Gétsutsuéô 21:23 - New Testament in Mitsogo

²³ Môsengee ône ôsaba na tsôvé éakômbéne na ngondene gôéétsa angô gévede, te ôbébayi ôtubéda ôndômba amuene Nzambé ôtanédani na Môpagee te dambine.

Gétsutsuéô 21:23 ပူးပေါင်းရင်းမြစ်များ

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Marc 8:38

Okô môma eena tsoyi gôndé me na mabégô mami va mbene oma andé n’edi ane anôtôga gôndé Nzambé gôémôviia ngima, na andé abévani; menyani mbe me, Muana Amôma nangeena tsoyi gôndé angô vangaviga me g’ôkumaka ondômbee a Téta Nzambé n’asi g’ôba ayanzie wedi.

LUC TSANGO EAMOSOBA EMATENDA 2:32

Angô te gévede gévôni géngatanéda éwe gôndé asi tsengeye yetso. Gôndé angô omee woo, ana aIsraël angakumédu.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 1:4

Aangô te kumu amonyo. Monyoe ône ôtanéda gévede gôndé oma.

Jean 1:9

Gévedege gémanigôa Jean, te géne sapie gésaba n’okana. Gémeenanô gô tsina na gétana gôndé oma muetso.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Jean 5:23

Endé te mbe oma muetso angagobeda Muanee mônongovo gagobeda oma Tétee. One asagobeda Muanee, asagobeda na Tétene, angô môtômine aMuanee.

Mayanzame 22:11

Obébayi agévedege géne gévôni ômeetsa me pogu. Akasô amabaka n’ami amatsôpa me g’ôgogo gôékea n’ami na gô Damas.

Gétsutsuéô 14:4

Yôtô yaô disigésangané n’ageto ahmadeekeda yangô na gôndé Nzambé. Ahmakea nzéepo na Môpagee na gô tunguye yetso dimakeangô. Te ahngô ahmapanga éobouni va gatse omee gôédeekedu na gôndé Nzambé na Môpagee.

Gétsutsuéô 18:1

Va mbenene vane me Jean nameena muene môsi g’ôba avigédu na Nzambé amasuma g’ôba. Angô amabaka n’otômu ôvôni. Obébayi ondômbedi ômatanédi tsinane nyetso.

Gétsutsuéô 21:11

Omatana n’obébayi ôtubéda ôndômba aNzambé. Môsengee ône ômakadima n’obébayi gandé étaé osunu ôvôni ééndô mbe, jaspe, te éne éndé na vee ga géenô.

Gétsutsuéô 21:25

Dikuké yamôsengee dingaba na vôô gô môsae wetso na disangakukégu gôébégô gône gôsangabadô pitsi n’evitsi éedi.

Gétsutsuéô 22:5

Gôsangabadô pitsi. Oma asangabutadô gévede sadambi na sakômbéne, gôébégô amuene Kumu Nzambé angatanéda gôndé ahngô gévede sedi. Na te omeaa angatômaka môbô na môbô gékôdéé.

Gétsutsuéô 5:6

Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.

Gétsutsuéô 7:17

Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.