Gétsutsuéô 3:7 - New Testament in Mitsogo

⁷ Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.

Gétsutsuéô 3:7 ပူးပေါင်းရင်းမြစ်များ

Matthieu 16:19

Me nagôétsa môsapi ôkukua ôkumu aNzambé ag’ôba. Ene ékata éwe gô tsengene ékatiô dôta gô tsenge éaNzambé g’ôba. Ene étsôbôa éwe gô tsengene étsôbôyiô dôta gô tsenge éaNzambé g’ôba.

Matthieu 24:35

Diôba na tsinane éngoota na éngadimbana. Ivô Mabégô Mami te môgunanza.

Marc 1:24

?Jésus môsi Nazareth ôbé nayee n’asô? ?Omaviga gôédimbanéda we‐a? Me tsabômu mbe éwe te Muana Amatsimamani ômakudégu na Nzambé.

LUC TSANGO EAMOSOBA EMATENDA 1:32

Angaba môma môvôni. Angatetu mbe Muana ANzambé, Tétedi Kumu angudi yetso. Kumu Nzambé angamôdigéda n’okumaka wetso gandé kumu étômani, gamabaka David tétene yedi éav’ebandô.

LUC TSANGO EAMOSOBA EMATENDA 4:34

?Ah Jésus môsi Nazareth ôbé nayee n’aso? ?Omaviga gôédimbanéda wea? Me tsabômu mbe éwe te Muana Amatsimamani ômatômu na Nzambé.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Mayanzame 3:14

Anye nômatôna ône amatsimamani agébé n’oési mbe ayôhu. Nômaduka Pilate môsi môkôbé mbe anzeegedu.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 15:3

Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.

Gétsutsuéô 16:7

Na vane me Jean namookô ôgi ômavovo gô gévumbéô sadigondoku mbe: Ii, Kumu Nzambé, éwe Kumu angudi yetso, ôsabômu évovo. Oeséda oma ti kuanakue.

Gétsutsuéô 19:11

Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.

Gétsutsuéô 19:2

Mitsundumie miedi mindéké misapenganani. Angô Nzambé ameetsa tsôgôô gôndé gétôa gévôni sagésasô gémabévéda tsinane nyetso na gésasô sedi. Nzambé amamôsiséda gôébégô amayôha ayanzi aNzambé.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.

Gétsutsuéô 21:5

One andé digaa gô gédigaa sokumaka amavovo mbe: Bandôa deo noo me neenda éôma éetso te éawene mônongo. Vane ôgie ômatôma me mbe: Tendaka nani. Gôébégô mavovia mami mandé mapie na moongôa môma eetsa môtémedi.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.

Gétsutsuéô 4:8

Eômee énayi éne évégumani émabaka éetso na papa môtôba môtôba. Na yôtô yaô yetso te miso matévo na gô gatse na va ngongo. Eangô ésigogeke étôa émbô na pitsi n’omanda. Ematôa mbe: Amatsimamani. Amatsimamani. Amatsimamani. Te angô Nzambé Amôbô na Môbô, Kumu angudi yetso. Te ône amabakani na andékéni, na angavigani.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.

Gétsutsuéô 6:10

Ahmaamugana mbe: ?Kumu eetsimama, na éwe Kumu apie, ôngeenea pitsi diké gôétsundéda asi tsengene, ayôhyie wasô¿ Ongeetsa ahngô tsôgôô nyaa ndé?