Gétsutsuéô 17:14 - New Testament in Mitsogo

¹⁴ Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 17:14 ပူးပေါင်းရင်းမြစ်များ

Matthieu 22:14

Vamabambéô ahngô te ayekani. Vamasevôu ahngô ahsibé ayekani.

Matthieu 25:40

Kumu amanigôa ahngô mbe: Kuka yetso veendéa anye mabégôme mane gôndé ane amavamba n’ami béyé mbe ti vianéngé, ti eembe nôéndéyi te me.

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Jean 15:16

Kaka anye nômasevoa me. Ivô me namanôsevoa na namanôtôma gôékea gôéyanza. Gabôta géétété miônda miedi miamisôba, mônongovo miônda mianyô miamisôba te gôéénda mane manyôngéô me. Na mane mangeendanye mangaba madingani. Vane Téta Nzambé anganôétsa éne édukanye gô inami.

Romains 1:6

Anye dôta asi môsenge aRome nôndé g’ôkabôé ane aweseda me na gôndé Nzambé. Nzambé amanôbambéa gôéba môvo na Jésus-Christ.

Romains 8:30

V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

Romains 8:37

Ivô mabégôme mane mandé g’ebadi égenyuni. Gô mangô tôdiia te diiaga gô ndugi yone atônyôngéôni.

I Corinthiens 15:24

Va mbenene vane te ékôdéô éatsinane. Vane te ndéône éngabunzéda Christ manyangame metso, na ditômuye yetso na ngudiye yetso yedidie éasagô. Na Christ anganikéda ôkumue na gôndé Tétedi Nzambé.

I Timothée 6:15

Angatsutsuédu na Nzambé gô ndéô émasevoa amuene Nzambé, angô môtômine môvôni aneegeduni asaba na gégoni, kumu étsimama, angô Kumu ootéa kumu yetso, na pene ootéa peeye yetso.

II Timothée 2:4

Môgode atsengene anyôngéô étubéda môtômi edi gényônga gô éyanzee éedi te ône asagésangana gô monyoe oma asingaséni.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 11:7

Vangamanahngô énigôa ébégôe éndé n’ahngô, Génamanyama géngakusa gô édukue éamongodi géngagenya n’ahngô, na géngayôha mbangiye.

Gétsutsuéô 16:14

Eangô te édidi éayabédé éyanza étsutsuku. Edidie éedi étatô émakea na gôndé atômi atsinane nyetso gôékôkéga ahngô gôévanga gô ébadie éngagenyu nyoo ôvôni ôngeenanô éne éngayanza Nzambé angô Kumu angudi yetso.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.