Gétsutsuéô 19:11 - New Testament in Mitsogo

¹¹ Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.

Gétsutsuéô 19:11 ပူးပေါင်းရင်းမြစ်များ

Jean 1:51

Jésus amoomba énigôa mbe: Nôngeena ôba ôkukuga. Asi g’ôba angavigédu na Nzambé, angabata na angasuma vandé me, Muana Amôma.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 11:19

Eba aNzambé g’ôba ômakukuu. Gégaa géenanô wangô te gémbégéa sevamba éaNzambé n’oma. Mikadikadi mimakadima na nzongodi. Midumu mimaduma. Na tsinane ématatéa. Na mataa mamaaga mayekani.

Gétsutsuéô 19:19

Nameena Gényamanyama na atômi atsengeye yetso yava tsina na migode miaô ahmakôkangana tungu épo gôégenya ébadi n’one andé digaa gô chevalene éavembo na géômbé sedi samigode.

Gétsutsuéô 19:21

Akaô muetso ahmayôhu na ébaga émakusa gô mônya one andé digaa gô chevale. Nyoeye yetso dimanguta gômaa yangô nzumbuye.

Gétsutsuéô 3:14

Ogi ômatôma me Jean mbe: Tendéa ndongi yedi na gondé môsi g’ôba avigédu na Nzambé gôékenea asi mbumu éedi gô mbôkane ééndô mbe Laodicée. Oôkéôni ndongiye divovo ône angayusuméda mbe: Amen. Angô mbangi éamavôma ésapatakani. Te angô mapangame mametso mamavanga Nzambé.

Gétsutsuéô 3:7

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Philadelphie. Oôkéôni ndongiye divovo ône andé Amatsimamani, te angô Kumu amabégô metso mapie. Na angô te asumbéda môsapie aDavid môtômi atsenge. Angô Amatsimamani akukua na gôsaba môma angôôkukégani. Angô abandéka na gôsaba môma angôôkukégani.

Gétsutsuéô 4:1

Oô te me Jean navovoni. Nanigôa na mavo mabégô mamatubédu me na Nzambé te nandé nani gébé gô vio. Nameena ôkuké ag’ôba ômakukuuni. Namoomba éôkô ôgie ômatongo ga gémbômba te ône ômookô me v’ebandô. Angô mbe: Bata n’eva. Nangagôtubéda mane mangabuéani va mbene éene.

Gétsutsuéô 6:2

Me Jean namabono. Nameena nyama étsua môma ééndô mbe cheval. Chevale nene te éavembo. One amabaka digaa gô yangô amasumbéda gééta. Ameetsô gépôkôdô sokumaka. Amabaka amadiia gô ébadie émagenyuni na amoomba ékea gôéomba édiia.