Gétsutsuéô 18:10 - New Testament in Mitsogo

¹⁰ Atômie angasôbasôbana mbe: Ah ti gô panda. Ewe Babylone môsenge ôvôni angudi. Gô vipesu viandéô vimatsundédu éwe na ômani ébungana ti muetso.

Gétsutsuéô 18:10 ပူးပေါင်းရင်းမြစ်များ

Gétsutsuéô 11:8

Nzumbiye dibaé dine dingasanéa gô nzéa agô môsenge ôvôni ône ômakomedu Kumu yaô gô gésumu sowa. Môsengee ône ôtetu gô tsava mbe Sodome na Egypte.

Gétsutsuéô 14:8

Môsi g’ôba amôbaé amavigédu na Nzambé gôéaanda môkedi va ngima, ameenda mbe: Môsenge ôvôni aBabylone ômapanzô, ômapanzô. Môsengee ône ômeetsa gébungu sedi samaduku na gôndé oma muetso gô tsenge mbe ahnganyua. Madukume mane te ésima éedi éetso ébévani éengéa gô gésasô na ékusa te gô gésasô.

Gétsutsuéô 16:19

Môsenge ôvôni ômatatôga dikabô ditatô. Yebaye yagô misengemie mietso miava tsina dimapanzéga. Nzambé amabangôa môsenge ôvôni ôéndô mbe Babylone. Nzambé amanyuéséda môsengee ône gébunguge s’opisedi ôsaba na ngeba.

Gétsutsuéô 17:12

Nzima na tséba dibaé te nzima akumu madeo disibandôa étôma. Dingeetsô ényanga gôétôma kukepo na Gényamanyama gô vipesu viandéô.

Gétsutsuéô 18:18

Ahmaamugana mindônga vameenahngô môtutue ôbutima. Ahmaadôngana mbe: Madeo gôsiba wene môsengee ôvôni gandé ôdôô.

Gétsutsuéô 18:19

Môma na môma amagôbéga ébisie gô miôtsé miaô gôétubéda panda dimeenangô. Na ahmaamugana mbe: Ah ti gô panda yagémbôkambôka gegé. Gôébégô ôkitie amôsengee ône ômadôngéda muetso ane amatsua ôkitie wedi gô mbôngôye na gô dipo tsenge. Vipesu viandéô vimadugu gôédimbanéda yetso émabaka gô môsengee ône.

Gétsutsuéô 18:21

Na vane môsi g’ôba amabaka na ngudi dipôni amagunya ôbobo ôvôni gô mubu na amavovo mbe: Môsengee ôvôni aBabylone ôngadimbana te mônongovo. Na angô ôsangadôomba éenanô.

Gétsutsuéô 18:8

T’ebandô panda yevunga éetsa dingaviga na gô môsnegee ône te nyovo. Evungee te mabeea, na kebo na môéngé, na nzaa, na soto géngayôéda angô. Gôébégô Kumu Nzambé asoséda môsengee ône te amuene Kumu angudi yetso.