Gétsutsuéô 21:8 - New Testament in Mitsogo

⁸ Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.

Gétsutsuéô 21:8 ပူးပေါင်းရင်းမြစ်များ

Matthieu 10:28

Nônookô oma gomo, ane andé na ngudi yeyôha ôtôe woo. Ivô ôôkôni Nzambé gomo. Te ône andé na ngudi yeyôha ôtôe na gédidige setso gô mungu asoto.

Matthieu 25:25

Gômookô me éwe gomo, namakea gôésigéa dodeye yoo gô tsina. Oeni, dodeye yoo yangô dine.

Matthieu 8:26

Jésus amaabéa ahngô mbe: ?Anye nôena gomo na nôtatéa nayee? ?Tambô nôgétsumaka ngudi yami paga‐a? Jésus amatimôga na amadékéda gékungage na miyôkiyôkimie. Vane mubue ômaba na sinzii.

Marc 9:44

Gône te gôndé misôbô miaaka ôtô misawakani na sotoge géseemakani.]

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

II Thessaloniciens 2:9

Môbévine angaviga na ngudi yaSatan yetso na angayanza étsutsuku éyekani, na émbégéa éangudi yedi na mayanza mamavéto.

I Timothée 4:2

Angasinga étévédu nyene nzéa n’ôma enyepa éamiônya na apatie. Gômekaganô atévie ane na mabégô madiboe, mitéma maô mimamana éoodo ga mataé na misatsundéda ahngô go diboeye yaô.

Tite 1:16

Eenda mbe: We tôsabômu Nzambé, tambô. Esimee na mayanza maô matubéda mônongoe waô ôsavambangô na Nzambé. Andé ga sôma gébooni sambônga ébévani. Akina Nzambé. Na asoongôa éyanza ta n’ebégô évo éamôsôba.

Hébreux 12:24

Nômawesea dôta na gôndé Jésus, angô môsungéyine evamba éamôbaé. Nômawesea gô nzina yedi dimaagani. Yangô dindé na nyene tsangô, kaka éne ébévani émabaka na nzinaye yAbel.

Hébreux 13:4

Buedi mbe yômba digobedu na muetso. Na buedi mbe môgadi na mômé abaké n’etondo anguene n’anguene. Nzambé angeeséda asi ôkuanda na asi gésasô.

I Jean 2:22

?Môpatine indaa? Môpatine te ône avovo mbe: Jésus kaka Christ. Môma nône te Môéndi aPégôani Môvingine aChrist akina muetso kukepo Téta Nzambé na Muanedi Jésus.

I Jean 3:15

One adudu môkedi, angô to môyôhani. Nôsabômu mbe môsi môkôbé asaba na monyo amôbô na môbô gô môtémedi.

I Jean 5:10

Na vane ône eetsa môtémedi wetso na gôndé Muana ANzambé ookô gô môtémedi mbe mane mavovo Nzambé mandé ti mapie. Géé ône atsuma Nzambé paga eenda Nzambé mbe, môsi ooboe, gôébégô asaditéga mane manigôa Nzambé maMuanedi.

Gétsutsuéô 14:10

Anye nônganyua gébungu géyôa n’opisa aNzambé ôsigésu na sôma gôésusua ôbagee. Anye muetso nômasinga Gényamanyama na gégonige sedi nôngabisa gô soto géyôa na mbônga ébévani, géndé va mbene asi g’ôba ayanzie aNzambé na Môpaga.

Gétsutsuéô 19:20

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.

Gétsutsuéô 2:11

Okô mbe anye nôndé na matô, ôôkôni môma na môma mane mavovo Gédidi SaNzambé na anye, asi mbumu éaNzambé. Angô mbe: Ane adiiani gô ébadi égenyuni asangawa ôwa amôbaé.

Gétsutsuéô 2:2

Angô mbe: Me tsabômu metso mane mameendanye. Tsabômu dôta gamatsogo anye na ngudi gôéyanza na môvinéné ôndé n’anye. Na gô pie, nôsasinga ane abévani aba va gatse anyô. Nômakanéga ane avovo mbe: Me te namatômu na Christ, géé na gô pie, géé kaka na gô pie anye nômeena. Vane nômamenya mbe te asi diboe.

Gétsutsuéô 21:27

Ivô gô môsengee ône gôsangeengéa ta na sôma gévo sevindô, ta na môma môvo andé n’esima éasagô na éadiboe. Ane angeengéani te ane andé na mine maô mamatendu gô miganda miamonyo, te migandamie mikeneo na Môpagee.

Gétsutsuéô 22:15

Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.

Gétsutsuéô 9:17

Evo ébégô émeena me Jean te nandé nani gébé gô vio. Namatubédu na Nzambé ébégô éanyamaye n’omee ahmadigaa gô yangô. Ahmaata ngoyiye yamianga. Dipo dimabaka na tsoo ga soto, dipo na bôbé ga étaé ééndô mbe saphir, na dipo dôta ga ôtsakadi gandé sôma gééndô mbe soufre. Miôtsé miachevaleye mimagono na miôtsé miembungu. Gô miônya miaô gômakusa soto, na môtutu agémbôngambônga gébévani génôtôa môma modi.

Gétsutsuéô 9:21

Eômee éne éseenani, na ésookôni na ésakeani. Omeaa dôta asaviia mikôbé miaô ngima. Na maganga mesôgee yaô na ésasô éaô n’eesuee waô aseeviia ngima.