 4:3

Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane.

I Timothée 5:8

Okô môma asakenea ône wedi, na ootéa ébéva ôkô asakenea môsi ebedi, ékegea mbe ône amani énôtôga gô nzéane éaJésus étôkeani édué. Angô ootéa ébéva n’one asisingé Jésus.

II Timothée 4:7

Me namani égenya ébadi étôgenyani. Me namani étsiga v’ekôdeô éatsaéne étôkea pita. Me tsatsuma ône ameetsa me môtémee paga.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 2:2

Angô mbe: Me tsabômu metso mane mameendanye. Tsabômu dôta gamatsogo anye na ngudi gôéyanza na môvinéné ôndé n’anye. Na gô pie, nôsasinga ane abévani aba va gatse anyô. Nômakanéga ane avovo mbe: Me te namatômu na Christ, géé na gô pie, géé kaka na gô pie anye nômeena. Vane nômamenya mbe te asi diboe.

Gétsutsuéô 22:7

Jésus angô mbe: Oôkôni édué. Me nangôône. Naka gôpégôpé gôéviga. Ivô tsabadô gô nzéa, naka ti v’ombaa. Ti gô gényônga géndé n’anye nôgobeda miganda miemi na Ogie ôtônigôa gô miangô mane mangabuéani.

Gétsutsuéô 3:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.

Gétsutsuéô 3:15

Angô mbe: Me tsabômu metso mameendanye. Va gatse ami nookô anye mbe nôsaba na sodi, nôsaba n’epiô. Me nanyôngéô mbe oma abaké gô épiô, kôndi nane abaké gô sodi.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.