Gétsutsuéô 20:2 - New Testament in Mitsogo

² Môsi g’ôba amatsôpa Gényogonyogoge géne gémabaka bandôa v’ebandô, sangô te ône eendô mbe yabédé na Satan. Angô amakatô na pangane gôédigaa na yangô môtônisa amipuma.

Gétsutsuéô 20:2 ပူးပေါင်းရင်းမြစ်များ

Matthieu 19:29

Menyani mbe muetso ane atsika yeba yaô, n’anayaô, na tétee yaô na iyee yaô, n’anaô, na tsaga yaô, atsika yangô gô inami angootéa édiia gô mbene. Gô éôma éetso ématsikangô, gô gévo angakôndégu môkama, môkama. Na dôta angaba na monyo ôsakôdéakani.

Matthieu 8:29

Amôgôôe ane amaadôngana mbe: ?Ewe Muana ANzambé ôbé nayee n’asô? ?Tambô ôvigi gôésiséda we ndéône madeo ésibuéa‐a?

Marc 4:15

Avo oma agono na toto éagô kôbangô anzéa émaaga mibiemie. Vookô ahngô mabégôme, tsina na tsina Satan aviga gôéwata mangô gô mitéma miaô.

Marc 5:7

Amavovo n’ogi agô ngongo mbe: ?Obé nayee n’ami, éwe Jésus Muana ANzambé ône amôbô na môbô? Nagôgondo ti na kokoo gô ina aNzambé, ôneetsa me tsôgôô.

Jean 12:31

Ndéône éetsundéda asi tsengene ébuéyi. Ndéône éepatsa kumu atsenge nedué ébuéyi.

Jean 16:11

Angamenyeda oma ébégô éamôtsundu aNzambé gôébégô môtômi atsenge nedué amani éesédu.

Romains 16:20

Tôsabômu mbe amuene Nzambé, môétsi agétabé, n’atsatsee angayetéda Satan gô makôdô manyô gôémôniga. Te mbe mate maKumu éasô nanyô Jésus mabaké gôndé anye.

Hébreux 2:14

Ane atetu n’edi mbe: Anami, te oma ava tsina ahndé na yôtô na nzina. T’ebandô amuene Jésus amakoga gôéba na ôtô amôma. Jésus ameenda nane gômbe angawa na ôtô edi amôma gôébunza yabédé, ône andé na ngudi yowa.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

II Pierre 2:4

Aanakani geenda Nzambé. Buéyé asi g’ôba, ayanzi aNzambé vameendahngô ébégô ébévani Nzambé asiene ahngô ngeba. Ivô amadigunya midikidiki gô mbenge yevitsi gôkeneo angô ngu na nyaa amôtsundu.

Jude 1:6

Bangôani dôta gameenda asi g’ôba ayanzi aNzambé. Avo asinyôngéô ényangee égege émeetsô angô. Amanôtôga gô gédigaage saô. Nzambé akenea angô gô tungu éevitsi éabangata édagani. Andé wangô katôgô môbô na môbô. Eenea nyaa ôvôni ôngatsundédu angô na Nzambé.

Gétsutsuéô 12:13

Vamamenya Gényogonyogo mbe: Namapatsô na gô tsina, amayunza môgetone amabôta muanamômôgôô.

Gétsutsuéô 12:15

Vane Gényogonyogo gémakuséda meba gô mônyedi ga mbéyi, na mangô mamaanda môgeto nône gôémôtsôpa na gôémômina.

Gétsutsuéô 12:17

Sangô gémakambôga gômawatô sangô môgetone na gémakea gôégenya n’anedi amasanéani, te ane agobeda mitôma na mige miaNzambé na ahsanzeegeda mabégô mapie mamatubédu ahngô na Jésus.

Gétsutsuéô 12:3

Gévo gémbégéa gématsiga g’ôba. Te Gényogonyogo gémabaka na tsoo. Na gémabaka na miôtsé tsambué na nzimepo éatséba. Gô môtsé na môtsé émaata gépôkôdô sokumaka.

Gétsutsuéô 12:4

Na môkôndôe wedi ômakaka ôkabô aminanga gôéminôtôa g’ôba. Gô minanga mitatô ômanôtôa ôvo. Amamigunya na gô tsina. Amatema va kôbangô amôgetone amabaka gôébôtani gôéenea muanee gôémôaa.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 13:2

Gényamanyama géne gémagono na nzego. Na makôdô medi te ga mane manyama ééndô mbe ours. Mônya edi te ga ône agémbugu. Gényogonyogo gémeetsa ngudi yedi, na gédigaa sedi sokumaka na ényangee éedi na gôndé Gényamanyamage géne.

Gétsutsuéô 13:4

Oma muetso amaneegeda Gényogonyogoge gômeetsa sangô ényangee éedi na gôndé Gényamanyama. Ahmaneegeda dôta na Gényamanyama. Oma ameevôa mbe: ?One agono na Gényamanyamage indaa¿ One angagenya n’edi indaa?

Gétsutsuéô 20:10

Vane yabédé, Môbômédine waô angagunyu na gô mungu asoto gôkusa mbônga ébévani éangôté éndé na tsokida. Wangô angadenga Gényamanyama na môékédine adiboe ahndé gôéenéa angô. Angô atatô angabisongono na pitsi n’omanda môbô na môbô gékôdéé.

Gétsutsuéô 20:7

Vangoota môtônisa amipuma, Satan angakusédu gô tsôgôône émeengédu angô.

Gétsutsuéô 9:11

Môtômine waô te môsi éduku éamongodi. Inedi g’ôgi aHébreu te Abaddon. Na g’ôgi aGrec te Apollyon.