Gétsutsuéô 17:16 - New Testament in Mitsogo

¹⁶ Nzima atséba na dôta Gényamanyama géngadudu môsi gétôa. Géngasasa maduani medi metso na angadigaa mônyenge. Géngaa ôtôe wedi te aakaga. Na géngamôbéka gô soto.

Gétsutsuéô 17:16 ပူးပေါင်းရင်းမြစ်များ

Gétsutsuéô 12:3

Gévo gémbégéa gématsiga g’ôba. Te Gényogonyogo gémabaka na tsoo. Na gémabaka na miôtsé tsambué na nzimepo éatséba. Gô môtsé na môtsé émaata gépôkôdô sokumaka.

Gétsutsuéô 16:12

Môsi g’ôba amôtôba ameetéa gébunguge sedi gô mbéyi épôni ééndô mbe Euphrate. Mbéne émasinégéa gôétsika nzéa gôndé atômi atsengeye dindé gésa gékusa kômbéne gôéôta.

Gétsutsuéô 17:10

Va gatse ayangô tsambué, ditayi dimanôtôu. Epo éndé gôétôma. Epo dôta te éne éatsambué, madeo ésiviga. Vangatsiga kumune éatsambué éne, ôtômue wedi ésangadinga.

Gétsutsuéô 18:19

Môma na môma amagôbéga ébisie gô miôtsé miaô gôétubéda panda dimeenangô. Na ahmaamugana mbe: Ah ti gô panda yagémbôkambôka gegé. Gôébégô ôkitie amôsengee ône ômadôngéda muetso ane amatsua ôkitie wedi gô mbôngôye na gô dipo tsenge. Vipesu viandéô vimadugu gôédimbanéda yetso émabaka gô môsengee ône.

Gétsutsuéô 18:8

T’ebandô panda yevunga éetsa dingaviga na gô môsnegee ône te nyovo. Evungee te mabeea, na kebo na môéngé, na nzaa, na soto géngayôéda angô. Gôébégô Kumu Nzambé asoséda môsengee ône te amuene Kumu angudi yetso.

Gétsutsuéô 19:18

Vigani nôviaa yôtô yakumu yatsenge yetso na yôtô yaatômi amigode na yamigodemie. Nôviaa dôta na môsoyi anyama na yôtôye yane adigaa gô yangô. Nôviaa na dine yoma muetso, avéga na ane asaba avéga, na payi na anéngé.