Gétsutsuéô 2:18 - New Testament in Mitsogo

¹⁸ Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Thyatire. Oôkôni ndongi divovo Jésus Muana ANzambé, ône andé na miso moobébayi ga soto. Na makôdô medi mandé na ngeengeyi ga kunga émakônzuni.

Gétsutsuéô 2:18 ပူးပေါင်းရင်းမြစ်များ

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Matthieu 27:54

Môsi Rome, môtômi amigode, na migode miedi mimabaka gôéwema Jésus, ameena gamatatéa tsinane na mavo mabégô mamabuéani. Ahmookô gomo. Ahmavovo mbe: Na gô pie, ôdôô te ti Muana ANzambé.

Matthieu 3:17

Ogi ômookanô ôvovo g’ôba mbe: Odôô te muanami amôtôma amiso. Me namônyôngéô na nzoo na gô môtéma.

LUC TSANGO EAMOSOBA EMATENDA 1:35

Môsi g’ôba amamôaabéa mbe: Gédidi SaNzambé géngaviga na gôndé éwe na ngudi yaNzambé dingapika éwe ga ôbôngé. T’ebandô muanee angabôtewe angatetu mbe, One amatômu na Nzambé, na dota Muana ANzambé.

Jean 1:14

Ogi ômakoga môma. Angô kumu amabégô mapie, amanyônganéô na Tétedi vamadigaangô va tsina va gatse awa n’anyô. Tômeena ôbébayi wetso ondômbee wedi, te ône ookumakee ômeetsô angô na tétedi, angô Muana ekika.

Jean 1:49

Vane Nathanaël amamômekeda mbe: Môékédi, éwe te Muana ANzambé. Ewe te môtômine eongo éaIsraël.

Jean 10:36

Tambô na me, Nzambé amasevôa me na amatôma me na gô tsina. ?Nayee nôénda me mbe neenza Nzambé? ?Te gôpandôédi me mbe me te Muana ANzambé-a?

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 3:18

One eetsa Muana ANzambé môtémedi wetso aseetsô ôési. Ivô ône aseetsa Muana ANzambé môtémedi wetso amani éétso ôési te gôtsumangô mane maMuana ekika ANzambé paga.

Jean 5:25

Me nanôbeenda na gô pie mbe: Gô ndéô évigani, na émani ébuéa, ane amawani angookô ôgie aMuana ANzambé. Ane angookôni, angaba na monyo.

Mayanzame 16:14

Va gatse aô tômadenga môgeto môvo inedi Lydie. Angô te môsi mbôka ééndô mbe Thyatire. Na angô te môyôkô amikanda miatsoo miosunu ôvôni. Amaneegedaka Kumu Nzambé. Amookô mane mamavovo we eekédie. Gédidi SaNzambé gémamôkukua môtémee gôévotanganô mane mamavovo Paul.

Mayanzame 8:36

Vamakeahngô anigôana gô nzéa ahmabuéa va mebame. Môsi Ethiopie amatubéda Philippe mbe: ?Oeni gévondoge? ?Ene édékéda me gôéétsô bateme éndé? [

Romains 1:4

Ivô gôndé Gédidi SaNzambé, tétedi te Nzambé. Vamakundugangô va gatse ane amawani, ngudi yaTétedi dimatubéda mbe Jésus te Muana ANzambé.

Romains 8:32

Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 2:1

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Ephèse. One asumbéda minanga tsambué g’ôgogo edi ômôgôô te angô aseta va gatse evumbéô tsambué éadambi émakônzu na dodo. Oôkéôni éne évovo angô.

Gétsutsuéô 2:24

Géé gôndé anye avo asi mbumu éaNzambé gô Thyatire, nôsigésangané gô meekédume mane mabévani. Na anye dôta nôsisingé gôétubédu mane meenda oma mbe: Evétô éviga gôndé Satan. Gôndé anye, me tsanôkôndéga mabégô mayekani, kabaga nôdagéô na mangô ga égumba étsuaôni.