Gétsutsuéô 21:4 - New Testament in Mitsogo

⁴ Nzambé angakôbôa ahngô keba yetso yagô miso maô. Owa ôsangabadô. Na miéngé misangabadô. Na mindônga na pievia édimbani te yetso. Mane mambeego metso mamadimbana.

Gétsutsuéô 21:4 ပူးပေါင်းရင်းမြစ်များ

Matthieu 24:35

Diôba na tsinane éngoota na éngadimbana. Ivô Mabégô Mami te môgunanza.

I Corinthiens 15:26

Môdudeone angayusumédu ébunzuni te ôwee.

I Corinthiens 7:31

Ane ayanzéda ôkiti atsengene abaké gaasayanzéda angô. Gôébégô tsengene na éetso éndé wangô éndé éotaga na ésangadinga pitsi diyekani.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

II Corinthiens 6:17

Te gamavovo Kumu Nzambé mbe: Anye omami, nôtôgani aaganani n’ahngô Nômbiabanda ta na bandaga, mane maô mevindô Me nanganôwanyéda omami na gényônga.

Hébreux 12:27

Vavovo angô mbe: Nangoomba nyene kuka, tômenya mbe mane mamakanôni metso mangatatédu na mangadimbana, na éne éngasanéani te éne éngasipani.

II Pierre 3:10

Gévigéô saKumu géngaba ga gévigéô samuisui. Gô nyee angô ôba ôngadimbana na nzongodi épôni. Yômee yetso éag’ôba éngayôa na soto. Tsinane ne éetso éndé gô yangô éngayôa.

I Jean 2:17

Tsengene éôta te ôtaga. Na metso matsengene manyôngéô môma moota te ôtaga. Ivô ône eenda mane manyôngéô Nzambé andé na monyo agékôdéé.

Gétsutsuéô 20:13

Ane amwa gô mbéye ahndé wangô ahmanzeegedu na mbéye. Owa na tsenge éane amawani dimanzeegeda ane andé wangô. Muetso ahmatsundédu gô mane mameendahngô.

Gétsutsuéô 20:14

Owa na tsenge édigaa ane amawani émagunyu na gô mungu asoto. (Mungue asoto ône, te ôwa amôbaé.)

Gétsutsuéô 21:1

Me Jean nameena dôta wene ôba amanza na nyene tsina éamanza. Oba amapanga ômabakani na tsinane éamapanga émabakani émanôtôgaka na miubumie mietso mimanôtôga.

Gétsutsuéô 22:3

Gô môsengee ône gôsangadenganô ta na sôma gévo géndé gô tsina amôkokou aNzambé. Gédigaa sokumaka gédigaa Nzambé na Môpaga géngaba gô môsengee ône. Na ayanzi aNzambé ahngamôneegeda.

Gétsutsuéô 7:17

Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.