Gétsutsuéô 3:14 - New Testament in Mitsogo

¹⁴ Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.

Gétsutsuéô 3:14 ပူးပေါင်းရင်းမြစ်များ

Jean 1:3

Gô ngudi yone ameendô mbe Ogi, Nzambé amakana na amavanga éetso. Gôsaba ta na sôma gévo gésikanô na gésivangô gô ngudi yOgi.

Jean 8:14

Jésus amabika mbe: Buéyé mbe nanigôéké mane mami memuene, menyani mbe mandéké ti mapie. Me tsabômu gômaviga me. Tsabômu dôta gôkea me. Géé anye, gômaviga me na gôkea me, anye nôsamenya.

II Corinthiens 1:20

Na gô pie divanga yetso dimavanga Nzambé gôndé wa n’anyô te Jésus atôtubéda mbe Nzambé asapata. Te gô ina aJésus‐Christ tôkuméda Nzambé vatôaabéa mbe: Amen, ébaké te nane.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

Colosses 1:18

Gô mbumu éaNzambé, Christ te ébandô na môtsé ôtômani. Asi mbumu éedi te ôtô ôtômuni. Monyoe waô awene mônongo ôbandôa te na Christ. Angô te Muana ANzambé akuua. Angô te mapangame meekunduu g’ôwa. Te éne ébeenda mbe gô mabégô metso angô te mômbenee.

Colosses 2:1

Nanyôngéô mbe nômenya gagenya me ébadi évôni gôndé anye na gôndé ane adigaa gô Laodicée na gôndé muetso ane madeo asiene ôsôe wami.

Colosses 4:16

Vangamananye étanga gésangô gegé, nôgékudéga dôta na gôndé asi mbumu éaNzambé gô Laodicée mbe atanga sangô. N’anye nôtanga dôta géne gémakudéga me na gô Laodicée.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 19:11

Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.

Gétsutsuéô 21:6

Na ôgie ômoomba évovo mbe: Eetso édimbani. Me navovoni te Alpha na Oméga, événdégéô mbe, v’ebandô ametso te me, na v’ekôdéô ametso te me. Me te mapangame. Me te môyusumédue. One ookô sôé nangamôétsa meba magéenza magô gétôka géétsa monyo.

Gétsutsuéô 22:13

Me navovoni, nandé te Alpha na Oméga, événdégéô mbe v’ebandô ametso te me na v’ekôdéô ametso te me. Me te kuane, na me makukéme. Me mapangame, na me te môyusumédue.

Gétsutsuéô 22:6

Môsi g’ôba amoomba évovo na me Jean mbe: Mabégô mema te mapie na moongôa môma eetsa môtémedi gôématéndéda. Menya mbe Kumu Nzambé, ône ameetsa Gédidi sedi na gôndé apandôédi amatasa medi, te ône amakudéga asi g’oba ayanziedi gôétubéda ayanzi edi agô tsina mane masangaamba ébuéani.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.