Gétsutsuéô 3:4 - New Testament in Mitsogo

⁴ Eébéyée nane, avo asi mbumu éaNzambé gô Sardes, nôsasinga maduani manyô mapéku n’evindô. Te anye nôngakénga n’ami nômaata mikanda miavembo, nôndé ngu kuanakue.

Gétsutsuéô 3:4 ပူးပေါင်းရင်းမြစ်များ

Matthieu 10:11

Na Jésus amoomba éongô ahngô mbe: Vangatsiga anye gô mbôka na gô môsenge, nôbono te ane anganôtubéda gédigaa. Digaani gô ebee ône ngu na vanganôtôganye gô mbôka nene.

Marc 16:5

Ahmeengéa na gô ngiine éamôdungutu. Wangô ahmeena môma andé ga mônzambu andé digaa géeyo gémôgôô, aata gédénga savee. Agetoe ahmookô mangongo ahmakuadima.

LUC TSANGO EAMOSOBA EMATENDA 20:35

Ivô amôgôôe n’agetoe, ane andé kuanakue gôékunduga g’ôwa na gôédigaa gô tsenge évigani asangabaana.

LUC TSANGO EAMOSOBA EMATENDA 21:36

Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

Mayanzame 1:15

Ovo enyaa ône ane ameetsa Jésus mitémamie amawanya vavo. Amabaka ôkana amôkama na nzima dibaé yoma. Pierre amatema va gatse aô. Amavovo n’ahngô mbe:

II Thessaloniciens 1:5

Nôeni gayanza Nzambé gépenganédé mabégôme. Gô gékuanôge gésipanye, andé gôénônyepeda mbe nôngaba kuanakue gôéengéa g’ôkumu edi. Magugame meenanye te gôndé angô.

Jude 1:23

Ooboni ahngô ti eembe nôwati ahngô gô soto. Eenani ngeba na gôndé avo te mônongovo. Ngebaye dine digésangana na gomo. Ivô kinani ti v’ekôdéô éakinanga ti na mikandamie miaô mindé na matodi mamane mabévani mayanzahngô gô manyima mamitéma miaô.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 11:13

Tsina na tsina totone éngatatéa, ti géndégégé. N’ovo ôkabô amôsenge ôngapanzéga n’omee abaki wangô. Otangôe ane angawaani vatatéa tsinane te mitônisa tsambué mioma. Ane angasanéani angookô gomo na angakuméda Nzambé andé g’ôba.

Gétsutsuéô 14:4

Yôtô yaô disigésangané n’ageto ahmadeekeda yangô na gôndé Nzambé. Ahmakea nzéepo na Môpagee na gô tunguye yetso dimakeangô. Te ahngô ahmapanga éobouni va gatse omee gôédeekedu na gôndé Nzambé na Môpagee.

Gétsutsuéô 19:14

Migôde miaNzambé mimaviga g’ôba gôémôaanda. Mimabaka digaa gô chevaleye yavembo na mimaata mikanda miamisôba miavembo misaba n’evindo.

Gétsutsuéô 19:8

N’angô eetsô ôtômu mbe: Aataka gédénga soo samôkanda obébayi ootéa amôsôba ôsaba n’evindo. Menyani mbe môkandee ône te ésima na mayanza mamisôba masi mbumu éaNzambé.

Gétsutsuéô 3:18

T’ebandô nanôbeenda mbe: Nandé na dodo dimakanzô gô soto gôénôtôa totone nyetso. Sômbakani yangô gôndé me, n’anye nôngaba ékiti. Sômbakani dôta na maduani mavembo nôaata mangô gôésomeda yôtô yanyô kabaga nôba na tsoyi éaminyenge. Sômbani na mbôga gôésôga gô miso manyô mapogu mbe mangô mangapoga.

Gétsutsuéô 3:5

Te anye nômadiia gô ébadi égenyuni nôngaatédu mikanda miavembo. Mina manyô masangabusuu gô môganda amonyo. Me nanganigôa na gényônga va mbene aTéta Nzambé n’ayanzi edi asi g’ôba muetso mbe: Adua te omami.

Gétsutsuéô 4:4

Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.

Gétsutsuéô 6:11

Ahmeetsô môvô môvô môkanda avembo na ameenda ahngô mbe: Ombani édunda vipesu. Eeneakani ana aTétee n’anyô te akanyô ane amabaka n’anyô gôéékéda mbe na ahngô ahngayôhu gamayôhu anye. Otangôe wanyô madeo ôsiduga.

Gétsutsuéô 7:9

Na va mbene vane me Jean nameena géômbéômbé soma gésoongôa môma étanga. Ahngô te ane amayuéga gô tsengeye yetso yagô tsina, na gô mongo metso, na gô ébandôe éetso na yôgi yetso. Ahmabaka môtie va mbene agédigaa sokumaka na va mbene aMôpaga. Amaata mikanda miavembo. Amasimbéda tubee yeekadi amatsakima na gényônga.