Gétsutsuéô 21:22 - New Testament in Mitsogo

²² Me tsiene eba aNzambé gô môsengee ône gôébégô amuene Kumu Nzambé, angô Kumu angudi yetso na dôta Môpaga Endombo ahndéké wangô na gôsaba tsôvé eeba aNzambé.

Gétsutsuéô 21:22 ပူးပေါင်းရင်းမြစ်များ

Matthieu 24:2

Jésus amaabéa ahngô mbe: Nôeni yebaye dipôni édi, gôsangasanéa ta n’etaé évo gô ngongo amôkedi. Metso mangapanzô.

Jean 10:30

Wa na Téta tôndé te môvo.

Jean 13:32

Okô mbe ôndômbee aNzambé ôngeenanô gôndé Muana Amôma tambô na ône aMuana ôngeenanô gôndé Téta Nzambé. Ongeenanô ti n’atsatsee.

Jean 4:21

Jésus angô mbe: Môgeto noo, ôôkô éne évovo me. Gô ndéô évigani éne énganeegadanye Téta, kaka gô môkôdie ôdôô. Kaka dôta gô Jérusalem.

Jean 4:23

Gô ndéône évigani, na yangô émani éviga, Gédidi SaNzambé géétsa oma ngudi yeneegeda Nzambé, ône aseenanôni, angô kumune amabégô mapie. Nzambé anyôngéô aneegedie apie amôneegeda nane, pati tungu.

Colosses 1:19

Gôébégô Nzambé amanyôngéô édigaa na éenanô gô ôtô aMuanedi.

Colosses 2:9

Menyani mbe Christ te ôtô ômeengéa Nzambé gôéenanô na vede gôndé angô.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 11:17

Kumu Nzambé, éwe Kumu otômue wetso Ewe ôndéké na ômabaka. We tôgôkuméda gôébégô ômayanzéda ngudiye yoo yetso Na ôndéké gôétôma tsinane.

Gétsutsuéô 14:4

Yôtô yaô disigésangané n’ageto ahmadeekeda yangô na gôndé Nzambé. Ahmakea nzéepo na Môpagee na gô tunguye yetso dimakeangô. Te ahngô ahmapanga éobouni va gatse omee gôédeekedu na gôndé Nzambé na Môpagee.

Gétsutsuéô 15:3

Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.

Gétsutsuéô 16:14

Eangô te édidi éayabédé éyanza étsutsuku. Edidie éedi étatô émakea na gôndé atômi atsinane nyetso gôékôkéga ahngô gôévanga gô ébadie éngagenyu nyoo ôvôni ôngeenanô éne éngayanza Nzambé angô Kumu angudi yetso.

Gétsutsuéô 16:7

Na vane me Jean namookô ôgi ômavovo gô gévumbéô sadigondoku mbe: Ii, Kumu Nzambé, éwe Kumu angudi yetso, ôsabômu évovo. Oeséda oma ti kuanakue.

Gétsutsuéô 19:15

Gô mônya ône atetu mbe, Ogi ANzambé, gômakusa ébaga éamengô. Na éangô angabeta tsengeye yetso. Angatôma yangô na môtunga amuahnga ôsaba na ngeba. Na angapinya miônda gô gétsanga sopisa ôbabaka aNzambé, Kumu otômue wetso.

Gétsutsuéô 4:8

Eômee énayi éne évégumani émabaka éetso na papa môtôba môtôba. Na yôtô yaô yetso te miso matévo na gô gatse na va ngongo. Eangô ésigogeke étôa émbô na pitsi n’omanda. Ematôa mbe: Amatsimamani. Amatsimamani. Amatsimamani. Te angô Nzambé Amôbô na Môbô, Kumu angudi yetso. Te ône amabakani na andékéni, na angavigani.

Gétsutsuéô 5:6

Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina.

Gétsutsuéô 7:15

T’ebandô tôena ahngô va mbene agédigaa saNzambé sokumaka. Na pitsi n’omanda ahndé gôéyanzéa Nzambé gô ebedi, vandé amuene gô gédigaa sedi sokumaka eebakanéda ahngô.

Gétsutsuéô 7:17

Gôébégô Môpaga ôndé va ngenge agédigaa sokumaka ôndéké môkeneyi aô akeda ahngô na gô gétôka sameba meetsa monyo. N’amuene Nzambé angakôbôa kebaye yetso yagô miso maô.