Gétsutsuéô 22:12 - New Testament in Mitsogo

¹² Jésus angô mbe: Oôkoni édué. Me nangôô navigani ône. Naka gô nzéa gôéviga. Ivô tsabadô gô nzéa, naka ti v’ombaa. Me naviga natsua môsendee te ôséngu gôndé môma na môma ngu na éne émeendangô.

Gétsutsuéô 22:12 ပူးပေါင်းရင်းမြစ်များ

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Romains 14:12

Vane wa n’anyô muetso tônganigôa Nzambé mane masô n’anyôene.

I Corinthiens 3:14

One amasaa gô ngongo obôgee eba ôkina soto, angadiia môsenda.

I Corinthiens 3:8

One agaabani na ône eetéa meba andé te mônongovo. Nzambé angeetsa ahngô môsenda kuanakue na éne émayanzahngô.

Gétsutsuéô 11:18

Tsengeye yetso yava tsina dimayôa n’obagaa Na ndéône ébuéyi, éne éngeenanô ôpisee woo. Na ane amawani angatsundédu. Ndéône ébuéyi éne éngeetsewe ayanzie woo, te apandôédie amatasa moo môsendee waô. Na gôndé asi mbumu éoo muetso n’ane ahmaditéda éwe Byéyé mbe oma avôni, n’ageage ôngeetsahngô môsenda. Ndéône ébuéyi éne éngadimbanédewe ane ahmabunzanganéda tsinane.

Gétsutsuéô 2:23

Va ngongone vane nangayôha anedi. Na vane asi mbumu éaNzambé muetso ahngamenya mbe me navovoni ôdôô, te ône asabômu metso matasa môma na mane manyima môtémedi. Nangeetsanye môma na môma kuanakue n’ene émeendanye, môbévine angabévédu na mônyepine anganyepedu.

Gétsutsuéô 20:12

Nameena ane amawani na payi n’anéngé, ahndé mitie va mbene agédigaage sokumaka. Ebooto éamiganda émakukuu. Gévo gébooto samiganda gémakukuuni te géne samonyo. Ane amawani amatsundédu gô mane mameendangô mamatendu gô migandamie.

Gétsutsuéô 22:20

Jésus, ône amatôtsikéa gésuka gétubéda mbe asapata, avovo mbe: Ii, bonoko me navigi. We dôta tôaabéa mbe: Ii, ébaké nane. Vigaaka Kumu Jésus.

Gétsutsuéô 22:7

Jésus angô mbe: Oôkôni édué. Me nangôône. Naka gôpégôpé gôéviga. Ivô tsabadô gô nzéa, naka ti v’ombaa. Ti gô gényônga géndé n’anye nôgobeda miganda miemi na Ogie ôtônigôa gô miangô mane mangabuéani.

Gétsutsuéô 3:11

Me tsangaamba éviga. Simbédakani vipesuvie viangudi vindé n’anyô, kabaga nôwatô n’oma môsendee wanyô ôngadiianye gô ébadie égenyuni.