Gétsutsuéô 2:3 - New Testament in Mitsogo

³ Anye nôndé n’obibô gôéenea mane mangavigani. Gô mabégô mami nômeena maguga na nômasipa.

Gétsutsuéô 2:3 ပူးပေါင်းရင်းမြစ်များ

Marc 15:21

Vamakeahngô ahmawanya na mômôgôô inedi Simon, amaviga gô tsagedi. Simon nene amabaka môsi tsenge étetu mbe Cyrène. Angô tétene aAlexandre na Rufus. Vamadengahngô Simon gô nzéa, migodemie ahmamôtindéga gôétsua gésumuge géngayôhu Jésus.

LUC TSANGO EAMOSOBA EMATENDA 14:27

One asatsua gésumuge sedi sowa na asakea nzéepo n’ami, angô asangatetu mbe môneengi ami.

LUC TSANGO EAMOSOBA EMATENDA 18:1

Jésus amanyôngéô éékéda aneengie mbe aba na môvinéné gô disambô mbe kabaga adeeda. Amagunya ahngô tsava mbe:

LUC TSANGO EAMOSOBA EMATENDA 21:19

Sipani gô mabégô mami. Nôngadiia monyoe wanyô te gô mangô.

LUC TSANGO EAMOSOBA EMATENDA 5:5

Simon amanônigôa mbe: Kumu, menya mbe we tôyanzi pitsine nyetso géyôhé nyama ta n’epo. Ivô g’ôgie woo, nangeenda gatômi éwe.

LUC TSANGO EAMOSOBA EMATENDA 8:15

Mine mimaaga gô totone éamôsôba te ane ookô Mabégô MaNzambé na ahmakuya gô mitéma miaô miamisôba na mimavômani. Ahngô aka oma obibo na mitéma miaô mikuséda ésima éamisôba.

Jean 15:21

Metso mangeenda oma anye, anôénda mangô gôébégô nôndé omami. Gôébégô ahngô asamenya éneegeda ône amatôma me.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 16:12

Kômbôani Tryphène na Tryphose ayanzi aKumu na dôta wee ami Perside, ône asagogo gôéyanzéa Kumu.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 8:25

Ivô vatôténdéda éne ésatôenani, tôenéa éangô na môvinéné.

I Corinthiens 13:7

Okô ôndé n’etondo éaNzambé gô môtémoo ôsangadagéô gôésingéa môkoo kokoo. Na ôsangatsuma môkoo paga gôémôénda mbe: Ewe môpati. Na étondoe éangô étôétsa môténdéda na ôbibô.

I Corinthiens 16:16

Nanôtôma, anee aTéta mbe nôgobeda ahngô na nôyanza éyanzevo n’ahnyô na muetso ane ahgono n’ahngô.

II Corinthiens 10:15

Me tsabuta ôséngu gô mane mamayanza akasô va gatse anyô. Me nanyôngéô mbe anye gô meekédu mameetsanye mitémamie nôngawesea gô mbene na gô mbene gôémenya mane maNzambé. Na mbe nangoomba éba n’eyanza évôni va gatse anyô ganyôngéô Nzambé. Gôébégô Nzambé eetsa môma na môma môkabô atsaga éngayanzangô gékôndé na gô éne éamôkedi.

II Corinthiens 11:23

?Ahngô te ayanzi aNzambé‐a? Oôkôni édué, navovo ga môma amadinga g’ôtsôga. Me nootéa ahngô gôéyanzéa Nzambé. Namootéa éyanza n’ahngô asiyanzé. Kuka yetso namabaka gô eba atsôgôô gôékéda me mabégô maNzambé, n’ahngô asiengé. Namabômôu kuka yetso, n’ahngô asibômôu. Kuka diyekani namavétsu n’owa, n’ahngô asivétsu n’owa.

II Corinthiens 4:1

Te amuene Nzambé asaba na ninga, ameetsa we eekédi éyanzee éndé n’asô. T’ebandô mitéma miasô misanika gévii.

II Corinthiens 4:16

T’ebandô tôsagogo. Buéyé mbe yôtô yasô ditsogedu na dibandôa ésega, ivô édidie éasô ékôndégu ngudi na monyo, énya n’enya.

II Corinthiens 5:9

Tônôtôgéyee, tôsanôtôgéyee gô yôtô yedi, tônyôngéô éénda éne ényôngéô amuene Kumu Jésus.

II Corinthiens 6:5

Tômabitô na mibitô na tômeengédu na gô eba atsôgôô. Oma amatuba n’asô misoso miagébé n’ebandô. Tômayanzédu tsôgôô we gébé n’oési. Oma asienede we éso avio, na asiitsé we môyakô amookedu we nzaa.

Galatie 6:2

Wedanéani anyene n’anyene gô mane maditéô anye. Okô nôéndi nane nôgobeda éne émavovo Christ.

Galatie 6:9

Va tôénda mane mamisôba tômbiavovo mbe: Tôgogi. Ogani enyepanéô ômbiatsika éoko madi na tsingô. Gôébégô mbe ôkô tôbé na môvinéné tôngadiia mamisôba vangabuéa ndéône.

Philippiens 2:16

Nôtana te vatsuéanye asi tsengene Tsangô éamonyo apie. Okô nôéndi nane, nanganyemôga na gényônga gôndé anye gô nyaa ôngaviga Jésus‐Christ. Na vane nangamenya mbe gô tsaéne ékea me pita pitsi yedi tsikea bobo. Eyanzee éami éndé na tsoongo.

Philippiens 4:3

N’ewe môsi éyanzevo n’ami ôsiaagané n’ami gô éyanzee. Wedéa kadi yoo yagô mbumu éaNambé gôébégô ahmagenya ébadi évo n’ami gôétsanzabanéda Tsangô Eamôsôba. Na Clement te mônongovo, n’avo ayekani amayanza n’ami. Mina maô mandéké mamatendu gô môganda amonyo.

Colosses 1:11

We tôduka Nzambé mbe nôsipédu na noodedu na ngudi yedi dipôni dindé n’ondômba. Buta mbe nôbibéda na gényônga géniké ngima gô minongo mietso.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

1 Thessaloniciens 2:9

Ana aTéta, nôsoongôa ééba gamayanza we ti v’ekôdéô éegogo évôni. Tômayanza na pitsi n’omanda kabaga we tôba ga égumba gôékeneo n’anyô gô ndéône émabaka we gôénôékéda Tsangô Eamôsoba émeetsô we na Nzambé.

1 Thessaloniciens 5:12

Ana aTétee asi mbumu éaNzambé, tônôongô mbe: Tubédani égoba gôndé ane ayanza va gatse anyô. Kumu Nzambé amasevoa ahngô gôéékéda anye na gôétévéda anye nzéa.

II Thessaloniciens 3:13

Géé gôndé anye ana aTéta asi mbumu éaNzambé, nômbiagogo nôndé gôéénda mane manyô mamisôba.

II Thessaloniciens 3:5

Tônyôngéô mbe Kumu Jésus aweseda mitéma mianyô gôévamba na vitoo na Nzambé. Na mbe ayuéséda mitéma mianyô n’obibô ôviga gôndé amuene Christ.

II Thessaloniciens 3:8

We tôsibone miso masô gôndé môma mbe abôngôa we géenza, ivô tômagogo n’eyanza gôédiia éne édôngéda ôtô. Tômayanza na pitsi n’omanda buta mbe tôsaba ga égumba éngadagéô anye.

I Timothée 4:10

Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

I Timothée 5:17

Gôndé peeye atôma mbumu éaNzambé n’ekenge, andé kuanakue gôévanô kuka dibaé. Eôtéa gôndé ane asadunda énigôa mabégô metso maNzambé na éékéda.

Hébreux 10:36

Buedi mbe nôyanza na mavôma mane manyôngéô Nzambé. Vane nôngadiia éne émavanga angô gôndé anye.

Hébreux 12:1

Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni.

Hébreux 13:13

Tambô ôkani tôkedenga angô gô kôbangô amôsenge, gôésindéa ékeengie émakeengu angô.

Hébreux 6:10

Nzambé asoongôa épenganéda tsembô yedi na ôséngu edi. Andé n’oséngu gô éne éyanzanye, na gô ényônganéô éndé n’anye gôéwedéa asi mbumu éedi gô inedi ngu na deo noo.

Hébreux 6:12

We tôsanyôngéô mbe anye nôkoga gôédigaa n’ombuéa gô monyoe wanyô. Tônyôngéô mbe anye nôba na môvinéné gôétsa mitéma mianyô gébé na paga mônongovo gameenda akanyô ane amoota gô mbene. Ahngô amadiia éne émavanga Nzambé gôndé ahngô.

Hébreux 6:15

Abraham amabaka na môvinéné gôéenéa ôvangee ômavangéô angô na Nzambé. Na amoodiia.

II Pierre 1:6

Gô éodoe éne kôndégani gôébangôa mane mamisôba. Gô gébangôéôge géne kôndégani gôékina manyima mabévani. Gô gékinéôge géne kôndégani ôbibô. Va ngongo obibôe kôndégani gôénanama na ngaa na Nzambé.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.