Gétsutsuéô 3:1 - New Testament in Mitsogo

¹ Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Sardes. Oôkéôni ndongiye divovo Kumu éedidi tsambué éaNzambé. Te ône asimbéda minanga tsambué. Angô mbe: Metso mane meendanye, me tsabômu mangô. Namookô tsangô mbe anye nôdônga gô mabégô maNzambé, tambô nôka ti gôpégôpé n’owa.

Gétsutsuéô 3:1 ပူးပေါင်းရင်းမြစ်များ

LUC TSANGO EAMOSOBA EMATENDA 15:24

?Nôsamenya mbe muanami ôdôô abaki mônongovo ga môma amawani na aniki gôéba na monyo-a? Amadimbanaka na atsutsugi. Na amaba na môambô ôvôni agényônga.

LUC TSANGO EAMOSOBA EMATENDA 15:32

Ivô deo noo tôtsôkékéni na tôaakéni môambôe gôvigi môdimine woo ône. Môdimine woo ône abaki mônongovo ga môma amawani na aniki gôéba na monyo. Amadimbanaka na atsutsugi.

Jean 1:16

Wa n’anyô muetso tômani édiia ôkabô okitie ôndé n’edi. Tômadiia te mate makôndamani.

Jean 20:22

N’emana évovo nane, Jésus amavumbéa modie wedi na gôndé ahngô. Angô mbe: Diiani Gédidi SaNzambé.

Jean 3:34

One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Mayanzame 2:33

Jésus amadigédu gô géeyo gémôgôô SaNzambé. Gôndé Tétedi amadiia Gédidi SaNzambé géne gémamemeoko angô na Nzambé. Jésus amatsanzabanéda sangô na gôndé wa n’anyô mônongoe ôenanye na mônongoe ôôkô anye sangô deo noo.

Ephésiens 2:1

Va mbeego édidi éanyô émabaka gô évitsi ti eembe émawa gôébégô adiési yanyô na ébévee éanyô.

Ephésiens 2:5

Vamabaka édidi éasô n’anyô égébaka gô évitsi éowa gôébégô éamabégô masô n’anyô mabévani, Nzambé gô étondo éedi amakundua we gôéba deo noo monyovo na Christ. Tômoobou te gô ngeba ditôenanô na Nzambé.

Colosses 2:13

Va mbeego gôsikiné anye manyima mabévani mayôtôye yanyô na nôsimenye évamba na Nzambé mitéma mianyô mimabaka g’oma amawani. Géé deo noo, Nzambé amatôsingéa kokoo gô mabégô masô n’anyô mabévani metso. Na amakundua anye gôéba monyovo na Christ.

I Timothée 5:6

Ivô ôkô môkué adigaa ganyôngéô ôtôe wedi, amani éwa buéyé mbe ôtôe ôgédôngaka.

Jacques 2:26

Te mônongovo gandé ôtô mbe ôsaba na modi ôsangadônga. Na môma eetsa Nzambé môtémedi ivô aseenda éne ényôngéô Nzambé, asadônga.

I Pierre 1:11

Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.

Jude 1:12

Vadigaahngô n’anyô gôéaa môambô ôaa asi mbumu éaNzambé andé gôéenza môambôe wanyô na mônongoe waô agéyuka gébévani. Aseena tsoyi gô mônongoe waô. Aaka gô môambô n’onzôô ôvôni. Ahndé ga dibôngé ditsuaô n’opunga, disanyogeda mbuua. Ahgono na éétété éamiônda ésabôtani. Buéyé gô ndéône ébôta miônda, éndé te yabi ditévo. Andé ga éétété émayuuni. Mitamba miaô misaba gô toto. Eététée éwa.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:16

G’ôgogo edi ômôgôô amasumbéda minanga tsambué. Gô mônyedi gômakusa ébaga éamengô. Gédimôge sedi gémabaka n’obébayi gavatsakama kômbéne.

Gétsutsuéô 1:20

Oeni éne ésamenyanganôni éav’esooe éaminanga tsambué miena éwe sumbéda g’ôgogo ami ômôgôô na éne éeni éwe évumbéô tsambué éadambi éangôéé. Minangamie tsambué te asi g’ôba amavigédu na Nzambé andé gôékenea asi mbumu éedi gô mbôkaye tsambué. Evumbéô tsambué éadambi te asi mbumu éaNzambé gô mbôka tsambué.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 2:19

Angô mbe: Me tsabômu metso meendanye. Tsabômu vitoone éndé n’anyô. Tsabômu na gasipanye na mavôma na gényônga géôkô anye gôéyanzéa me n’obibô ôndéké n’anyô. Metso mane tsabômu mangô. Mane meendanye mamisôba ndéô yedi mootéa éyeka na mane mav’ebandô.

Gétsutsuéô 2:2

Angô mbe: Me tsabômu metso mane mameendanye. Tsabômu dôta gamatsogo anye na ngudi gôéyanza na môvinéné ôndé n’anye. Na gô pie, nôsasinga ane abévani aba va gatse anyô. Nômakanéga ane avovo mbe: Me te namatômu na Christ, géé na gô pie, géé kaka na gô pie anye nômeena. Vane nômamenya mbe te asi diboe.

Gétsutsuéô 2:9

Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.

Gétsutsuéô 3:15

Angô mbe: Me tsabômu metso mameendanye. Va gatse ami nookô anye mbe nôsaba na sodi, nôsaba n’epiô. Me nanyôngéô mbe oma abaké gô épiô, kôndi nane abaké gô sodi.

Gétsutsuéô 3:2

Gô vipesu viamonyo visanéa n’anye gôéwa, sipédani viangô kabaga nôsuméa mangôga. Timôgani. Me neena mbe mane meendanye masaba kuanakue va mbene aNzambé.

Gétsutsuéô 3:8

Angô mbe: Me tsabômu metso mane meendanye. Me tsabômu mbe anye nôsaba na ngudi éébéyée nane nôgobeda ôgie wami na nôsitsiké nzéane éami. Me nanôkukéa ômbaa ôsangoongôa ékukéga môma.

Gétsutsuéô 4:5

Gô gédigage gévôni gômakusa mikadikadi na nzongodi na gômaduméda môdumu. Va mbene agédigaage gômabaka kôa tsambué yayiyô dimayôakani. Yangô te édidi tsambué éaNzambé.

Gétsutsuéô 5:6

Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.