Gétsutsuéô 22:20 - New Testament in Mitsogo

²⁰ Jésus, ône amatôtsikéa gésuka gétubéda mbe asapata, avovo mbe: Ii, bonoko me navigi. We dôta tôaabéa mbe: Ii, ébaké nane. Vigaaka Kumu Jésus.

Gétsutsuéô 22:20 ပူးပေါင်းရင်းမြစ်များ

Jean 21:25

Mane mamayanza Jésus masakôdéa na mane manigôa miganda miemi. Okô môma akanéga ématenda metso bandôa v’ebandô ngu na v’ekôdéô, namenya mbe buéyé tsinane nyetso mbe ésangadugu gôékenea migandamie mingatenduni mine.

I Corinthiens 16:22

Okô môma asanyôngéô Kumu Jésus angadoku. Maranatha‐événdégéô mbe: Kumu Jésus vigaka.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 10:37

Endé te gatôtanga gô Matendeo MaNzambé mbe: Gôsanéa vipesu viandéô, ti vipesu. One eendô mbe angaviga, na gô pie angaviga. Asangaamba éviga.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

Gétsutsuéô 1:18

Me te Kumu amonyo. Namawaaka, géé deo noo nandé na monyo ôsakôdéakani. Môsapie owa, na tsengene éowa ôndéké te n’ami.

Gétsutsuéô 1:2

Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.

Gétsutsuéô 2:16

Viiani ngima mabégô manyô mabévani. Nikani na gôndé me. Ti anye nôkina ndongi yami nôngeena gangaviga me na va gatse anyô gôégenya n’omee ane n’ebaga ékusa gô mônyee wami.

Gétsutsuéô 22:10

Na môsi g’ôba amoomba étôma me mbe: Ombiasuéga v’esooe mabégô mameena éwe, mane mangabuéani mamatendu gô miganda miemi. Gôébégô ndéône émasevouni éne éngabuéa mabégône, éka gôpégôpé.

Gétsutsuéô 22:12

Jésus angô mbe: Oôkoni édué. Me nangôô navigani ône. Naka gô nzéa gôéviga. Ivô tsabadô gô nzéa, naka ti v’ombaa. Me naviga natsua môsendee te ôséngu gôndé môma na môma ngu na éne émeendangô.

Gétsutsuéô 22:18

Me Jean nakeneda anye gô ébégô évôni édué, anye nôôkiô mabégôme mane mangabuéani mamatendu gô miganda miemi. Okô môma akôndéga mene mabégô, Nzambé dôta angamôkôndéga panda yevunga didenganô gô miganda miemi.

Gétsutsuéô 22:7

Jésus angô mbe: Oôkôni édué. Me nangôône. Naka gôpégôpé gôéviga. Ivô tsabadô gô nzéa, naka ti v’ombaa. Ti gô gényônga géndé n’anye nôgobeda miganda miemi na Ogie ôtônigôa gô miangô mane mangabuéani.