Gétsutsuéô 2:9 - New Testament in Mitsogo

⁹ Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.

Gétsutsuéô 2:9 ပူးပေါင်းရင်းမြစ်များ

Matthieu 4:10

Vane Jésus amamônikéda mbe: Satan, nôtôga vane. Matendeo MaNzambé matôbeenda mbe: Neegeda Kumu Nzambé éoo na ôyanzéa te angô môtévo.

LUC TSANGO EAMOSOBA EMATENDA 12:21

Jésus amanigôa mbe: Endé te nane. Gôndé amuene môma andé gékiti, ivô va miso maNzambé andé ti môsuga.

LUC TSANGO EAMOSOBA EMATENDA 22:65

Na amamôtoko pingô yamatoki.

LUC TSANGO EAMOSOBA EMATENDA 4:18

Gédidi SaKumu Nzambé géndéké gôndé me. Amasevôa me gôétsua Tsangône yedi Eamôsôba na gôndé misuga. Amatôma me gôédôngéda mitéma mindé gô panda. Amatôma me gôénigôa géobogeo sedi na gôndé asi tsôgôô. Amatôma me gôépôéda miso masi pogu, ôbiia. Amatôma me gôénzeegeda ane andé gô tsina otômu akumu édagani.

LUC TSANGO EAMOSOBA EMATENDA 6:20

Jésus amabono aneengie edi na amavovo n’ahngô mbe: Ti gô gényônga géndé n’anye nôndé gébé na sôma. Okumu aNzambé ôndé gôndé anye.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Mayanzame 26:11

Kuka yetso namakuana ahngô gô yeba yetso yewanyéô. Namatubéda ahngô panda buta mbe eenza Jésus gôémôtôna na anôtôga gô nzéane éadi. Opisa ômeena me ahngô ômakeda me na gô mivo misenge miogenda gôéahkuana.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 2:17

Ivô me navovo n’ewe ôakuméda mbe: Me Môjuif. Môtémoo wetso ôndé gôékenea migemie ga meba magô ôvéé. Na ônyemôga gô Nzambéne éoo.

Romains 5:3

Na va ngongone vane, tôtsôkékéni buéyé gô magugame masô n’anyô. Gôébégô tôsabômu mbe maguga meena wa n’anyô matsigéda gô mitéma miasô n’anyô ôbibo na môvinéné.

Romains 8:35

?Ene éngaaganédana wa n’anyô n’etondo na ngeba yaChrist éndé? ?Te maguga? ?Te mindôngamie? ?Vo gékuanôge? ?Vo nzaa? ?Vo ôsuga? ?Vo mabégô madagani? ?Vo ôwa? Mabégô mema masangoongôa étôaaganédana n’etondo éaChrist.

Romains 9:6

Tsangoongôa évovo mbe ôvangee ômavanga Nzambé ôsibôngamé. Menyani mbe muetso amabôtu gô mbumu éaIsraël, kaka muetso eenanô na Nzambé mbe ana aIsraël.

II Corinthiens 6:10

Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.

II Corinthiens 8:2

Asi mbumu éaNzambé gô Macédoine amakanégu na maguga mameenahngô. Ivô gô tsina amaguga maô andé na gényônga gévôni, na ahkaba éne éaô éetso gébé na guma, buéyé mbe gandé ahngô misuga.

II Corinthiens 8:9

Anye nôsabômu éne émeetsô wa n’anyô na Kumu Jésus‐Christ ôbiia. Amabaka gékiti. Amakoga môsuga te mbe wa n’anyô tôkoga ékiti.

1 Thessaloniciens 3:4

Bangôani mbe vamaba me nagébaka n’anye, nameevéda anye mbe: Nôngeena gékuanô. Na te éne éeni anye. Anyene nôsabômu.

I Timothée 1:13

Eenda nane buéyé mbe namamôkékôa v’ebandô na namamôkuana na namamôenza. Ivô Nzambé ameena me ti ngeba gôébégô metso mane namamayanza g’ôdungé tsimenye. Namabaka na paga tsiitséké môtémee gô mabégô medi mapie.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 2:2

Angô mbe: Me tsabômu metso mane mameendanye. Tsabômu dôta gamatsogo anye na ngudi gôéyanza na môvinéné ôndé n’anye. Na gô pie, nôsasinga ane abévani aba va gatse anyô. Nômakanéga ane avovo mbe: Me te namatômu na Christ, géé na gô pie, géé kaka na gô pie anye nômeena. Vane nômamenya mbe te asi diboe.

Gétsutsuéô 2:24

Géé gôndé anye avo asi mbumu éaNzambé gô Thyatire, nôsigésangané gô meekédume mane mabévani. Na anye dôta nôsisingé gôétubédu mane meenda oma mbe: Evétô éviga gôndé Satan. Gôndé anye, me tsanôkôndéga mabégô mayekani, kabaga nôdagéô na mangô ga égumba étsuaôni.

Gétsutsuéô 3:9

Oôkôni éne éngeenda me ane andé aneegedi aSatan. Ahngô apatie eenda mbe: We te Ajuif, tambô kaka Ajuif. Nangatsôpa ahngô nakudéga ahngô gôésiba mabongome va mbene anyô gôénôneegeda. Ahkinéyee. Gô éne ahngeena gootéa me ényôngéô anye.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.