Gétsutsuéô 18:3 - New Testament in Mitsogo

³ Gôébégô amanyuéséda asi tsengeye yetso gébungu sedi. Gébunguge sedi te sagésasô. Atômi atsenge yetso ahmakea n’edi gésasô. Ayôkôe amaviga gô tsengeye yetso ahmakôndéga dikitie yaô gô ôkitie wedi agékôdé na gô gésasôge sedi sagédundé.

Gétsutsuéô 18:3 ပူးပေါင်းရင်းမြစ်များ

LUC TSANGO EAMOSOBA EMATENDA 7:25

?Tambô nômakea gôéena ndaa? ?Nômeena môma aata maduani mokumaka-a? Nôsabômu mbe môma amaduani mokumaka amasetu n’okitie wetso ônganyôngéô angô, na eenanô gô eba ôvôni amôtômi atsenge.

I Timothée 5:11

Kina étenda gô gésangô sanyô samikué miname matômbô na magetoe agébakani. Vangookô ahngô tsôvé gôéômba ébaaô, angaviia Jésus‐Christ ngima.

Gétsutsuéô 14:8

Môsi g’ôba amôbaé amavigédu na Nzambé gôéaanda môkedi va ngima, ameenda mbe: Môsenge ôvôni aBabylone ômapanzô, ômapanzô. Môsengee ône ômeetsa gébungu sedi samaduku na gôndé oma muetso gô tsenge mbe ahnganyua. Madukume mane te ésima éedi éetso ébévani éengéa gô gésasô na ékusa te gô gésasô.

Gétsutsuéô 17:2

Atômi atsengeye ahmakea n’edi gésasô. Na asi tsinane nyetso aka n’edangi éamaduku mameetsô ahngô n’edi.

Gétsutsuéô 18:19

Môma na môma amagôbéga ébisie gô miôtsé miaô gôétubéda panda dimeenangô. Na ahmaamugana mbe: Ah ti gô panda yagémbôkambôka gegé. Gôébégô ôkitie amôsengee ône ômadôngéda muetso ane amatsua ôkitie wedi gô mbôngôye na gô dipo tsenge. Vipesu viandéô vimadugu gôédimbanéda yetso émabaka gô môsengee ône.

Gétsutsuéô 18:23

Gô môsengee ône gôsangadôomba éenanô gévede sadambi éyôani. Gôsangadôôkanô ôgie amôma, môgadi na mômé. Ayôkôe amôsengee ône ahmabaka na ngudi disimenya ene oma. Môsenge ône na maganga medi ômabôméda oma ayekani.

Gétsutsuéô 18:7

Okana amaguga na panda dingeetsanye angô te ngu na ôkana okiti na ôkumaka ômabaka n’edi. Môsengee ône ômabaka ga môma gôétanganéda gô môtémedi mbe: Me nadigaa éva gadigaa môtômi atsenge g’ôkumaka edi. Me kaka môkué. Me tsangoongôa édéa môéngé na édigaa na kebo.

Gétsutsuéô 18:9

Atômi atsengeye yetso ahmakea n’edi gésasô na ahmatsôkéa ôkitie wedi agékôdéé ahngadéa na mindônga vangeenahngô môtutue amôsengee ône ôbutima gôyôa angô.