Gétsutsuéô 2:7 - New Testament in Mitsogo

⁷ Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.

Gétsutsuéô 2:7 ပူးပေါင်းရင်းမြစ်များ

Matthieu 11:15

One andé na matô ka te ookôkô‐ma.

Matthieu 13:43

Ivô agobedi aNzambé, angaba n’obébayi ga kômbéne g’ôkumu aTétaô. One andé na matô, ka te ookôkô‐ma.

Matthieu 13:9

Vamamana Jésus égunya tsava nedué, angô mbe: One andé na matô, ka te ookôkô‐ma.

Marc 4:9

Vamamana Jésus égunya tsava nedué, angô mbe: Anye nôndé na matô gôeôkô, ka te nôôkôkô‐ma.

Marc 7:15

Eetso éne éengéa gôndé môma ésamôkoa asigôgéni. Ivô éne ékusa gô môtéma amôma te éne ékoa angô aka môbévani. [

Marc 7:16

Okô mbe gôndé môma na matô gôéôkô, ka te ookôkô‐ma.]

LUC TSANGO EAMOSOBA EMATENDA 23:43

Jésus amaabéa angô mbe: Me nagôbeenda na gô pie mbe deo noo ôngaba n’ami g’ôba gô gédigaa samôsôba gékea me.

LUC TSANGO EAMOSOBA EMATENDA 8:8

Mivo mibie mimaaga gô toto éamôsôba. Mimakanda na mimabôta ga kaka miagétabé. Vamamana Jésus égunya tsavane, angô mbe: Anye nôndé na matô gôéôkô, ka te nôôkôkô-ma.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

I Corinthiens 2:10

Tambô, Nzambé gô ngudi yaGédidi sedi amatsutsuéa wa n’anyô ébégôe éedi ésinigôganéôni. Endé te nane. Gédidi SaNzambé te sangô gétoonegeda buéyé matasa maNzambé masimenyanganôni.

II Corinthiens 12:4

Gô ngongo g’ôba gône gôdigaa Nzambé, mômôgôô nône amookô mabégô masiôngôé angô énigôa. Gôndé môma gôénigôa mangô‐môge.

I Jean 2:13

Nanôtendéa anye tétee gôébégô nôsabômu ône amapanga v’ebandô. Nanôtendéa anye minzambu gôébégô nômadiia gô ébadie émagenyanye n’one môbévani.

Gétsutsuéô 13:9

Oôkôni na vede édué. Okô mbe nôndé na matô gôéôkô ka te nôôkôkô, ma.

Gétsutsuéô 14:13

Vane me Jean namookô ôgi ômaviga g’ôba ômatôma me mbe: Tendaka édué. Na ômavovo mbe: Gényônga gôndé ane ahwa pitsi yedi gô éyanza éaKumu. Gédidi SaNzambé gémaabéa mbe: Ii, te na gô pie. Angadunda gô éyanzee éaô édagani. Na mane maô mamisôba mangakea n’ahngô géômbé.

Gétsutsuéô 15:2

Vane nameena mubu ôndé na vede ga géeno n’obébayi ga soto. Nameena dôta ane amadiia gô ébadie émagenyu na Gényamanyama na gégonige sedi na ndémbône yedi. Ane ahmadiiani ahmabaka mitie va kôbangô amubu ôndé na vede ga géeno. Ahmasimbéda ngombiye dimeetsô ahngô na Nzambé.

Gétsutsuéô 2:11

Okô mbe anye nôndé na matô, ôôkôni môma na môma mane mavovo Gédidi SaNzambé na anye, asi mbumu éaNzambé. Angô mbe: Ane adiiani gô ébadi égenyuni asangawa ôwa amôbaé.

Gétsutsuéô 2:17

Okô mbe anye nôndé na matô ôôkôni môma na môma mane mavovo Gédidi SaNzambé na anye asi mbumu éaNzambé. Angô mbe: Gôndé ane adiiani gô ébadi égenyuni nangeetsa ahngô môyakô ôviga g’ôba ôsamenya muetso. Nangeetsa ahngô dôta étaé éavembo ématendu ina éatsatsee ésamenya muene môma buétsé te kumue éangô.

Gétsutsuéô 21:7

One amadiiani gô ébadi émagenyuni angadiia gôndé me ébégô édué. Me te Nzambé edi, angô dôta te muanami amôtéma.

Gétsutsuéô 22:14

Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge.

Gétsutsuéô 22:17

Gédidi SaNzambé na muéba ômabaaôni, ahbambéa mbe: Vigaka. Na ône ôôkôni eenda mbe: Vigaka. Na ône ôôkô sôé avigéké, avinyua meba meetsa monyo mangeetsô angô géenza.

Gétsutsuéô 22:2

Mbéne éôta va gatse éanzéane éamôsenge. Va kôbangô ambéne na gésa na gésa te géétété géétsa monyo gébôta miônda miedi gô géma gévo nzima akuka na kuka dibaé. Gébôta gô ngonde na ngonde kukepo. Na yabi yedi te mbôga édôngéda asi tsengeye yetso.