Gétsutsuéô 2:14 - New Testament in Mitsogo

¹⁴ Béyé mbe nane, nôndé n’ebégô ésanyôngéô me. Va gatse anyô gôndéké avo anyôngéô meekédume maBalaam. Angô Balaam ameekéda dôta Balak gôéengéda asi Israël gô monongoe wedi ôbévani mbe ayeeséda ahngô éambô émadeekedu gô mbumba na gôéyanza gésaahgô.

Gétsutsuéô 2:14 ပူးပေါင်းရင်းမြစ်များ

Matthieu 18:7

Gôndéké va tsina éva mane mabôméda môma gôéyanza mane masanyôngéô Nzambé. Tsina nedué édaga te gô mangô. Mabômiame mandé mayekani na masakôdéaka. Ivô ti gô maguga mandé na ône abôméda môkedi.

Mayanzame 15:29

Nômbiaa môyakô ômadeekedu na gôndé mbumba. Nômbiaa nzina yanyama. Nômbiaa nyama ésivôvé nzina. Nômbiakea gô minongo mietso miagésasô. Kumbani mabégô mema buta mbe nôkea gô mbene na gô mbene. We tônôéva. We tôkôdéyi te na vane.

Mayanzame 21:25

Gôndé asi mbumu éaNzambé, ane asaba Ajuif ébégôe ésadaga. Tômani étendéa ahngô gésangô mbe: Nômbiaa nyama émadeekedu na gôndé mbumba yegoni. Nômbiaa nzina na nyama disivôvéni. Nômbiakea gô minongo mietso miagésasô.

Romains 11:9

Tétee éasô David amavovo mbe: Enbaga mbe môyakôe waô ôngakoga ôka pagô na étambô gômbe angakuba na angeetsô tsôgôô.

Romains 14:13

Tôtsikéni eesédana wa n’anyôene na wa n’anyôene. Buedi gôévanga mbe: Me tsangeenda ébégô éngapôngéda môkasô na éngakuéséda angô gô mane masanyôngéô Nzambé.

Romains 14:21

Ene éôtéa éamôsôba gôndé éwe, te mbe ôkina éaa nyama na ôkina ényua maduku na ôkina éetso éngoongôa ékuéséda muana aTétee n’oo na kabaga akuéa gékôba gôénika na gô ngima.

Romains 9:32

?Gôndé? Gôébégô ahsimenye éwesea na gôndé Nzambé gôémôétsa mitéma miaô gébé na buétsé. Ahmakanéga éanyepeda anguene va mbene aNzambé gô mayanzame. Amooka ébaku étaé épôngéda oma. Te gatônigôu na Matendeo MaNzambé mbe:

I Corinthiens 1:23

Géé wa n’anyô tônigôa mbe: Christ amakomedu va gésumu sowa. Tsangô nene te éatsoyi ékuéséda Ajuif na te tsangô éatsôga gôndé ane asaba gô éongo éAjuif.

I Corinthiens 7:2

Ivô kabaga mômôgôô aba na gésima sekea gésasô buedi mbe mômôgôô muetso abaké na môgayedi na môgeto muetso abaké na mômiedi.

Hébreux 13:4

Buedi mbe yômba digobedu na muetso. Na buedi mbe môgadi na mômé abaké n’etondo anguene n’anguene. Nzambé angeeséda asi ôkuanda na asi gésasô.

I Pierre 2:8

Matendeo MaNzambé matônigôa mbe: Etaé éne émakoga éka éôkana mabaku. Na éka ôbobo ônikanédana mangimangima. Angô ôpôngéda muetso asookéô ndongi yaNzambé. Te gamavanga Nzambé mbe éngaba te nane gôndé ane asookôni.

II Pierre 2:15

Amanôtôga gô nzéa éetsimama. Ahmaanda nzéane émakea Balaam, muana aBosor, ône amanyôngéô ôkiti ôngadiiangô gô mayanza medi mabévani.

Jude 1:11

Odoku aNzambé ôndéké gôndé ahngô. Amani ésevoa nzéane émakea Caïn. Gameenda Balaam dôta g’ônzôô okitii, ameedeekeda anguene mane mapengana na matasa maNzambé. Agono dôta na Coré. Na angawa gô gékékôéô saô gamawa Coré.

Gétsutsuéô 2:20

Béyé mbe nane, nôndé n’ebégô ésanyôngéô me. Ebégôe te édué. Anye nôsinga gôédigaa na môgeto nône eendô mbe Jézabel, va gatse anyô. Angô apata mbe: Me namatômu na Nzambé gôéékéda. Angô abôméda ayanzi ami nzéane te gô gésasô na gô éambô ékusa gô ésôga.

Gétsutsuéô 2:4

Ivô béyé nane nôndé na ébégô ébévani ésasinga me. Anye nôsanyôngéô medô gamabakanye v’ebandô.

Gétsutsuéô 21:8

Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.

Gétsutsuéô 22:15

Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.