Gétsutsuéô 22:16 - New Testament in Mitsogo

¹⁶ Me Jésus navovoni, namavigéda môsi g’ôba, môyanzi ami na gôndé anye asi mbumu éaNzambé gôénôbeenda metso. Me navovoni te muana amabôtu na David. Me te mônanga ôtanani ava maageô.

Gétsutsuéô 22:16 ပူးပေါင်းရင်းမြစ်များ

Matthieu 1:1

Oô te bôkudue aJésus‐Christ ebôtee éedi. Jésus‐Christ to muana aDavid. Na David dôta te muana aAbraham.

Matthieu 2:2

Amôgôôe ane amabambéa mbe: ?Muanee abôtiôni, ône angaba Kumune éAjuif andé gôni? We tômeena g’ôba mônanga ômatubéda ôbôtue wedi. We tôvigi gô gésa gétsiga kômbéne gôémôneegeda.

Matthieu 22:42

Gôébégô éaChrist, ône angatômu na Nzambé ?anye nôtasa nayee? ?Angô vita muana andaa? Apharisien amaabéa mbe: Angô te muana aDavid.

Matthieu 22:45

Jésus angô mbe: Amuene David amateta môma nône mbe: kumu ami. ?Mbe muanedi nayee angamôénda mbe Kumu ami?

LUC TSANGO EAMOSOBA EMATENDA 1:78

Gôébégô Nzambéné éasô n’anyô andé na ngeba na mavôma. Ahngatanéda wa n’anyô gévede gévôni géviga g’ôba na gégono na kômbéne vatsiga yangô.

LUC TSANGO EAMOSOBA EMATENDA 20:44

Jésus angô mbe: Amuene David amateta môma nône mbe Kumu ami. ?Mbe muanedi nayee angamôénda mbe: Kumu ami?

Romains 15:12

Esaïe amatenda mbe: Muana gô ébôta éaJéssé angaviga. Angasevou gôétôma tsengeye yetso. Oma abono miso maô te gôndé angô.

Romains 9:5

Peeye yaô te Abraham na Isaac na Jacob na Moïse n’avo oma avôni. Buéyé na Jésus-Christ, ône andé gôétôma na ngudiye yetso, amabôtu gô tsengene te gô éongoe yaô. Tôkumédéni Nzambé môbô na môbô. Amen.

II Pierre 1:19

T’ebandô we tôsatsuma paga gô mavovia maNzambé mamatsikéô we n’apandôédi ambeego amatasa maNzambé. Buedi gôndé anye gôévôtanganô mangô. Gôébégô mangô mandéké mônongovo ga dambi étana gô tungu éevitsi. Keneani mangô ngu na vangagiia nyee na vangatana mônangee ava magéô gô mitéma mianyô.

Gétsutsuéô 1:1

Gô gésangô gegé nôngookô tsangô éamane mamatsutsua Jésus‐Christ. Nzambé amasingéa Jésus‐Christ gôétsutsua mangô gômbe angatévéda ayanzi edi mane mangabuéani. Amakudéga môsi g’ôba na gôndé môyanzi edi Jean, gôémôtévéda mabégô mema.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:4

Oô te me Jean nanôtendéa anye asi mbumu éaNzambé gô mbôka tsambué gô tsenge étetu mbe Asie. Te mbe mate na gétabé gébaké gôndé anye. Eetso éne nôédiia te gôndé Nzambé. Angô amabakani, na andéké, na te angô angavigani. Nôédiia te gôndé édidi tsambué éndé va kôbangô éagédigaa sokumaka gédigaa Nzambé g’ôba.

Gétsutsuéô 2:11

Okô mbe anye nôndé na matô, ôôkôni môma na môma mane mavovo Gédidi SaNzambé na anye, asi mbumu éaNzambé. Angô mbe: Ane adiiani gô ébadi égenyuni asangawa ôwa amôbaé.

Gétsutsuéô 2:17

Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.

Gétsutsuéô 2:7

Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.

Gétsutsuéô 22:1

Môsi g’ôba môyanzi aNzambé amatubéda me, Jean mbéne éameba meetsa monyo. Mbéne éndé n’obébayi ga géenô. Tsôngôye yambéne éne ékusa gô gédigaa sokumaka gédigaa Nzambé na Môpaga.

Gétsutsuéô 22:11

Te mbe môbévine abaké gô mane medi mabévani, na môsi évindô adigéké gô évindôe éedi, na mônyepine abaké gô mane medi manyepani na ône andé na étsimama éaNzambé abaké gô étsimama éaNzambé.

Gétsutsuéô 22:20

Jésus, ône amatôtsikéa gésuka gétubéda mbe asapata, avovo mbe: Ii, bonoko me navigi. We dôta tôaabéa mbe: Ii, ébaké nane. Vigaaka Kumu Jésus.

Gétsutsuéô 22:6

Môsi g’ôba amoomba évovo na me Jean mbe: Mabégô mema te mapie na moongôa môma eetsa môtémedi gôématéndéda. Menya mbe Kumu Nzambé, ône ameetsa Gédidi sedi na gôndé apandôédi amatasa medi, te ône amakudéga asi g’oba ayanziedi gôétubéda ayanzi edi agô tsina mane masangaamba ébuéani.

Gétsutsuéô 3:13

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 3:22

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 3:6

Okô mbe anye nôndé na matô, ôôkôni môma na môma mane mavovo Gédidi SaNzambé na anye asi mbumu éaNzambé.

Gétsutsuéô 5:5

Na vane, môvo va gatse apeeye amavovo n’ami mbe: Ombiadéa. Bonoko. One eendô mbe Gémbungu seongo éaJuda, Muana aMotômine David, angô amadiia gô ébadie émagényuni, te angô angoongôa ékatôa mikatékômie tsambué na épunzua môvutégue amiganda.