Gétsutsuéô 3:3 - New Testament in Mitsogo

³ Bangôani meekédume mamadiianye. Kôngédani gamookô anye mangô. Indakani mane mamookô anye. Eesédani anyene mitéma mianyô gôéviia ngima ébévee éanyô gôénika na gôndé me. Okô nôsitimôga nangaviga na gôndé anye na bambasa gaviga muisui. N’anye nôsangamenya ndéône éngaviga me.

Gétsutsuéô 3:3 ပူးပေါင်းရင်းမြစ်များ

Matthieu 25:13

Jésus angô mbe: Bakani misiki. Anye nôsamenya pitsi. Nôsamenya ndéô.

Marc 13:33

Nôwema. Bakani géembemba géebogé. Nôsamenya nyee ôngabuéa mabégô mema.

Marc 13:36

Nôwema kabaga aviga tsina na tsina anôdenga nôndé gô vio.

1 Thessaloniciens 5:2

Anyene nôsabômu mbe génikéô saKumu Jésus géngaba ga muisui aviga na pitsi.

I Timothée 6:20

Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.

II Timothée 1:13

Ewe Timothée, bangôa mavovia mami mapie mbe te mônongoe ôngadeka éwe gôéékéda. Sipa na bôkédé gô nzéa éaJésus étôkeani édué na gô étondo éedi étôdiia gô vitoone éndé wa n’anyô na Jésus‐Christ.

Hébreux 2:1

Gôébégô éagéobogeo sasô n’anyô te buedi mbe wa n’anyô tôtsôpéni na ngudi mabégô mapie matôôkôni. Kabaga tôyungédu tôkea gôédimbana.

II Pierre 1:13

Me neena mbe te buedi vabangôéda me anye mabégô mema nagédôngaka kabaga nôbômu.

II Pierre 3:1

Anami amôtéma, nôeni gésangô samôbaé génôtendéa me. Gô gésangô samapanga na samôbaé nabuta étimôa matasa meetsimama meedidi éanyô gô éne ébangôéda me anye.

II Pierre 3:10

Gévigéô saKumu géngaba ga gévigéô samuisui. Gô nyee angô ôba ôngadimbana na nzongodi épôni. Yômee yetso éag’ôba éngayôa na soto. Tsinane ne éetso éndé gô yangô éngayôa.

Gétsutsuéô 16:15

Angô mbe: Oôkôni édué. Me naviga gaviga muisui na waada. Gényônga gôndé ône adenganô andé môsiki gébé gô vio na akenea môkandee wedi. Asangakea mônyenge va gatse akedi na asangeena tsoyi.

Gétsutsuéô 2:25

Ivô simbédani mane mandéké n’anyô ngu na vangaviga me.

Gétsutsuéô 2:5

Tambô bangôani gamanyôngéô anye me v’ebandô. Viiani ngima mabégô manyô mabévani. Nikani na gôndé me gamabaka wa n’anyô v’ebandô. Okô mbe nôsakoga gôétsika mabégô manyô mebévani, me nangaviga gôénôwata gévumbéô sanyô sadambi géndé n’anyô.

Gétsutsuéô 22:7

Jésus angô mbe: Oôkôni édué. Me nangôône. Naka gôpégôpé gôéviga. Ivô tsabadô gô nzéa, naka ti v’ombaa. Ti gô gényônga géndé n’anye nôgobeda miganda miemi na Ogie ôtônigôa gô miangô mane mangabuéani.

Gétsutsuéô 3:11

Me tsangaamba éviga. Simbédakani vipesuvie viangudi vindé n’anyô, kabaga nôwatô n’oma môsendee wanyô ôngadiianye gô ébadie égenyuni.

Gétsutsuéô 3:19

Nanôsiséda na nanôtsimaméda te gônyôngéô me anye. Buta mbe géviôviô sanyô géenanô, eesédani anyene gôéviia ngima ébévee éanyô na nikani na gôndé me.

Gétsutsuéô 3:2

Gô vipesu viamonyo visanéa n’anye gôéwa, sipédani viangô kabaga nôsuméa mangôga. Timôgani. Me neena mbe mane meendanye masaba kuanakue va mbene aNzambé.