Gétsutsuéô 20:4 - New Testament in Mitsogo

⁴ Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.

Gétsutsuéô 20:4 ပူးပေါင်းရင်းမြစ်များ

Matthieu 19:28

Jésus amanigôa mbe: Me nanôbeenda na gô pie mbe vangadigaa me, Muana Amôma gô gédigaa sami sokumaka gô tsenge éamanza, anye nzima n’aneengi abaé nôkea n’ami nzéepo, anye dôta nôngadigaa môma na môma gô sedi gédigaa sokumaka gôétsundéda nzima na mabôta mabaé meongo éaIsraël.

Matthieu 24:10

Gô ndéô nene ayekani amabaka n’ami môtémovo anganôtôga gôndé me na Mabégô Mami. Oma angavingana na angakabana anguene n’anguene.

Marc 6:16

Vamookô Hérode nane, amavovo mbe: Te Jean‐Baptiste, ône amakitséda me môtsée, n’angô amakunduga g’ôwa.

Marc 6:27

Nyavô nyavô amatôma môgode môvo amabaka n’edi n’otômu mbe: Bongé môtsé aJean‐Baptiste. Môgode amakea na gô eba atsôgôô. Amakitsa môtsé aJean.

Marc 9:11

Vane ahmeevôa Jésus mbe: Anigôi amige ahvovo mbe mabégô mema n’egébuéaka, te Elie apanga étsigani. ?Avovo nane nayee?

LUC TSANGO EAMOSOBA EMATENDA 1:17

Amuene angaba va mbene aNzambé gédidi gévo na ngudi dipo na Elie, môpandôédine ambeego amatasa maNzambé. Angavambéda téteye na anaô. Angakoa ane akékôani aka agobedi amane manyôngéô Nzambé. Angeekéda oma gôéba kuanakue ganyôngéô Kumu Nzambé.

LUC TSANGO EAMOSOBA EMATENDA 14:14

Ti gô gényônga géngaba n’ewe gôébégô ane ayeeyi môambôe woo asangagônikédéa ta na sôma gévo. Ivô te Nzambé angagônikédéani gô nyee ôngakunduga ane amawani amayanzéa Nzambé ganyôngéô angô.

LUC TSANGO EAMOSOBA EMATENDA 22:30

Gômbe nôngaa na nônganyua va tabudé éami g’ôkumu ami. N’anye nôngadigaa gô édigaa éokumaka gôétsundéda nzima na mabôta mabaé maIsraël.

Jean 14:19

Eva na gô vipesu viandéô asi tsengene asangadôena me. Géé anye, nôngeena me. Gôndé me na monyo, tambô n’anye dôta nôngaba na monyo.

Romains 11:15

Ekegea te nane. Gô ndéône émakôngéga Nzambé Ajuif na va kôbangô, oma muetso amanikéa évambédu n’amuene. Tambô gô ndéône éngawasedu Ajuif na gôndé Nzambé ?ésangootéa ényepa gôndé oma muetso-a? Engootéa ényepa. Ane ambaka g’ôwa angaba na monyo.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

II Timothée 2:12

Okô tôsipi gô maguga, Tôngadigaa n’edi g’ôkumaka. Okô tôkini angô, Angô dôta angatôkina.

Gétsutsuéô 1:2

Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 11:11

Vangoota pitsiye ditatô dine na gébéndéké, modi ôétsa monyo ôngaviga gôndé Nzambé na ôngeengéa gôndé nzumbiye dibaé. Na ahngô angatimôga. Muetso angadenganôni angeena na angakuadima na mangongo. Gomo ôngeengéa gô mitéma miaô.

Gétsutsuéô 11:15

Na vane môsi g’ôba ône atsambué amatoongo gémbômba. Yôgi yangudi dimaviga g’ôba dimookanô. Dimavovo mbe: Otômu gôétôma tsinane nyetso ôndéké gôndé Kumu asô na ône amasevoa angô, Christ. Angatôma môbô na môbô.

Gétsutsuéô 11:3

Gôngakudégu mbangi dibaé dingapandôéda matasa maNzambé gô pitsiye dine te môtônisa na mikama mibaé na nzima môtôba yapitsi.

Gétsutsuéô 11:7

Vangamanahngô énigôa ébégôe éndé n’ahngô, Génamanyama géngakusa gô édukue éamongodi géngagenya n’ahngô, na géngayôha mbangiye.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 14:11

Sotoge géne gébisongoneda omee na môtutu wedi ôbutima môbô na môbô géemé. Nôsangadunda na pitsi n’omanda te bisongono, anye nômaneegeda Gényamanyama na gégonige sedi na nômasinga éétsô ndémbô étubéda inee éedi.

Gétsutsuéô 15:2

Vane nameena mubu ôndé na vede ga géeno n’obébayi ga soto. Nameena dôta ane amadiia gô ébadie émagenyu na Gényamanyama na gégonige sedi na ndémbône yedi. Ane ahmadiiani ahmabaka mitie va kôbangô amubu ôndé na vede ga géeno. Ahmasimbéda ngombiye dimeetsô ahngô na Nzambé.

Gétsutsuéô 17:8

Gényamanyama gegé gémadônga ivô n’atsatsee gésadôngadô. Gémakusa gô éduku éamongodi gémakea gôébungana. Asi tsinane nyetso ane ahsaba na mina maô mamatendu v’ebandô atsina n’oba gô môganda amonyo, ahngatsapéô veenahngô Gényamanyama. Gôébégô sangô gémadônga va mbeego na gémabungana na géngatsutsuga.

Gétsutsuéô 2:26

Gôndé anye nôdiia gô ébadie égenyuni, n’anye nôénda mane manyôngéô me géniké ngima ngu na vangaviga me, nanganôétsa ényanga. Te éne émeetsô me na Téta Nzambé. Nanganôétsa ényanga gôétôma tsengeye yetso. Nôngaditôma na môtunga amuahnga ôsaba na ngeba. Tsengeye dine dingapanzéga gabuéga mbéka éebôô pingô yatsesee. Nanganôétsa na mônanga ôtanani ava maageô.

Gétsutsuéô 20:6

Ti gô gényônga géndé n’anye nôndé nômatsimamédu na Nzambé nôngaba gô géômbé sane angapanga ékundugani g’ôwa. Owa amôbaé ôsaba na ngudi gôndé anye. Nôngaba asungéyi oma va mbene aNzambé gô ina aJésus‐Christ. Nôngaba n’otômu ôvô ôvôni na Christ gôétôma tsinane gô môtônisa amipuma.

Gétsutsuéô 22:5

Gôsangabadô pitsi. Oma asangabutadô gévede sadambi na sakômbéne, gôébégô amuene Kumu Nzambé angatanéda gôndé ahngô gévede sedi. Na te omeaa angatômaka môbô na môbô gékôdéé.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.

Gétsutsuéô 4:4

Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.

Gétsutsuéô 6:9

Na vane Môpaga ômapaba môkatékôe amôtayi. Nameena gévumbéô sadigondoku. Gô tsina agévumbéôge nameena édidie éane amayôhuni ameekéda Tsangô Eamôsôba éaNzambé na amadigaa na mavôma gô mane maJésus.

Gétsutsuéô 7:3

Angô mbe: Nôvenga vita. Nômbiapanza tsinane na mbéye n’eetétée, tôpanga éémba ndémbô gô panza yayanzi aNzambé asô.