Gétsutsuéô 20:10 - New Testament in Mitsogo

¹⁰ Vane yabédé, Môbômédine waô angagunyu na gô mungu asoto gôkusa mbônga ébévani éangôté éndé na tsokida. Wangô angadenga Gényamanyama na môékédine adiboe ahndé gôéenéa angô. Angô atatô angabisongono na pitsi n’omanda môbô na môbô gékôdéé.

Gétsutsuéô 20:10 ပူးပေါင်းရင်းမြစ်များ

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 25:46

Asi géeyo gégeto angakedu na gô soto géseemakani. Géé asi géeyo gémôgôô angeengéa na gô monyo ôsakôdéakani.

Matthieu 7:15

Wemai gôndé eekédi adiboe. Aviga na va gatse anyô ga mandombo, tambô gô mitéma miaô te ga nzego.

Marc 9:44

Gône te gôndé misôbô miaaka ôtô misawakani na sotoge géseemakani.]

Gétsutsuéô 16:13

Nameena édidie étatô ébévani émagono na mônyaa émakusa gévo gévo gô mônya aGényogonyogo na gô mônya aGényamanyama na gô mônya amôékédi adiboe.

Gétsutsuéô 19:20

Gényamanyamage gématsôpu. Na môékédi adiboe dôta, ône amayanza étsutsuku va miso maGényamanyamage, ahmatsopu (Bangôani mbe te gô étsutsukue éedi amabôméda omee amasinga éetsô ndémbone éaGényamanyamage na amaneegeda gégoni sedi.) Gényamanyamage na môékédine adiboe amagungyu adônga na gô mungu asoto gôkusa mbônga éangôté éndé na tsokida.

Gétsutsuéô 20:8

Angakea gôébôméda asi tsenge yetso yava tsina, ane angeendô mbe Gog na Magog. Satan angakôkanganéda ahngô muetso gôégenya ébadi. Angayeka gayeka misige miagô kôbango amubu.

Gétsutsuéô 9:17

Evo ébégô émeena me Jean te nandé nani gébé gô vio. Namatubédu na Nzambé ébégô éanyamaye n’omee ahmadigaa gô yangô. Ahmaata ngoyiye yamianga. Dipo dimabaka na tsoo ga soto, dipo na bôbé ga étaé ééndô mbe saphir, na dipo dôta ga ôtsakadi gandé sôma gééndô mbe soufre. Miôtsé miachevaleye mimagono na miôtsé miembungu. Gô miônya miaô gômakusa soto, na môtutu agémbôngambônga gébévani génôtôa môma modi.